للحين وأنا أرسم ظلاله .. وظليّ
وأبني من آمالي على شوفته صرح
ما يذبح المغرم سوى مفارق الليّ
ما جاه منه لا خيانه ولا جرح

أشتقت لأيامگ وجيت أنشد الوقت
وين الحبيب وضحكته وأمسياته
ليته يوسع خاطري لا تضايقت
مثل الكفيف إن قربوا له عصاته

أنتي وأنا : تركيبة الحزن والنـآي
حتى قصيـدي عن رحيلك سـألني
تشغلّني الوحده ودورآت دنيـآي
عن بعدك إلي لآ طرآلي #شغلّني !

أقسى شعور .. يمرني في غيابك
لا قادر أرجع لك ولا قـادر أنسـاك ،

على اول مرحله في سكة الوافين
ياكثر اللي من يدين الوفاء تاهو !


تجردك المواقف لاقست .. وتبين !
ويبقى الطّيـب .. الطيب على ما هو

اكبر هموم القلب تركك للصلاه
والا ترى الدنيا مشاكلها تهون


ماتستريح النفس وتزين الحياه
الا مع اللي يركعون ويسجدون .

الا يالعيون اللي بها دمعتين تويق
ع موق من هو عبرته سكّرت حلقه


عسى الله يسهّل ما تعسّر ويجلى الضيق
ويجعل ذلول الحظ ،، بالحظ منطلقه

ميعادنا ظل غصن / وحس قمريه
توالفوا والهوا شدّاد .. نزّالي

الرزق لا ساقه عليك الله وجاك
جتك النعم من فضل ربي وافيه


واطلب من المعبود لا منّه عطـآك
يعطيك فوق اللي عطاك العآفيه

استخرت الله وبرجع استخير
كان فيك الخير : مآ تبعد ابد


وكان فيك الشر ! يمحيه ويصير !
فيك خير ، ومآ تفارقني بعد

ملامح الفرقى على وجيه الأيتام
شفها عساك إتوب منها وتبقى
-حتى ماترضى أصير مع مر الأيام
.. يتيم حب يعيش في حضن فرقى !

تشوفني أضحك وأسولف وأغني
وتقول أكيد أنه نسـى حلو الأيام
ذكـراك حتــى لـو تباطيت عنـي
تزورنـي لانمت دايــم بالأحــلام

غبت عني والغياب أثر علي
يامناة الروح قلي وش دهاك
فيني هموم ماتوقع تنجلي غير
من..( صوتك وترتيبة حكاك )..!

في غيبتك / صرت أبيع الدمع مجاناً
أبكي / ولاهو متحسّن وضعي النفسي
أحياناً أبكي على غيبتك / وأحياناً
من كثر ما أبكي عليك / أبكي على نفسي

غايب عن عيوني وغابت حراويك
وأنا اللي راهن لك خفوقي وديعه
ليتك تحس بوحدتي يوم أناديك
أنا أشهد إن ذمّة غيابك وسيعه

النوم : حلمٍ تطرده لهفة الشوق
والوجد بعـروقي يخـاويه دمي
واليوم مثل البارح غروب وشروق
لمّي ثـمار العمــر يـاروح لمّي

جاري الكتابه.. وأنتظار الكتابه
مثل المفارق وأنتظار المواصيل
ليت المواصل باب وأنصك بابه
في وجه حزات الجفا والغرابيل

لك الله ي اللي ترقد الليل متهني
أنا عيني مں النوم ما هي بشبعانه
برت حالي الفرقا ومن سبتك كني
شعور الـيتيم اللي فقد أخر أخوانه”

أضحك مع هذا وأسولف مع ذاك
وآصد عن طيفك وأخاف المواجه
هذا أنا كل ما تزاعلت .. ويـاّك
أحاول أشغل خاطري بأي حاجه !!

بـ تغيب ؟ غيب ولكن أسمع محاكيك
في خاطري كلمة < ويمكن > تبكيك
لو الزمن يعطيك - ماهوب معطيك
شخص يحطك بين عوج المحاني

أقفيت عني والجفا يدفع إخطاك
وأقبلت يمّي و الوفاء من طبوعك
حيّرتني ، ما بين .. هذا و هذاك
بس الأكيد إني سعيد بـ رجوعك .

سجل قصيد الغــلآ بإسمك وسجلني
أول متابع لـأحاسيسك ولمساتــك
لو تكسر البيت كمّل لا تكلمني
يكفينـيٓ أسمكٓ مسجل بأخر أبيٓآتــٓك〽

ليتك تحس بشوق مغليك لاغبت
وليتك تحس بقلب منهو تمناك
ليتك تعرف أنك بجرحي تسببت
ياللي شغلت القلب والفكر وياك

وجهك غشاه الشيب يا منبع الطيب
جعلي فدى راسن على راحتي شاب


يابوي لك أدعي عسى عوقك يطيب
وترجع معافى عقب همك والاتعاب

.. أحب الثقيل اللي على فاله يحب ، وإذا حبني ، باع خلق الله لعيني !

من بغاك ؟ اهتم فيك ومن اشتاق ' سال عنك ومن يبيك صدقني يجيك !

آمالي واجد بس اهم الامال
انك ماتحرمني لقا وجهك !

فيني بقايا منك واشياء مني
انسان يبغي بعضه وضاع كله

خذني على قد انتظاري لأني
محب مايوخذ على قد عقله :004:

-إطلب رجا من لا يرد الرجاوي
وغالينك … الله لا يـبيـن غلاهم


لا تحزن ان زادت عليك البلاوي
ربي اذا حب العباد ... ابتلاهم

بتصفّي النيّه أو بتشيّن النيّه
خواطر الناس بتخليك في حيره


بعض العلاقات ماهي ذات أهميّه
إن جات يامرحبا وإن روّحت خيره

يارب تكتب لي الغفران والجنه


ولكل مسلم رجا عفوك وغفرانك



يلي لك الشكر والتسبيح والمنه
لانصكت ابواب ماصكيت بيبانك

دامك نويت البعد ياخلي مسموح
هذا أختيارك وأنت حر بدنياك
وماينجبر قلب ولاتنجبر روح
حكم القدر مكتوب والرب يرعاك

اطيَب الرفاقه صاحبٍ لآ بغيته لقيته
يرتكي لـ المصآيب وان توالت تحمّل .....

قلبي على قيد الامل والامنيات
اللي على قيد انتظارك من متى

عادي تجي ! العين ودهآ تشوفك ,
تعآل فرّحـنآ .. ترآنآ مسآكين


بسنا تعبنآ ، نرتجي من طيوفك ,
تعال مره ، خل تفرح بك العين .

وين شوق التلاقي .. ؟ وين لحظة جنونك .. ؟
وين وردٍ تفتح من رياض ابتسامك ،،

اخذني من عالم التيه واسرار الليال !
جايز ان جروح قلبي تماثل للشفى


انت في صدرك عن مطاولة برد الشمال !
نار ٍ استخدامها .. لـ الاضاءه والدفى ..

غيداً مآ يعجبهآ القصيد العآدي
اللي تشوف ان المفارق بلوا


العود ليّن لا حداه الحآدي !
والوجه حلوا والسوالف حلوا .

والله اني خآبر ٍ مآ هو بـ ودك !
ساعة ٍ مآ فيني ومآ فيك حيله ,


لو يطول فرآقنآ .. ويطول صدك
مآني بنآسي ملآمحك الجميله ,

ودي ازّينهآ ولا حولها زين
طبايعك فيهآ وفيهآ وفيهآ


تدّور الفرقا لك شهور .. والحين
قبل لا تسبقني سبقتك عليهآ ,,

اقرأ كتآب الله وخل السوآليف !
تراه ينفع صآحبه في مماته


يآلادمي دنيآك مآهي على الكيف !
يآ كم واحد غرّته في حيآته ,,

،’


فتـحـت باب القصيـد وجـيت فـاردٍ يـدّك
ورميت نفسك على صدر الورق وأحتضنك


عاميـن مرت على حزنك مـاحد حسّ فيـك
مرمي على جـال جرحك والدفـاتر وطنك


،’

بالذات لا شفت زولك تبرد عظامي
وأحاول أصد لا تفضحني عيوني
.
ماشفتني كل ما مريت قدامي !
أسوي نفسي أسولف في تليفوني

'
وصلك يخيـط الصدر والبعد يفريه ..
ويابري حالي كان صديت بريآه

-مانيب متولع لكن ! ميتٍ فيه ,
في ذمتي ذمه و ذمه و ذمه

ودي آلمّـك وآحضنك حضنة عناق .
ياشيب عيني كل ما قلت ودي !!

ما يفهم عُيون الحزين الا الحزين .
لو ما تلعثم بَ الكلام .. ولا بكى !

'
بعض البشـر مثل الأشجار الصناعيه,
مهما سقيته من المعــروف .... ما يثمر

'لا تشوفني مبتسم وتقول ماهو حزين ..
غلاف بعض الكتب اجمل من المحتوى !

_

إذا كان الفرح يرسم على وجـه الشقـي حالـه
علام الأرض ماتقوى تحمّـل مشيتـي وخْطـاي

غشى بحر الفرح صدري وخذاني اليوم في جاله
وبديت آحس ما بالكون يسكن عاشـق ٍ شـرواي

رجع لي خلي الغايب بعـد مـا حـرّم وصالـه
وأنا اللي طول هجرانه جرحني وأيّس برجـواي

صحيح إنه رحل عني وترك قلبـي علـى فالـه
رحل وأتلى العهد منّه/ طلب أنساه/ وقولة: بـاي
:icon9:

وِأن غفى' جفني تراك إنت - الأخير
وِأن صحيت انت اول من يطري ع بالي

أبي سلف ... أنا في حاجة أمل دين !
حالي تردّا .. والسبب من غيابه

أدري بتضحك ـ بس طبع المساكين
يتقاسمون .. آمالهم بالإنابه !!

" الحزن " ناتج عن تفاعل لشيئين
" الفقر " + " كبرياء الغلابه "

ينتج عن الآتي : حمض هيدروعين
أحد .. دواعي غربتي و الكآبه

اكبر قهر لامن غلطت الك غلطه
ودّك تعدّلها ولاعــاد يمديـك!
.
حطّت على نفسك من الهمّ سلطه
لاانته بناسيها ولا الهمّ ناسيـك

ياهاجسـي غـن طـاروق الشعـر غـنـه
الحـق علـى مابقـى ولا العمـر فـانـي
وياصدري أصبر مثل صبري على الونه
ياطـول صبـرك عـلـي وياشـيـن ماجـانـي

أحدٍ تعود جفن عينه على النــوم
وأحدٍ جفن عينه غـدى لــونه أسـود
من ليلة الفرقا وأنا علومي علوم
طيفه حلف ما أرتاح عقبه ولا أرقد

دل السهر عيني عقب طول فرقاه
غاب وليالي الشوق تعزف لحنها
وفراقك اللي صار ماظني أقواه
الدمع عيني عقب بعدك حضنها

نگتب ونمسح گل حرفٍ گتبناه
نخاف ما نوفي بعض بـ الگتابه
هو ينتظر وأنا أنتظر منه إحگاه
وأثنينا بـ الإنتظار نتشابـه

♥♥ ألا وعذاب اللي تذكر بعيد الدار
وليفه سكن ديره وهو ساكنن ديره
صبر وأنتهى صبره ولا جاه رد أخبار
قطع قلبه الهوجاس والشوق والحيره

اغبط تقي ٍ صار زوده بتقوآه
عبدٍ لصوت الحق يرخي سموعه !


يفرح بصوت منادي الحق لا اوحآه
عجل ٍ على المسجد بطي ٍ ركوعه

انا صحيح اني غريب ومزآجي
بس ان لفت فرحه بهآ فكّة حجآج


اخذ قليل ، اللي يسد احتياجي
وانثر بوآقيهآ على كل محتآج ,

الحيآه بدون الاحباب تنقصهآ الحياه
لو نعيش ابها ونضحك بها يآشينهآ

اغيب وآرخي للفراق الستاير
وادوّر الاعذار للي فقدني ،


لو آني اعلم مآ تكّن الضمآير
ما قلت يآ ربي من العلم زدني ,

ماقدر ينسآك قلبي ولو آن آلآوان
جعل عذال الموده على وجهك نذر


انت قصة عمر عندي وتنهيدة زمان
لا تهونها التعآزي ولا تقبل عذر

ابصبر وابصبر واتصّبر على المكتوب
واعيش الرجآوي في حيآتي وذكرآهآ


انا وانت يآ خلي هوآنآ عذاب قلوب
عسى الله يعوّضهآ على كثر مآ جآهآ

تمر الشدايد كل فتره على الانسان
تعيد النظر في مآ مضى من علاقاته


تبعّد له اللي عدّهم بـ آلحياة الاخوآن
وتقرّب له اللي ظنّهم من عدآوآته

طواري الغرآم الاوليه مهي بـشوي !
سقى الله مدآهيل المحبه ومربآهآ


جروح الهوى مهمآ كبرنآ مثل مآ هي !
تمر السنين وعآدنآ .. مآ نسينآهآ ,,

على غلآك يحدني حآدي
فيك انت لا سامع ولا طايع


حتى لو انك .. ضآيع وغآدي
انآ اشهدني .. غآدي وضآيع

احسّه مآ يخطي ومآله ذنوب
واحّس صدره مثل صدر الفضا


يآ انه مكمّل ومآ به عيوب !
يآ آني اشوفه بـ عين الرضآ

عشت في قربك بجنات ونعيم !
وعشت في بعدك بهم ٍ مآ يطآق


وكل مآ نسنس من الغربي نسيم !
اتذكر بسمتك بـ آخر .. ( عنـآق )

شوآرع الحي ! من يوم اقبلت ضوّت
ياليت قلب العطش من خدّهآ * روى *


قصّت شعرهآ وزاد الزين واحلوّت !
أثر الحلو حلو وش مآ غيّر و * سوّى *