ملتقى طلاب وطالبات جامعة الملك فيصل,جامعة الدمام

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : الجازي ..وعيونها السود..! (https://vb.ckfu.org/showthread.php?t=506451)

الجازي ..وعيونها السود..!

بسم الله..والصلاة على رسول الله

جازت لي وان شاء الله تجوز لكم...دمتم بخير.

[poem=font="tahoma,4,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أمنت باللي يرزق الأرض .. ماها=المعطي .. الوهاب .. هو خير معبود
و أمنت بسنين الحياة .. و شقاها=و أمنت بالجازي .. و بعيونها السود
سبحان .. من كبٌر بقلبي غلاها=و خلاه يكبر داخل الروح .. و يزود
في ذمتي .. ماشال قلبي سواها=غير السهر .. و الصدق .. و الصبر .. و الجود
بالحسن .. ربي يوم يعطي عطاها=وأخلاق .. تجعل كل مكروه محمود
أن سولفت للريح .. تمشي وراها=و أن سلهمت للغيم .. سافر مع النود
وأن فضفضت للأرض .. تزعل سماها=و أليا وطتها صارت .. ( سهود و مهود )
و اليا تثنا عودها .. و أبتلاها=سلٌم على اللي تحسب أن خصرها .. عود
و أن ( ازعلت ) .. بعت الحياة لرضاها=وأن ( أضحكت ) .. خرٌت لها ضلوعي سجود
( طفله ) و يكفي عن حلاها .. بهاها=خلطه عجيبه .. و أكثر الخلطه ورود
والله .. لو تأمر على القلب جاها=هي بس تامر .. تبشر بقلبي و زود !!
ما عندي الا ( قلب واحد ) فداها=ماأبيه .. مادامه معاها .. و موجود
و أن سيطرت فيني .. و شوقي حكاها=قلبي و مستسلم .. و عقلي و مشدود
يعني بصراحه .. جعلني ما أخلاها=معها .. أحس الوقت و الصبر محدود
صغيرتي .. يا حلوها في خطاها=حتى خطاها يشبه الدين .. مردود
تبعد .. و أنا أقلق .. و أشتكي من جفاها=و من قبل لا أشكي بعدها عني .. تعود
وأحسٌها فالبيت .. كني معاها=و أسهر معاها .. و اكثر العالم رقود
تجي .. و تدخلني بساعة صفاها=و أن أدخلتني ( مودها ) .. ضعت ( فالمود )
و اليا غشاني حبها .. او غشاها=في غرفتي حطوا على الباب .. ( مفقود )
دلوعتي .. جعل الكريم يحماها=لها الوطن من دون .. تاريخ و حدود
دلعتها من بين كل أخشراها=لا أهتم في ( هابس ) .. و لا أطالع ( سعود )
أخت الرجال ..و فعل أخوها حلاها=خلاصة ( الأحفاد ) في قصة ( جدود )
هي البستني كل طيب .. و جزاها=منى سلام .. و تاج .. و ألماس .. و عقود
أهداني الله بالغلا .. من غلاها=كن الغلا نيران .. و الصبر بارود
و النار تأكل فالحطب .. ما كفاها=أهل القلوب السود .. و أصحاب الأخدود
قلبي على الجازي .. و نفسي بلاها=أن الغياب يكون .. قاسي و مقصود
و أنا صبرت .. و هلت العين ماها=و أمنت بالله .. ثم بعيونها السود

[/poem]
اعتذر ان سبق نشرها...هنا..!