ملتقى طلاب وطالبات جامعة الملك فيصل,جامعة الدمام - شعر الصمت حكمه والحكي مصدر إفلاس

- ملتقى الفنون الأدبية (https://vb.ckfu.org/f150)

- - [ شعر ] : الصمت حكمه والحكي مصدر إفلاس (https://vb.ckfu.org/t525779.html)

الصمت حكمه والحكي مصدر إفلاس

.
.

قالوا علامك صامت وقلت يانـاس
كثر الكلام يقـل لاجلـه مقامـي

الصمت حكمه والحكي مصدر إفلاس
ولقيت في صمتـي يزيـد احترامـي

الصمت له معنى وله ذوق وإحساس
مركب نجاتك فـي بحـور الظلامـي

ترى الرجل صوره من الراس للساس
ثـم يتبيـن جوهـره بالكـلامـي

إما نطق في كلمـة ترفـع الـرأس
تضفي على شكله جديد الاسامـي

وإلاّ يعوّد معدنـه معـدن انحـاس
يرميه سهمه بعـد ماكـان رامـي

لا صار عندك من ثمينـات الألمـاس
خله بصدرك ليـن وقـت التمامـي

أخاف يطلعلك من النـاس بـلاس
وإلا سفيـه مـا يـرد السـلامـي

الله خلق خلقه على عـدة أجنـاس
وكلـن يسوقـه مذهبـه للأمامـي

والله خلق بالطير قمـري وقرنـاس
ووقت الهدد ما ينغـزي بالحمامـي

لا جال في صدرك من الهم هوجـاس
وعينـك يحاربهـا لذيـذ المنامـي

ونفسك عليله والفكر صار محتـاس
اترك طمان القـاع وارق السنامـي

.

مما راق لــي