|
|
رد: الشعور اللي تجاهك غير حروف القوافي
ياوجودي وجد من خانه خويه
والخيانه جات من سبه نميمه وجد مكسور العظام الداخليه ساهر ويشكي على المعبود ضيمه. |
رد: الشعور اللي تجاهك غير حروف القوافي
ماهو بـ يلهيني عن مواصلك شي
قلبي و عيني . . لـ اتصالك تحرّا َ ياواحدٍ فـ القلب ما خاشرك حي دخلت فيه وقلت لـ الناس برّا :) . |
رد: الشعور اللي تجاهك غير حروف القوافي
قاسي ولو تضايقه ما قـال أوه
وقساوتـه آخـر دلـع مياعتـه مدلـع خلقـه وناسـه دلعـوه والنفس ما تشبع به اليا جاعتـه يغيب ويدري أن المعاليق فقدوه ويرجع بصوت جعلني ما ناعتـه فلابث رقمه شاشة الجوال أتـوه وأقول يا ربي تبـارك ساعتـه جوالي ليا منه دق وقـال ألـوه تذوب أذانـي علـى سماعتـه لبيه يا كلماتـه ولا فـض فـوه أموت في ضحكتـه وأستمتاعـه لا تنشدوني ليه أحبـه أمشـدوه حبه محببني وسبـب وداعتـه من كثر ما أحبه أحب أمه وأبوه بالمختصـر أحبهـم جماعـتـه |
رد: الشعور اللي تجاهك غير حروف القوافي
احب في الدنيا ثلاث .. امي وانتِ .. ثم النصر :004:
واكره ثلاث .. الكذب والفرقى وتشجيع الهلال :biggrin: |
رد: الشعور اللي تجاهك غير حروف القوافي
قنوع .. و ارضى بـ القليل القليّل
لا زاد خير الناس يزداد خيري ! ٰ كريم حتى ! فـ : امنياتي .. تخيّل ثلاثة ارباع امنياتي .. لـ غيري |
رد: الشعور اللي تجاهك غير حروف القوافي
ياشوق وش خليت فيني من الشوق
انشهد اني لگ تشوقت ،، واشتقت احس في قلبي لگ رعود ،، وبروق والظاهر إني في غرآمگ توهقت |
رد: الشعور اللي تجاهك غير حروف القوافي
لا تفرح بطيحة عدوك ليا طاح
تحمّد الله حط .. نفسك مكانه مدام يكسر سطوة الليل .. مصباح وشلون ما نوفي بعصر الخيانه ؟ مو شرط تصبح كل الأوقات .. لمّاح ترى التغابي .. من فنون الذهانه واكرم ، ولا تحسب مخاسير وارباح غير الكفن محدن خذا .. من زمانه ولابد وقت اتفارق الروح الارواح وكلن حسب فعله .. يحدد بشانه يوماً يفرُ المرء من هول ما لاح عساي من عقب اللحد في جنانه والعقْل هو منجاتك بْكل مرواح مابه نجاح .. الا وراه الرزانه والحب لبواب الملذات مفتاح يعيشها منهو وفا له ، وصانه بس البشر بقلوبها سم وارماح تتقن بكل اخلاص دور الخيانه نبدأ نحس بقيمة الحب .. لا راح ويومه بيادينا .. نكرنا حنانه !! |
رد: الشعور اللي تجاهك غير حروف القوافي
ثقيلة طبع لكن بالهوى طفلة تضيع فـ ساعة الغيرة ملامحها |
رد: الشعور اللي تجاهك غير حروف القوافي
كبير يا الليل ومحبينك كبار يشرّفك من يسهرك وتشرّفه أنا صديق الليل وأطراف النهار لا سألك الصبح عني ؟ صرّفه :) |
رد: الشعور اللي تجاهك غير حروف القوافي
يامجتمع عذراً في قل اللباقه
ماعاد لسكاتي عن الوضع .. تبرير موج الخجل هالوقت قل اصطفاقة وماتت على ضْفاف الفضايل .. نواوير اخلاق منحله ، تسيّد حماقة واعلام هابط .. والضحايا طوابير هالجيل ماله بالمكارم .. علاقه داس المبادئ دون حشمه ، وتقدير صوب التحرر طيش زاد اندفاقه والعاقل ابحسره يحسب المخاسير بعض الرجال ارجال بس .. بالبطاقه ولا الفعل مثل .. البني الغنادير مجالسٍ كانت لعز ، وصداقه صارت سوالفهم .. بعرض المناعير واعاقة الاجساد .. ماهي باعاقه بس الإعاقة في سخيف التفاكير للمهزله قط الدينار ... بطلاقه لكن على المحتاج صان الدنانير جايع يموت ، وتكسب العز ناقه فـ مزاينات اتسطر الجهل تسطير صوب المراقص .. نتسابق سباقه اما المساجد تشكي قل المسايير سهم الفضايح .. ننبهر بنطلاقه وسهم النصايح ماتعدى هل الخير فينا الحسد نعجز لانحصي نطاقه نموت .. مانترك نجاحات للغير لو ندري شْتخفي صدور الرفاقه كان التصافح بيننا .. بالسواطير على بعضنا بعض نملك لياقه لكن على صهيون ذل ، ومدابير الغرب قد ضيق علينا خناقه وحنا نخطط ندمر الغرب تدمير نتفاخر بهتلر زعيم الطفاقه نتناسى خالد من أباد الاساطير كاذب اسلام المرء رغم اعتناقه ان كان ماله في مباديه .. تأثير ترى التعري شي ماهو باناقه وترى التدين شي ماهوب تكفير هالمجتمع اكبر سبب باحتراقه يذُل فيه المصلح لخاطر الزير نهر الشعر ماعاد نهوى مذاقه من صارت الاذناب روس الشواعير من سكرة الاوهام كيف الافاقه ؟ لا صاروا الحمقى كبار المشاهير ! من طالب الاصلاح يحكم وثاقه باكبر سجون البغض عايش بتحقير يامجتمع عذراً في قل اللباقه الجرح متعدي ما وضحت بكثير |
| All times are GMT +3. الوقت الآن حسب توقيت السعودية: 03:38 AM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه