ملتقى طلاب وطالبات جامعة الملك فيصل,جامعة الدمام

الجرح يكبر معي والناس مشغوله..
واللي أبيهم مشو واحد ورى الثاني..

الليله ياطولها .. والدرب ياطوله..
واللي وراي أحس انه تعداني..

الوقت لامن تغير هذي فعوله..
إما لعب لعبته والا تحداني..

أبواب مقفله .. ودروب مجهوله..
وإذا تبي كل حاجه لازم تعاني..

كلام ابقوله لكن... مقدر اقوله..
أشياء في خاطري توقف على لساني..

غلطه ومن صاحبي وأقول .. مقبوله..
مره منشانه .. ومره منشاني..

والمشكله لو تطول شوي محلوله..
منشان مايشمت القاصي ولا الداني..

تكفون وأنتم اليا جيتوه قولوا له..
إني أعزه كثر معزة اخواني..

معقوله ينساني؟! لا ماهي بمعقوله..
حتى الشعر وقتها ماراح ينساني..

فلة حجاج .. وقصيد .. وصوله .. وجوله..
يعني متى ماتذكر شي .. يلقاني..

ماشلت هم الشكوك الدايره حوله..
والا الخوي لاتردى .. قلت: يفداني..

مرات أحس إني حاكم تنقصه دوله..
ومرات .. مدري من اللي ينقص الثاني..

:praying: