ملتقى طلاب وطالبات جامعة الملك فيصل,جامعة الدمام

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : #يارب تسهل الأمر .. (https://vb.ckfu.org/showthread.php?t=754862)

#يارب تسهل الأمر ..

ياربـي تسهـل الأمـر وتزيـن الأحـوال
ترانـا بـلا رحمتـك هلكـا ومتهـاويـن

ولا عندنا غيرك ليا صـك جـال(ن) جـال
ضعـوف الاوادم ياقـوي فيـك متقويـن

أبي رحمتك حـي وفـي القبـر والأهـوال
نهار الحسـاب مشيـب الرضـع الولديـن

لنا حقوق وعلينا حقـوق وماحـط يشـال
زمـان يخلـي ضاحكينـه مـن الباكيـن

ما ينزل به الراحـل ويرحـل بـه النـزال
ومواعيدنـا واجالنـا كـل شـي بحيـن

فياحـظ مـن طابـت فعايلـه والأعمـال
وياشين حـظ اللـي لاوحـده ولا ثنتيـن

هبوب الزمـان وكنتـه والبـراد أشكـال
تقلب به الدنيـا وأهلهـا علـى الجنبيـن

ولا أقسى على الصاحيين من كثرة الجهال
ولا اشد على الجهال من سطوة الصاحيين

عسى الله يصيب مـدور الشـر بالسـلال
وعسانـا لاظـلام ولاحـن بمظلومـيـن

ولانطـرد المقفـي ولانـكـره الإقـبـال
ولانخطي اليـا صـار مانقبـل المخطيـن

لو أنهم تناسـوا فعلنـا مانقـص مثقـال
من اللي تناسوا جعلهم دايـم(ن) ناسييـن

#بعض الأبيات من قصيدة يارب تسهل الامر
ل علي بن حمري
#اعجبتني

رد: #يارب تسهل الأمر ..

ولانطـرد المقفـي ولانـكـره الإقـبـال
ولانخطي اليـا صـار مانقبـل المخطيـن

.....

تسلم يُمناك يام حنان ...إنتقاء مُميز
وصح لسان شاعرها ...

رد: #يارب تسهل الأمر ..

يا رب تسهل الأمر ..

أبيات جميلة جدا .. كالعادة أختي أم حنان تنقلين كل ما هو جميل ..

رد: #يارب تسهل الأمر ..

يا رب تسهل الأمر ..

أبيات جميلة جدا .. كالعادة أختي أم حنان تنقلين كل ما هو جميل ..

رد: #يارب تسهل الأمر ..

قصيدة جميلة ومعبرة...

رد: #يارب تسهل الأمر ..

صح لسان الشاعر وتسلم يمناك وذوقك الرائع .

رد: #يارب تسهل الأمر ..

اللهم امين

اختيار رائع امحنان تسلم يمينك
:rose::rose:

رد: #يارب تسهل الأمر ..

ياربـي تسهـل الأمـر وتزيـن الأحـوال
ترانـا بـلا رحمتـك هلكـا ومتهـاويـن

ولا عندنا غيرك ليا صـك جـال(ن) جـال
ضعـوف الاوادم ياقـوي فيـك متقويـن

:rose:

رد: #يارب تسهل الأمر ..

شاعر واضح وصريح .... شكرا على النقل الجميل

رد: #يارب تسهل الأمر ..

انتقاء رائع
اعجبتني الكلمات وصح لسان شاعرها وناقلها
دمتي مبدعه