![]() |
جاني خبر موت ابوي اللي عساني فداه
لاعاد ليل الحزن والهم والاكتئاب فالليله اللي قمرها مايشعشع ضياه قدام شمس النهار تميل يم الغياب والليل يسدل على روس الشوامخ غطاه سوى على الزمن في ساعتين انقلاب منها عرفت الزمن صد وعطاني قفاه في ساعة كنت ماحسب لمداها حساب جاني خبر موت ابوي اللي عساني فداه مابين اصدق واكذب والخطا والصواب اقوم واقعد واقول الموت حق وش لون جاه صدمة خبر واجهتني وانقفل كل باب الله ياقو الخبر وش لون قلبي قواه صدمه من اثارها طحت وفقدت الصواب منها انجرح خاطري وازريت احصل دواه اخذت لي يوم ماذقت الاكل والشراب وكرهت نفسي بعد موته وعفت الحياه ودموع عيني لها فوق الخدود انسكاب مثل المطر لانشى وبله ولا هل ماه هو محزمي ساعدي فالمعضلات الصعاب هو بيتي اللي عن الملهاب اجي في ذراه من يوم انا طفل واليومه بسن الشباب مااحصي فعوله على شاني ولا احصي عطاه واليوم راحت به الاقدار عني وغاب والحمدالله على قدر الاله وقضاه ماعاد بيني وبينك يالليالي عتاب من يامن الوقت لا قفى ودارت رحاه يالله ياهازم الاحزاب منش السحاب ياللي بحكمك وتدبيرك تسير الحياه اغفر ذنوبه وجازه من جزيل الثواب واعطه من الاجر والحسنات وادمح خطاه في جنتك سكنه واكفه شرور العذاب وانجه من النار وانت اللي عليك النجاه بالله عسى يرحم من مات ويغفر لهم جميعا |
رد: جاني خبر موت ابوي اللي عساني فداه
واليوم راحت به الاقدار عني وغاب
والحمدالله على قدر الاله وقضاه :24: اليمه تسلم يمينك |
رد: جاني خبر موت ابوي اللي عساني فداه
كلمات في قمممةة الحزن ،، آلله يرحم موتنآ وموتآ المسلمين آجمعين ،، |
رد: جاني خبر موت ابوي اللي عساني فداه
_
ربي يرحم موتانا وموتى المسلمين اجمعين قصيَده اليمَه وحزيَنه جدا ,:icon9::icon9: سلمت أنامل الكآتب وصح نقلك يآخوي يعطيك ربي الف عافيه دمت بخير:icon19: |
رد: جاني خبر موت ابوي اللي عساني فداه
ابيات حزينه وتجسد خبر وقع وفاة الاب لابنه
اللهم ارحم والدي وكل المسلمين يسلم يداتك على الابيات اخوي بدر |
رد: جاني خبر موت ابوي اللي عساني فداه
ودموع عيني لها فوق الخدود انسكاب
مثل المطر لانشى وبله ولا هل ماه هو محزمي ساعدي فالمعضلات الصعاب هو بيتي اللي عن الملهاب اجي في ذراه من يوم انا طفل واليومه بسن الشباب مااحصي فعوله على شاني ولا احصي عطاه واليوم راحت به الاقدار عني وغاب والحمدالله على قدر الاله وقضاه ماعاد بيني وبينك يالليالي عتاب صح لسان الشاعر وتسلم يمناگ اخوي بدر ع الانتقاء الممييز وربي يرحم موتى المسلمين جميع |
رد: جاني خبر موت ابوي اللي عساني فداه
الله يرحم موتى المسلمين اجمعين
مرثيه قمة الحزن والألم منقول وافي لاهنت |
رد: جاني خبر موت ابوي اللي عساني فداه
اخذت لي يوم ماذقت الاكل والشراب
وكرهت نفسي بعد موته وعفت الحياه : : اعجبيني هذا البيت يعطيك العافيه بدر |
رد: جاني خبر موت ابوي اللي عساني فداه
:(176): الله ياقو الخبر وشلون قلبي :004: قواه :(176): |
رد: جاني خبر موت ابوي اللي عساني فداه
،،،
أشد الحزن الفقدان فمابلكم بفقدان الأب . صح لسآآآن الشاعر و سلمت يمينكـ ع الموضوع ،، لآهنت ،،، . |
رد: جاني خبر موت ابوي اللي عساني فداه
رحمهم الله ورحمنا من بعدهم وجمعنا في جنات النعيم ...
|
رد: جاني خبر موت ابوي اللي عساني فداه
_
الله يرحم موتانا وموتى المسلمين ويغفر لهم يارب قصيده جدا مؤثرره وتووجع :icon9: يعطيك العافيه اخوي بدر |
رد: جاني خبر موت ابوي اللي عساني فداه
عسآاهٌم في جنہ هُ ربي يعيشون
إلليَ من هالدنيآ فآرقوفناآ يعطيك العافيه ﻵهنت°` |
رد: جاني خبر موت ابوي اللي عساني فداه
مرحوم ياشيخ على الطيب مجناه
مرحوم يازبن الحمول الثقالي ابويه اللي غاب وقفت مطاياه اللي رحل وقفا بسود الليالي مازال في قلبي ولاراح ذكراه عسى العوض في مقدمات الليالي نذر على قلبي فلا عاد ينساه لواني انساء كل ماجاء ببالي ويالله يامنشي من الغيم منشاه تمطر على قبره مزون الخيالي تسقيه لين العشب يضهر من خفاه وتنبت عليه من الخزاما سبالي وتغفر ذنوبه يوم تشتيت الانباه وتكتبله الخيرات باول وتالي وتكتبله الفردوس داره ومجناه ويسعد بجنتك ياعظيم الجلالي رحمك الله ياابي رحمه واسعه واسكنك فسيح جناته |
رد: جاني خبر موت ابوي اللي عساني فداه
ابيات اليمه
الله يرحم اموات المسلمين يعطيك العافيه |
All times are GMT +3. الوقت الآن حسب توقيت السعودية: 11:12 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام