ملتقى طلاب وطالبات جامعة الملك فيصل,جامعة الدمام - شعر مالــــــــــــــكـ عــــــــــــذر

- ملتقى الفنون الأدبية (https://vb.ckfu.org/f150)

- - [ شعر ] : مالــــــــــــــكـ عــــــــــــذر (https://vb.ckfu.org/t613578.html)

مالــــــــــــــكـ عــــــــــــذر

يا قلبي الطيّب كفانا شوق/ ما ودك ننام؟
كافي علي إن عيني تدور على الدمعة عذر

اللي تحسونه خطا.. واللي تسوونه حرام
خافوا من الله واستروني واكسبوا فيني أجر

يا قلبي إنت أدرى وأنا مليت من كثر الكلام
اللي حلف ما يقدر يخليك خلاك وقدر

راح وترك ذكرى وخذلان وتناهيد وملام
وجوال فيه محادثة وصور وزجاجة عطر

أمرها لكن مروري ما هو مرور الكرام
يا ما حلفت إني ما عاد أمر وأعود وأمر

ياخي بلاش من التعب ومن السهد ومن الغرام
إنسى لا تفضحني وتكسر هيبتي على كبر

صحيح إني ماني بخاف الليل وأخاف الظلام
لكن بعد ما غاب صرت أخاف لا طال السهر

وصحيح أنا حساس بس والله وعلي الحرام
ما كنت أظن بيوم من الأيام ببكي من صور

تهشمت روحي أحس إني بقايا من حطام
وإحساسي إنه ما درى عني مموتني قهر

شخصيتي تغيرت وأشعر بحالة انفصام
صرت انطوائي وأتحاشى الناس وأحب السفر

تشبث وتعلق بأي شي حولك والسلام
أنقذني وتلاحق الباقي من سنين العمر

يغني عن الحب ودروب الحب بعض الاهتمام
مثل ما تغني عن قصيدة كاملة فكرة شطر

سيل حبيبك مع دموعي ..وأقفل عيوني ونام
عذرتك الليلة ولكن عقبها ما لك عذر..!!

لــ /محمد جارالله السهلي