خل نظره عيونك تسولف ولا تبوح
وخل العيون اللي تشوفك تعاني

مابيك تحكي عن الزمن لو هو جروح
خلك كذا ثابت بروح التفاني

اترك تقاليدك معي تبني صروح
اعيش في ذكراه باقي زماني

كتبتك الغالي على القلب والروح
ونسيت غيرك يوم غيرك دعاني

لاجلك خذاني الشوق والشوق مشفوح
حتى الوله لاغبت عني خذاني

معك الحياة افراح واحساس ومزوح
تزين في قربك جميع الاماني

وان رحت مابه شي يستاهل البوح
حتى القصايد مالها أي معاني

اصبر على بعدك ولو كنت مجروح
وانا ادري ان العمر والوقت فاني

لكن على كل حال ياحب مسموح
ان رحت ولاجيت هذا مكاني

واقف هنا بين الامل ونزعة البوح
اما احتفل في جيتك او اعاني

أنت القصيد وروعة الشعر وأحلاه
........وأنا الحظيظ اللي بك أطرب زماني

وأنت الكتاب اللي أعرفه وأنا أقراه
..........وأنا الغريب اللي خيالك لفاني

على طريق الود قلبي معاهدك
لو كنت في عز احتياجي عطيتك
لو توعد المشتاق بالوهم اوعدك
لو كنت دمعه فـ ناظري ما بكيتك

لولآ آلأمَل بَآلله مآكآنَ به حَيْ .,
.............. .يقدَر يكمّل فيَ حيآته / حيآته

يآوجودي والتوجاد من قآصي الصميم
له ورى عوج المحاديب حنه ورزمه

وجد من همه بصدره وله وقت قديم
كل ماحاول يبوحه تردد وكتمه

في عيونه وآهج مثل دمعات اليتيم
وطول صبره زآد فوق التحمل وآفحمه

_

طال انتظاري والوله يحرق الجوف..
والصبر ما يطفي من البعد ناري ..
اكتم شعور الشوق واصارع الخوف..
وفي داخلي نهر من الهم جاري..
اضحك ولحن الحزن بالصدر معزوف..
ودمعي حبسته لا يبين انهياري

تعلمت إن العطا لو زاد عن حده خطا ..
تعلمت إن الجميل مايملى كفوف البخيل ..
تعلمت إن العيون إذا اعشقت ستر وغطا ..
وإن أصدق دروب المحبه ماتبغى دليل ..