ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى الفنون الأدبية (https://vb.ckfu.org/f150)
-   -   [ شعر ] : طيب أحبك ’ كيفْ تنقال بصمت ؟ (https://vb.ckfu.org/t616576.html)

Abo Rahma 2014- 9- 22 04:55 PM

طيب أحبك ’ كيفْ تنقال بصمت ؟
 
(( قد تصادفنا مواقف يكون فيها الصمت ))
سيد الموقف

دام النصيب اللي علــق في جبيـــــني
لزمنـــي الطيـــب وأنـــا فيه لزمت

فـــأنا على ماكنت ياخــــــابريني
اجــــي لــها راغــب ولــن عفـــتها شمت

ارجـــع ورا خطوه عن الكارهيني
وعشــرين خطوه للمحبين قدمت

من قلبــــــي اللي فالهواء مبتليني
اللي تحزم بي وانا به تحزمت

والجادل اللي ما اظنه نسيني
في وعدها من حين ماوافقت قمت

واخذت ورده قاطفتها يميني
لعلـــها تقبل ملامي اذا لـمت

ثم جيــت موعدنا وهــــي ... تحتريني
وقامت عن الكرسي تسلم ... وسلمت

قالت يـــــا ؟؟؟ خيــــر قالوا تبينــي
وهي تحاكيني وانا فالحكي همت

قالت يـــا..... قول قلت اعذريني
كل ماشوفك في كلامي تلـــعثمت

لكن باقول وطالبك تفهميني
وتكفين مابغى احس اني تندمت

قالت وش المطلوب قلت اسمعيني
انا من اللوعات ياما تألمت

صبرت لين الصبر بيّــــح كنيني
وانتي ظلمتيني وانا ماتظلمت

وانا ومن جور الزمان وسنيني
مني اعلمها ومنها تعلمت

ـــــــــــــــ

... انتي تبين الصمت بينك وبيني ...
طيب أحبــــــك كيف تنقال في صمت !!


قولي احبك كذا صارحيني
او لمحي والعيب لو ماتفهمت

قالت المح قلت هـــــاخلصيني
وتنهدت وتبسمت ثم تبسمت

قالت بلاش اقول طالع فــعـيني
وطالعت في عينه وسلهم وسلهمت

وحسيت شي يجرني مع يديني
وبغيت اطيح وفي يدينه تلزمت

وكنه يقول العشق فيكم وفيني
مع انه الساكت وانا ماتكلمت

وعرفت مما صار بينه وبيني
ان الشعور احيان ينقااال في صمت


نورة بنت فهد 2014- 9- 22 05:44 PM

رد: طيب أحبك ’ كيفْ تنقال بصمت ؟
 
الصمت في الحب ← حيره و دمعه ونظرة حزن
انيق انيق انيق
اشكرك ع الدعوه وربي يرضى عليك

حيـااة 2014- 9- 22 06:16 PM

رد: طيب أحبك ’ كيفْ تنقال بصمت ؟
 
خلك في ملخص الأساليب الكميه أزين لك :8::8:

Dr ʀeнαв 2014- 9- 22 06:37 PM

رد: طيب أحبك ’ كيفْ تنقال بصمت ؟
 
... انتي تبين الصمت بينك وبيني ...
طيب أحبــــــك كيف تنقال في صمت !!




من جد ..:verycute:
مبدع ابو رحمَة قصيده جميلة جداً
صح بوح شاعرها وسلمت اناملَك ياخوي
ذائقَه لايضاهيها جممال ..
يعطيك ربي الف عافيه
كل الشكر لك:icon19:

تك تك مخك معاي 2014- 9- 22 07:54 PM

رد: طيب أحبك ’ كيفْ تنقال بصمت ؟
 
وعرفت مما صار بينه وبيني
ان الشعور احيان ينقااال في صمت


^^
أي والله






وش هالابدآع .... روعةةة روعةةة بجد
اعجبتني ي ابو رحمه
ننتظر جديدكك ؛/

تقبل مرووووري

دﻵل ~ 2014- 9- 22 09:18 PM

رد: طيب أحبك ’ كيفْ تنقال بصمت ؟
 
لكن باقول وطالبك تفهميني
وتكفين مابغى احس اني تندمت
تسلم يآبو رحمه على الاختيار الذوق
ﻵهنت

ندى الموسى 2014- 9- 22 09:21 PM

رد: طيب أحبك ’ كيفْ تنقال بصمت ؟
 
وكنه يقول العشق فيكم وفيني
مع انه الساكت وانا ماتكلمت


رائعه بصراحه جدا جميله
ومني لك :106:

عريبღღ 2014- 9- 23 03:44 AM

رد: طيب أحبك ’ كيفْ تنقال بصمت ؟
 
الصمت لغه لكن صعب إيجاد مترجم لها
أحسنت أبو رحمه أبيات جميله راقت لي
تقبل تقديري ومشكور على الدعوه

حيـااة 2014- 9- 23 06:57 AM

رد: طيب أحبك ’ كيفْ تنقال بصمت ؟
 
رائعه القصيده

MNON 2014- 9- 23 04:14 PM

رد: طيب أحبك ’ كيفْ تنقال بصمت ؟
 
جميلة جداً
يعطيك العافية :106:


All times are GMT +3. الوقت الآن حسب توقيت السعودية: 07:08 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه