|
صار عشقي لك رواية
جيت واشواقك تسابق لهفتـك والحـب سـاري
..................وجيت انا والشوق فيني من لهيب الحب يسـري ياهلابـك كثـر حبـي وكثـر ماهيّجـت نـاري ..................وكثر ماسالت جروح الحب وبعـادك بصـدري يعلم الله بأشتياقـي وانـت عـن هالشـوق داري ..................ويعلم الله لو سهيـت القـاك تفكيـري وفكـري ويعلم الله موت احبك واعتبـر شوفـك فنـاري ..................ولو ظروفي في يديني ماتركتك وانـت عمـري آآآه لو تدري بعادك وش ترك لي فـي مـداري ..................وآآآه لو تدري غرامك وش حفر لي وسط سطري ماترك بعدك بدربـي غيـر لوعـات انتظـاري ..................وماحفر فيني غرامك غير حبـك وانـت تـدري ياعديل الـروح حبـك صـار بأيامـي شعـاري ..................وصار بيدينك شعوري وصرت تحكم كل امـري ايـه احبـك بـس والله مــاأحـبـك بأختـيـاري ..................صرت كلي فيك هايم واعشقك والعشـق عـذري صار عشقي لك روايه في يديـن الفيـن قـاري ..................سطْرها دمي. ودمعي ياحبيـب القلـب حبـري وصرت اشوفك ف المرايا تنعكس لي في جداري ..................كـل مالديـت شفتـك ياسنـى ليلـي وفجـري وصرت اشوفك في منامي حلم وطيوف ومواري ..................وان صحيت القا خيالـك يحترينـي دوم بـدري والذي سواك مابه مـن قـدر يوصـل وقـاري ..................غير حبك هـز روحـي ليـن خلاهـا تهـذري شوف كيف الحب خلّا غصني من الشوق عـاري ..................شوف كيف البعد ولّع في عروق القلـب جمـري شوف كيف النوم هاجر والسهـر عقبـه يـداري ..................شوف كيف الجرح ينزف يوم طحت وزاد كسري كـل هـذا ماعرفتـه قبـل احبـك يامـنـاري ..................كنت انام الليل كلـه كنـت ماضيعـت صبـري لكن اليوم اختلفت وتهـت فـي سكـت مسـاري ..................لين سافرت بغرامـك مـع الـم قلبـي وقهـري وآآآه ليتك تحتضني واحضنك فـي كـل طـاري ..................كان عشنا في سعاده وانتهى هجـرك وهجـري.. |
رد: صار عشقي لك رواية
ايـه احبـك بـس والله مــاأحـبـك بأختـيـاري ..................صرت كلي فيك هايم واعشقك والعشـق عـذري صار عشقي لك روايه في يديـن الفيـن قـاري ..................سطْرها دمي. ودمعي ياحبيـب القلـب حبـري حقيقةً أحترت أي الأبيآت أقتبس كل شطر وكل بيت فيه كمية إحساس جمييل ، ماشاء الله أبيآت عند الإسبال في قرائتها ترسم مخيلة عآشق متيم في بحر الشوق ، قلم رائع عندمآ ينثر يُبدع تحيآتي لك ~ |
رد: صار عشقي لك رواية
اقتباس:
حقيقة انا من يعجز عن الرد عليك وعلى إطرائك فأنت سحابة أينما تواجدت هطلت غيثاً ينبت ورداً إشادتك وسام على صدري وسعدت بها جداً عيون جمعت الذوق والابداع والتميز والرقي لك تقديري🌹 |
رد: صار عشقي لك رواية
كـل هـذا ماعرفتـه قبـل احبـك يامـنـاري
..................كنت انام الليل كلـه كنـت ماضيعـت صبـري يكفي البيت هذا سلمت يمينك |
رد: صار عشقي لك رواية
اقتباس:
ممتن يا الامير وتسلم يمينك وروحك اسعدني تواجدك هنا لك تقديري |
رد: صار عشقي لك رواية
كلك حلا اخوي مشعل حتى بأطروحاتك
صح لسانك مليووون ولايكفووون |
رد: صار عشقي لك رواية
رائع يا مشعلي دااائماً
ابيات جميله وعميقه جداً احسنت يا انيق |
رد: صار عشقي لك رواية
-
أبيــآت جداً جميــلة أستمتعـــت بقرائتهــآ أحسنت الأختيــآر كـ عــآدتك خــيي مشعلــي صح لســآنك , .. |
رد: صار عشقي لك رواية
شوف كيف الحب خلّا غصني من الشوق عـاري
..................شوف كيف البعد ولّع في عروق القلـب جمـري صح انتقائك واحساسك .. كل التحايا:icon1: |
رد: صار عشقي لك رواية
اقتباس:
بتواجدك اكتمل جمال الطرح أنرت وشرفت بتعليقك تسلم وتقبل جل تقديري.. |
| All times are GMT +3. الوقت الآن حسب توقيت السعودية: 12:16 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه