رد: الشعور اللي تجاهك غير حروف القوافي
 

ضايق ومستانس وراضي و زعلان
مدري وش اللي جمع الكل فيني
.
احيان اجر الصوت مغرم وطربان
واحيان اجر الصوت وتهل عيني

رد: الشعور اللي تجاهك غير حروف القوافي
 

صاحبي ،
والحزن ما غنّا رثا ..
غيبتك وأشيائي المرّه ،
عناي !
أنت وينك ..
وأغلب الذكرى غثا ،
يابعد عمر المواجع :
منت جاي ؟

رد: الشعور اللي تجاهك غير حروف القوافي
 

احبك وانت في قلبي وحيد ولا عليك غبار
‏وحبك مصدر الهامي ويعكس ذوقي الراقي

‏احبك كثر ما تبرر وتخلق للغياب اعذار
‏واحبك كثر ما انتظرك وانا واقف على ساقي

‏اثر شوفك مثل شوف السحاب وطيحة الامطار
‏بعد ما يبست عروقي عليك وطاحت اوراقي

رد: الشعور اللي تجاهك غير حروف القوافي
 

‏ولا وجهك له أشباه ولا زولك شبية لزول
‏ولا صوتٍ سوى صوتك تفزني تراحيبه .

رد: الشعور اللي تجاهك غير حروف القوافي
 

،'

اضيّع شعوري في المتاهه مع انه يدلّ
مثل دلّة المبطي .. الى عوّد بلاده

تلهويت عن غايات روحي وأنا اللي كلّ
ما شاف المسافه قرّبت .. عدّل شداده

هوى قلبي اللي دون حلمه يتلّه تلّ
اخاف يتغيّر عقب ما ياصل مراده

،'

رد: الشعور اللي تجاهك غير حروف القوافي
 

استخرت الله وبرجَع استخير !
‏كان فيك الخيـر : ما تبعِـد أبـد ؟

‏وكان فيك الشّر يمحيه ويصير
‏فيـك خـير و مـا تفارقـني ~ بعَـد !

رد: الشعور اللي تجاهك غير حروف القوافي
 

قلت لك :
‏ما أبيك رغم إنّي أبيك*
‏وقلت لك :
‏بنساك لكن ما وعدتك !
‏جيت قبلك
‏وأنا حالف : ما أجيك*
‏انتظرتك ، تفتقدني ، و افتقدتك ..

رد: الشعور اللي تجاهك غير حروف القوافي
 

خلني في داخل عيونك .. أعيش
‏دام مافي شخص غيري راق لك.

‏لا تطول في غيابك .. تدري ليش؟
‏كثر .. قطرات المطر.. مشتاق لك.!

رد: الشعور اللي تجاهك غير حروف القوافي
 

فاقدك شوق* و سواليف* و غرام
‏شوف حبّك كيف بالقلب انتـشر

‏عالمي من لحظة غيـابك ظـلام
‏لا شُعُـور .. ولا حيـاة .. ولا بشـر

رد: الشعور اللي تجاهك غير حروف القوافي
 

أنتي : عن الذل و الحقران … مرفوعه
‏والناس في خدمتك ورضاك ، طمّاعه

‏سمّي .. و قولي ترا كلمتك مسموعه
‏واذا سكتي .. نقول "السمع والطاعه"

‏اهم شيء … التعب والضيق واللوعه
‏لا يرتدي وجهك الوضاّح .. وشعاعه !