ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الفنون الأدبية (https://vb.ckfu.org/forumdisplay.php?f=150)
-   -   [ شعر ] : دخيل العيون اللي عليها الـحلاا جذاب (https://vb.ckfu.org/showthread.php?t=756295)

غربة نفس 2016- 5- 26 01:05 AM

دخيل العيون اللي عليها الـحلاا جذاب
 
[flash1=http://store2.up-00.com/2016-05/1464212295021.swf]WIDTH=0 HEIGHT=0[/flash1]

http://vuanhiepanh.vn/wp-content/upl...bien-dep_7.jpg

دخيل الغلا اللي راح واللي وقـف مرتاب .... بسميـه عشقٍ وأنت مدري وش تسميه
ودخيل العيون اللي عليها الـحلاا جذاب .... تشوف الـولع فيهم ولا تدري وش تاليه
دخيل المكان اللي جمعنا ولا هـو إعجاب .... إذا لـي مـعزه طـاري البعد لاتطـريه
لو تشوف وضعي عند ماتلتـقي الاهداب ..... لك الله لـو لك نـيةٍ بـالجفـا تـلـغيـه
أنا وأنت غايب كن وسط العـيوون ترااب .... تنـام الـخلايق ولا أنا النووم مالي فيه
ذبحني غلاك اللي سرى مـثل سم الدااب ..... طـفح بالـعروق وكـل ماوافـقه ينهيه
بقى قلبي اللي ماذبحتـه وأهو منصااب ..... أنـا ادري تبي تـستوطنه يومك تـخليه
سكنته وأهو عمره قـفل بالوجيه البااب ..... أنا أعرف قلبي لاعشـق لارحـم والـيه
يجي كله من أقصـاه ويحب بأستغراب ...... وفـا فـيه مـاهو مع بشرر ليتك إداريه
ترفق على قلبٍ تـلوع بـك ولا تـاب ...... تـعذب ولامـنه نـوى الـبعد مايـمديه
تمكنت به حيث الولع مـثل غرس الناب ..... مصـيبتك تـدري بـس ليه المفارق ليه
ودخيل الجمال اللي تـلافت له الارقاب ..... وأنـا اللي لـفتني زينك وجـيتك مباريه
تمعنت فيك وجيت هـايب وانا ماهـاب ...... ولاقـفيت عـنك إلا وأنا هالغلا معطيه
عليك العيون اللي لهن فعل غزو عقاب ...... ضـعيفات خـلقٍ بس ياويـل من تنويه
ولك نور وجه(ن)كن لك بالنجوم أنساب ..... ولـيل عـجز من طووله الكف لا يسرريه
ولك مبسم(ن) مـاكنه الا شـفق الغياب ..... حـمار(ن) من الله جمر من ولـعه ناسيه
عبث وأنت مقبل تستفز وتثير أعصـاب ..... تبي تـلفت الانـظار منـااااك لي منييـه
عبث وأنت مقفي تاخذ وتكسر الالبـاب ..... عـبث جـاهلٍ توه مـشى فبيت من يغليه
دخيلك على بعضك ولاهي بدعوى عتاب ..... تـعيـد الـنظر فـالبعد من قبل لاتبـديه
عليك الله أكبر وأنت حكمك شريعه غاب ..... تجـيب الـطعون وتجرح الخافق وتدميه
وأنا أموت فيك وصال وأموت فيك غياب..... وإهـي مـوتة وحـده مع فارق التشبيه
ومن قال مابه موت بالحب قـلت كذاب ..... (جميله وبثينه) مـاذبـحهن مرض ياهيه
أحبك ومن حبك خسرت أغلب الاصحاب ..... أذا عـاتـبوني فـيك أعتـابهم مـابـيه
أحبك حبيبي ولا تسأل عـن الاسبـاب ..... أنـا لـو أعرف أسبـاب حبك قدرت أنهيه
ألا يامعرض رجـل مغليـك للمرقـاب ..... أثـر بـالـطوال تـفرج الـهم يـاراعـيه
أنا بسألك؟؟ هو صحيح الهوىى غلاب ..... أنـا بنـصح اللي مثـل شـرّواي لايمشيه
ومن لايحّسب بالهوى للفراق أحسـاب .... لك الله مـاغـنى سـلامـه يـبي يـغـنيه
مثل هل دمعي وانت رايح وطرق حجاب.... ومـثل مـارمى عبدالحليم الـزهر يـرميـه
وأذا فيه بكتاب النحو للـفراق إعـراب..... فـهو فـعل مـطلق بالبشر والجفا ماضيه
الا ليت ربي ماخلق بالـغرام غـيـاب ..... وإذا فيه فـرقا طـاري الـحب لانـطريه

الـعُ ـتيبيّ ' 2016- 5- 26 01:08 AM

رد: دخيل العيون اللي عليها الـحلاا جذاب
 
سلمت يدينك عع الإنتقاء المميز
والغير مستغرب منك

ودي وتقديري

أجـــود 2016- 5- 26 01:10 AM

رد: دخيل العيون اللي عليها الـحلاا جذاب
 
يعطيك العافيه على الانتقاء الاكثر من رائع

كوني بخير

أستاذ حلمي 2016- 5- 26 01:16 AM

رد: دخيل العيون اللي عليها الـحلاا جذاب
 
كلمات رائعة ذات إحساس جميل

تسلم الايادى والانامل ..

لكِ منى كل الود

:rose:

غربة نفس 2016- 5- 26 01:20 AM

رد: دخيل العيون اللي عليها الـحلاا جذاب
 
اقتباس:

المشاركة الأصلية كتبت بواسطة الـعُ ـتيبيّ ' (المشاركة 1057243268)
سلمت يدينك عع الإنتقاء المميز
والغير مستغرب منك

ودي وتقديري

الله يسلمك
هذا من ذوقك وطيب أصلك
دمت بخير

:icon1:

غربة نفس 2016- 5- 26 01:22 AM

رد: دخيل العيون اللي عليها الـحلاا جذاب
 
اقتباس:

المشاركة الأصلية كتبت بواسطة ABU_AHMED (المشاركة 1057243273)
يعطيك العافيه على الانتقاء الاكثر من رائع

كوني بخير

الله يعافيك ويحفظك
أشكرك على حضورك
دمت بسعادهـ

:icon1:

غربة نفس 2016- 5- 26 01:25 AM

رد: دخيل العيون اللي عليها الـحلاا جذاب
 
اقتباس:

المشاركة الأصلية كتبت بواسطة أستاذ حلمي (المشاركة 1057243294)
كلمات رائعة ذات إحساس جميل

تسلم الايادى والانامل ..

لكِ منى كل الود

:rose:

أسعدني حضورك عزيزي
الله يسلمك و يحفظك
دمت بخير

:icon1:

آحسآسي ذبح غيري 2016- 5- 26 08:16 AM

رد: دخيل العيون اللي عليها الـحلاا جذاب
 
آهنيك على ذوقك وعلى اختيارك المميز والله لا يحرمنا من آبداعك الجميل

ليلاس 2016- 5- 26 08:31 AM

رد: دخيل العيون اللي عليها الـحلاا جذاب
 
من اجمل قصائد الشاعر حمد السعيد ,, قصيده جزله

احسنتي بالانتقاء .."(:icon19:

مــطــنــوخ 2016- 5- 26 10:05 AM

رد: دخيل العيون اللي عليها الـحلاا جذاب
 
جميل ذائقه رائعه
تقبلي مروري ودمتي بسعادة


All times are GMT +3. الوقت الآن حسب توقيت السعودية: 01:08 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه