|
اصعب سؤال ~
أصعـب سؤال لشاعرها ~محمد جار الله السهلــي :icon19: أصعب سؤال .. اللي جوابه للأسف مثله سؤال .. ماهو تفلسف الا موقف صار وأسمع ثاني بيت .. البارحه يومه سأل وش ذكرك ذيك الليال ..؟؟ كان الجواب بكل بساطه من متى أصلاً نسيت ..؟ أدري بأن جمع الصعوبه والبساطه شيئ محال ..؟ لكنها صارت كذا واللي أهم إني دريت .. إن الحياه في بعد احبابك إذا جف الوصال .. تعيشها لو تقتنع أنك خلاص أصبحت ميت .. يا صاحبي لو كل شي يمر بالخاطر يقال .. ماكانت العبرهـ تولجني ليا منك طريت .. شفني قدرت أحبس دموعي بس دمع القاف سال .. وياكبرها ساكت ولكن داخل أوراقي بكيـت .. عمر الحكي ماكان باطل لنكتب قوله تعـال .. لجل التجاهل ورجفت حروفي لامني حكيت .. الحال في بعدك قسم بلله ما أسميه حال .. أنوي على الضحكه وأحس كلي خطا لأني نويت .. تصور أنك من رحلت أشوفك كل جسمي ظلال .. لا شفته أمشي ببتعد وأثرهـ معي مهما مشيت .. مادام يعني في بحرك لفرحتي مليون جال .. وش في موجك ماركد قربت أموت وما رسيت .. يرضيك ماعادت معي تفرق إذا جالك مجال .. لأني أقتنعت .. أنك نهايه وإني ببطي ما بديت .. صرت أعقد حجاجي لا جابوك بأطراف الجبال .. وأنا قبل لا قالوا أسمك كني ميت ثـم حيت .. تعبت أعيش الدور وأفتح للمعابير الخيال .. وأتخيل إني جيت في بالك وبأنك أستحيت .. ترد لي كلك وله .. وتقول لي كن البعد طال .. وان الفرح ماعاتبك وأقول ياخي مابغيت .. حتى وأنا أتخيل حشمتك لأن قلبي لايزال .. يكرر أسمك داخل أعماقي بنبضه لا سهيـت .. قلي وش أسوي فيك وأنت بداخلي أصدق مثال .. للحب .. لأحساس القصيد نعانق الليل لاسريت .. ربي يصبرني على الفرقا ما دام الحظ مال .. وأنت بيجي لك يوم وبتعرف ليه أنا بعدك شكيت ..؟ إذا بلاك الله وعذبك أشتياقك بس تعال .. وأقرأ القصايد في غيابك كل أبوهـا بيت بيت .. بتدري أن أصعب سؤال اللي يجي ردهـ سؤال .. لا قلت لي وش ذكرك .. ثــم قلت لك متى نسيت .. |
رد: اصعب سؤال ~
_
كان الجواب بكل بساطه من متى أصلاً نسيت ..؟ شطر عن الف قصيَدة رآئعة شعرية من روآئع شاعرها ~ اختيار جميل جداً غلاتي يعطيتس ربي الف عافيه وكل الشكر لجهودتس لك :106: |
رد: اصعب سؤال ~
اقتباس:
من ذوقك منوره ~ العفو يي الغلااا يعافيك ربي :rose: |
رد: اصعب سؤال ~
أبيآت جميلة وذآئقة مميزة كل الشكر |
رد: اصعب سؤال ~
اقتباس:
العفو منوره ي القلب |
رد: اصعب سؤال ~
سلم لنا هذا الذوق الذي يقطف لنا اجمل العبارات واروعها
ما ننحرم من ذائقتك الجميله والمميزه ربي يعطيك الف عافيه دمتي بخير |
رد: اصعب سؤال ~
اقتباس:
يعافيك ربي أمين وما ننحرم من طلتكم منور اخوي ادامك الله :icon19::icon19: |
| All times are GMT +3. الوقت الآن حسب توقيت السعودية: 01:45 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه