لابطيت ماشفته وهو ماعنالي عفت المكان اللي يغيضه ويجفاه.. رائعة الشاعر سليمان بن شريم (رحمه الله)
 

مساكم الله بالخير


ياونتاه اللي برت جسم حالي
بري الدبا نبنوب غصن تغشلاه

على عشير بالموده صفالي
وأزريت أنوش حماه وأنا اتعداه

غرو جبينه مثل خط الهلالي
سبحان رب صوره لين سواه

وحياة رب كمله بالجمالي
من مفرق الهامه إلى حد ماطاه

إنه من أول وأمس واليوم غالي
وأتلى زمانه بالغلا مثل مبداه

ماله حلي إلا مودة عيالي
أصغر عيالي بالغلا كنه إياه

لابطيت ماشفته وهو ماعنالي
عفت المكان اللي يغيضه ويجفاه

لو دلهوني عنه مانيب سالي
أشفق على شوفه وأهوجس بطرياه

شوفه دواي وقل شوفه زوالي
حكيم طب جامع داه ودواه

حقه علي إلى تزخرف قبالي
أبعد مزاره بالهوى واتمناه

وحقي عليه إلى أعترض له مجالي
يصفح ويلقاني على الطول وألقاه

مابه من العذروب عنق الغزالي
إلا الزمان اللي حداني وعدّاه

ريقه حلا من درّ عفر متالي
لاروحن من مدفق سال مجراه

هبي بريحه ياهبوب الشمالي
كود الجنوب ومطلع الشمس تنصاه

عبثن صبيت لعشرته من صبالي
سجلي(ن) بنجله والموده مجازاه

ياما وياما فرقتنا الليالي
نجع قديم وفرق البعد لاماه

أقفت مراحيله وأنا أقفت رحالي
خليت مداهيله و عميت ركاياه

وخان الزمان بعشرته والتوالي
ورّثت من يصفق شماله بيمناه

وعضيت بسرة شاهدي من هبالي
وونيت ونة من نقل داه برداه

أسهر إلى نام المعافى لحالي
والصبح أجدد ذكر حمّام واسماه

هني دحش دب الأيام سالي
ماولعه طرد العماهيج وأغراه

ولا صلاه من التصاريف صالي
وذاق الفراق وتاه مثلي بمسراه

ياطول ماطاوع نسيم الهوى لي
من قبل يبدي لي من الوقت مجفاه

وإعتضت من عقب الجديد السمالي
ولا ينفع الفايت ولو قيل ماحلاه

ليتي قريب له وبيته موالي
والعلم من بيني وبينه مناجاه

إن كان له بمواجهي مثل مالي
وقلبي معه يبراه والهم يبراه

ولا تراني عنه طاون حبالي
يلقى وأنا ألقى واحد كنه إياه

مانيب من يتبع خفيف الخيالي
إلى تحد بارقه عفت مرعاه

هذا وصلوا عد رمل السهالي
على نبي شيع الدين وأحياه

وآله وصحبه كلهم بالكمالي
واللي تبع سنة نبيه ومجراه









اللهم صل وسلم عليه :004:




رائعه الشاعر الكبير سليمان بن شريم ( رحمه الله ) :004:



راقت لي ونقلتها لكم:rose:

رد: لابطيت ماشفته وهو ماعنالي عفت المكان اللي يغيضه ويجفاه.. رائعة الشاعر سليمان بن شريم (رحمه الله)
 

يعطيك العافيه انتقاء جميل
سلمت يداك عزيزتي لمَ طرحتِ :icon19:

رد: لابطيت ماشفته وهو ماعنالي عفت المكان اللي يغيضه ويجفاه.. رائعة الشاعر سليمان بن شريم (رحمه الله)
 

_

كلمآت رآئعه وجذآبه
آبيآت جدآ جدآ جميله
صح لسآن الشآعر 0( رحمه الله عليه )
وسلمتي ع النقل الذوويق
لله درك ع مىنقلته فيذآ
كل الشكر لك

رد: لابطيت ماشفته وهو ماعنالي عفت المكان اللي يغيضه ويجفاه.. رائعة الشاعر سليمان بن شريم (رحمه الله)
 

تسلمون حبيباتي الله يسعدكم

نورتوا

رد: لابطيت ماشفته وهو ماعنالي عفت المكان اللي يغيضه ويجفاه.. رائعة الشاعر سليمان بن شريم (رحمه الله)
 

،،،

قصيدة جميلة . كلماتها سلسه .
الله يرحم قائلها و تسلم يمينك ع النقل ...

...

رد: لابطيت ماشفته وهو ماعنالي عفت المكان اللي يغيضه ويجفاه.. رائعة الشاعر سليمان بن شريم (رحمه الله)
 

اللهم صل وسلم على محمد

ذائقه شعريه رائعه
يعطيك العافيه

رد: لابطيت ماشفته وهو ماعنالي عفت المكان اللي يغيضه ويجفاه.. رائعة الشاعر سليمان بن شريم (رحمه الله)
 

الله يعافيكم و لايهينكم

رد: لابطيت ماشفته وهو ماعنالي عفت المكان اللي يغيضه ويجفاه.. رائعة الشاعر سليمان بن شريم (رحمه الله)
 

.
.

انتقاء في غايه الجمالٌ
سلمت يداك ويعطيك العافيه

رد: لابطيت ماشفته وهو ماعنالي عفت المكان اللي يغيضه ويجفاه.. رائعة الشاعر سليمان بن شريم (رحمه الله)
 

يسلم غاليك اخوي ولا هنت ع المرور