،’

كل ما ترش العطر قلت الف لا باس
على العطور اللي بقت تطلب الله

عطرك لو اشمه على باقي الناس
مثل المديح اللي ما هو في محله !

،’

،’

لو قالت الناس عنّا قول واغتابت
ندري بسود الصدور اللي بنا ضلّت

سود المفارق على تفريقنا شابت
ماتوا عطش بالقهر وارواحنا ابتلّت

خابت مساعي الحسود وسيرته خابت
أهل الحسد خايبه في وين ما حلّت

كن العواذل لنا امنين ما عابت
تهدي لنا وصل فيه قلوبنا فلّت

،’

،’

الليل يسري والهواجيس تسري
والصبح قرب مادخل عيني النوم
وحتيش لو يطلع علي صبح فجري
ماني على بعض الهواجيس مليوم
يااامكثر آهاااتي وياطول صبري
وياقووووم ياكثر الهواجيس ياقووم
لو اني أكتب بالبحر جف حبري
شعر ٍ عليه اسمي موقّع ومختوم

لاشك أخاف من المقابيل وأدري
ماقلّ دلّ وكايف الشعر محشوم

،’