من حفر قبرٍ لغاليـه و بيديه قبره
 

شفت لو تاصل من الشوق لحدود السحاب؟!
لو يدينك تلمس الغــــيم .. ويرش مطـــره...
لو..عشاني تلعن البعد واشكال الغــياب...
لو..تسافر تجمع الودّ جاهات لمـــره...

لو..تجيب من الهدايا .. هداياك العـــــذاب
لو..تحاول تقطف الورد من كل شجره...
لو..تجي كلك عذر في إيابك والذهاب...
لو..تحط الشمس في كف.. وبكف قمــره ...

والله..إلا تشرب المرّ وتذوق العــذاب...
وانت..ماحركت فيني ولو قدر شعره...
غلطتك..غلطة عمر ماحسبت لها حساب...
هزت..القلب وتجشّم ضلوعي وكسره...

قلبي اللي من غزيته.. فتحته باب.. باب...
جيت واحد .. بس كنك مجنّـــد بعشره...
غلطتك...ماهي نتيجة شره وإلا عتاب...
لجل اسامح .. واجبر القلب يرجع بأثره...

غلطتك..اكبر من الشوق في حال اغتراب...
واصعب من الدآئره .. بس في رسم الكره...
واصعب..اصعب من تفاصيل شكل الآنسكاب
اشبه..في حالة ذهول البحر .. للي عبره...

رح..فمــآن الله.. رحلة ذهاب بلا إياب...
رحلةٍ..بهديــــــك بوردنقها ..والتذكره...
رح.. وأنا بودّعــك مثل توديع المُصاب...
من..حفر قبرٍ لغاليــــه ..وبيديه قبره...

لوكان قلبك هاقيٍ .. اني بدونه في عذاب
قـلّـه.. ان القلب واللّٰه ..فلا جاب خبره