|
يا متعب الأقدام ماشي على وين
يا متعب الأقدام ماشي على وين مـع جَـرّةٍ جاهـا العجـاج ودفنهـا أرجع وعـدّ خطـاك وحـده وثنتيـن واكبح جماح النفس والزم رسنهـا لاتامن الدنيا تـرى وضعهـا شيـن ماعـاد بـه دنـيـا صحـيـح بدنـهـا لاصاروا العقّـال مثـل المجانيـن واصبح ردي العرف يامر وينهـى أنا مجـرّب والتجـارب براهـيـن أراهـن الأيـام وأكـسـب رهنـهـا منها عرفت الفرق بين الفريقين سبحان من صاغ العقول ووزنهـا وان كان صح ان التجارب براهين ضمنتهـا إن كـان ربـي ضمنـهـا رفقة ردي المعرفـة بعتهـا ديـن على زبـونٍ ضمّـهـا واحتضنـهـا بغى يجيني بالثمن قلت بعدين امسك فلوسك لين ننشـدك عنها مابعتك الاّ سلعةٍ يا أحمر العيـن ابيعـهـا وابـيــع حـتــى ثمـنـهـا بعض المواقف من وراها محاصيل تكشف لك إسدود الرجال وخبرها يا تكسب قروم الرجال المشاكيل والا تجي من دونــها وتخسرها الكلمه العليا وجزل الأفاعيل تغنيك عن سبـع البحــور ودررها وما دامها ما وصلت الحط والشيل فاصمل وإذا راد الولي تقــتدرهـا قولة ( كفو ) تتعب عليها الرجاجيل اللي على روس النوايف نظرها يا كثر صدقان الصحن والمعاميل ويا قلهم لامن تقادح شررها إعلم ترى الخوه فعول وغرابيل في دورة الأيام يجنا ثمرها بعض العرب للتمشيه والتساهيل وبعض العرب للمعضلات وخطرها أحدن توصل به بعيد المواصيل وإذا معه لك حاجتن ما ذخرها وأحدن هبيل ويحسب انا مهابيل نستر عيوبه والله اللي سترها ظهره ظهر عقرب وبطنه بطن فيل ووقفات سمحين اللحى ماقدرها . . . . من أجمل ماقال رشيد الزلامي أبيات من ذهب . . نـــــاصرالنـــاصر 19 / 4 / 2016م |
رد: يا متعب الأقدام ماشي على وين
إعلم ترى الخوه فعول وغرابيل
في دورة الأيام يجنا ثمرها درر باناصر , نقلت فأحسنت طرح رآئع جداً لله در شاعرها ويعطيك ربي الف عافيه باقات من الورد لك:106: |
رد: يا متعب الأقدام ماشي على وين
رفقة ردي المعرفـة بعتهـا ديـن
على زبـونٍ ضمّـهـا واحتضنـهـا بغى يجيني بالثمن قلت بعدين امسك فلوسك لين ننشـدك عنها رائعة جدا جدا ياناصر الله يعطيك العافيه :106: |
رد: يا متعب الأقدام ماشي على وين
مشاركة رائعة إبداع في الطرح وروعة في الإنتقاء وجهداً تشكر عليه أخي الكريم/ ناصر الناصر. دمت رائع الطرح وافر العطاء أكاليل الزهر أنثرها في صفحتك مع خالص تحياتى وفائق تقديري. https://lh4.googleusercontent.com/-E...%25D9%2586.png |
رد: يا متعب الأقدام ماشي على وين
.. ي مآل الجنه ي رشيد الزلامي اابياته حكيمه .. لآهنت عالنقل العذب ي ناصر .. .. |
رد: يا متعب الأقدام ماشي على وين
رااااقت لي كثيييرا
انتقاء اكثر من رائع الله يعطيك العافيه اخوي ناصر . |
رد: يا متعب الأقدام ماشي على وين
بعض العرب للتمشيه والتساهيل
وبعض العرب للمعضلات وخطرها صح لسان شاعرها ولاهان من نقلها يعطيك العافيه :106: |
| All times are GMT +3. الوقت الآن حسب توقيت السعودية: 09:59 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه