كل العيون تطيح من عيني الا انت
اليا ذكرتك هزني طاري الشوق

وين انت ياللي عالمشاعر تسلطنت
واشغلتني عن كل كائن ومخلوق

من قبل اعرفك ماعرف وين انا كنت
ولا كنت اعرف ان الهوى قمة العوق

محتاج لك لو تسمح شوي لاهنت
مليت المح لك من الضيق مخنوق

رابع سـنة مرت وللـحين مابنـت
لا ديمتك ديـمه ولا بروقـك بروق

ضاع العمر ياللي بروحي تمكنت
وانا اردد .. كل مطـرود ملحـوق

ان كان ردت للمراسـيل هونـت
لان المراسيل انتهت مالها سوق

وان كان ردت للامل خير عينت !!
ان اشهد اني جيت للقاع من فوق

البارحة لا زان حظي ولا زنت
كن الحزن طوق على ناظري طوق

وين انت ياللي في عذابي تفننت
بهديك بيت ماعلى غـيرك يـلوق

بهديك بيت كم سنة فيه هيجنت
بيت يساوي ألف معنى وطاروق

ليـت الخلايق تنقـلب كلـها انـت
واصير اشوفك كل ماشفت مخلوق

وين انت ياللي في عذابي تفننت
بهديك بيت ماعلى غـيرك يـلوق

بهديك بيت كم سنة فيه هيجنت
بيت يساوي ألف معنى وطاروق

ليـت الخلايق تنقـلب كلـها انـت
واصير اشوفك كل ماشفت مخلوق

آبيات جميلة
تسلم يمينك وتقبل مروري

ليـت الخلايق تنقـلب كلـها انـت
واصير اشوفك كل ماشفت مخلوق
.
.
رغم أن هذا البيت الأخير من القصيدة لايعدووو كونه أمنية من شاعر القصيدة
الا أنه أضفى صدق أحساس شاعرها ..
.. بحق القصيدة رائعة .. متناغمة ... سهلة المعنى ..
لله دره من شاعر ...
ولاهنت أخوي أبو رهام على الأنتقاءالمميز .. ولك تقييمي ..