|
رد: ابيات تنطق حكمة في الشعر النبطي .
* ويقول غازي بن مهنا الشيباني:
ما طار وقع من مطيره ولو حام والزود مثل النقص ينقص ولو زاد دنيا تغر الناس في طول الاحلام ولابد تاصل شرها بين الاجواد ياماشي بالدرب مسرى ومجهام لابد من عقب المراويح معواد احد قضى زامه واحد يمسك الزام واللي صدر منها يجي غيره اوراد |
رد: ابيات تنطق حكمة في الشعر النبطي .
* كذلك يقول: محمد بن عايض بن هادي الحباني: من رابع الخايب سكن دوم واياه لبس الدناسه عقب لبس الجدادي ومن طاوع الشيطان في دينه اغواه يصبح غريق بين الامواج غادي ومن عاشر الطيب ترى الطيب شرواه وبالطيب يرقى نايفات المبادي خلك مع الطيب وممشاك ممشاه ورافق على الربع القروم العوادي عز الفتى دينه وسلمه ومرباه وربعه عضوده عند قدح الزنادي تاقف معه وبقدر الامكان تحماه لا صار باطراف الحبال انعقادي |
رد: ابيات تنطق حكمة في الشعر النبطي .
* ويقول محمد بن عقيل السويلمي:
اضرب طريق الخير واسلك مسيره ولا تلتفت للناس عوجاه واقداه ولو طال عمرك عارف وش مصيره ازبن ولي العرش واتعب على رضاه وأد الفروض الاوله والاخيرة واضف لهن مخافة الله ورجواه |
رد: ابيات تنطق حكمة في الشعر النبطي .
،،،
سلمت يمينك على هذة الابيات الجزله . و التي قل من يتذكرها ،،، موضوع :15::15::15::15::15: ... :16: |
رد: ابيات تنطق حكمة في الشعر النبطي .
الغدراء منوره يابعدي
|
رد: ابيات تنطق حكمة في الشعر النبطي .
* ويقول حمد بن هادي المسردي القحطاني:
من كثر ماله ساروا الناس برضاه ولو كان ناقص قالوا الناس وافي ومن قل ما بيده ترى الناس تشناه ولو كان يسقيهم عسل قنط صافي فالمال كم ساس طمان وعلاه والفقر كم حطم روابع سنافي لاشك ما للعبد عن حكم مولاه من خير ولا شر ولا عوافي |
رد: ابيات تنطق حكمة في الشعر النبطي .
* يقول محسن بن ناصر المري:
قوموا بدين الله ورزوا شعاره واخشوا نهار فيه تخطيف الابصار دنياك مرجعها الفنا والقشاره لا تامن الدنيا ترى الوقت غدار لابد من قبر وحيش جداره من مات ياالمسكين خلي على الدار |
رد: ابيات تنطق حكمة في الشعر النبطي .
* وهذا الشاعر مرشد بن سعد البذال:
لولا الردي ما صار للطيب سمعه لاشك لهذا ضد ذاك يصير والناس مثل الماء غدير ومالح هذا ملاح وذا زلال غدير والاجواد قربتهم تبيض وجودهم تنفع ولا من قربهم تأثير والاشرار نفعتهم مكافاة شرهم والا ترى قرب اللئيم خطير الرجل عقل ومرجله وديانه بلاشك راعي ها الثلاث ظهير |
| All times are GMT +3. الوقت الآن حسب توقيت السعودية: 02:50 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام