ملتقى طلاب وطالبات جامعة الملك فيصل,جامعة الدمام - شعر حنا اذا احببنا ذوات اللثامي &كل الصعايب لجلهن والله تهون

اقول بعدك ياترفه ماعرفتي مقامي
ولاعرفتي من انا ومن اكون

داري ماهم اللي سواتك كلامي
وماني بعينك سوا شخص مجنون!

لكن ضروري تعرفين وش مقامي
والفرق بيني وبين اللي يحبون

حتى اذا في يوم عفت المنامي
وجيت اشتكي لك ضايق الصدر مغبون

تدرين باني شخص صادق وسامي
وان كلمتي ماتقبل شكوك وضنون

وان كان قلتي ليه بقول يامي
وان قلتي وش يعني بعلمك شلون

حنا اذا احببنا ذوات اللثامي
كل الصعايب لجلهن والله تهون

نحب لاخر مرحله في الهيامي
ونموت دون احبابنا لاجل يبقون
واكبر دليل راسي براس الاسامي
عاشق ولكن هل بقي من يحسون

جيت في وقت غضاه الضلامي
وضحيت باحساسي لناس يخونون

وعطيت حب الغيد كل اهتمامي
ولا لقيت الا تجاريح وطعون

هم مادروا اني من نسل قوم كرامي!
ام لم يعد للحب داعي بذالكون!!

فالحب يالترفه نهاية مرامي
وعرشي به اكبر شان من عرش فرعون

بحب لو خفوقي لي يضامي
وبوفي لو ماعاد به ناس يوفوون

وبعشق وبغلي لين تدفن عظامي
وبجن لو كل الادوام يحنون

وبهيم لو قلبي من الهجر ضامي
وبشتاق لين احباب قلبي يلينون

وان للمولى صلاه وصيامي
للحب انا حصلت ناس يصلون

ابن سميطان