رد: الشعور اللي تجاهك غير حروف القوافي
 

ان بغيت تعيش مرتاح الضمير
الحسد والحقد لا يطري عليك

وان بغيت العــز والمجـد الكبير
طـــاعة الله ثم طـــاعة والــديك

رد: الشعور اللي تجاهك غير حروف القوافي
 

المال في جيب الكفو عابر سبيل
الليا جلس يومين في جيبه رحل

لكن لامن طاح في جيب البخيل
يقضي حياته كلها راعي محل

رد: الشعور اللي تجاهك غير حروف القوافي
 

مـن عظيـم الشـوق لين آخر وداع
عشت فتره كانت أقسى من عدم

لو فهم عقلك ترى الفـرقـى ضياع
وأدري لـو حــاول خفوقك ما فهم

رد: الشعور اللي تجاهك غير حروف القوافي
 

‎لو نثرت المشاعر فاح عطر الغرام
‎لين شفت بعين القلب عشق عظيم

‎لو نطقتك هبوب الوجد ساق الغمام
‎لين بلل غاله الـشوق من كل غيم

رد: الشعور اللي تجاهك غير حروف القوافي
 

لا شفت لك دمعة رجل شوف الاسباب،
لا تقول عيب ولا تشمت بحاله،
.
وده يخبيها وخآنتْه الاهداب،
وتفجرت من يوم شيٍ طراله،
.
ما طاح دمعٍ كنه الوبل سكّاب،
إلا من اللي داخل الصدر شاله،
.
رجال تبكي دم من فقد الأحباب،
ورجال تبكيها حياة الرزاله،
.
وترى الظروف تخلي الشخص مرتاب،
يصير به مثل الجنون انفعاله،
.
ما هو جنون إلا بعد حرقة أعصاب،
ومن وين ما طق الهدف ما صفاله،
.
لا راتبه يكفي ولا الحظ به طاب،
والا تدّين ضيّق الدين باله،
.
وتدري متى يفرك لك الناب بالناب،
لا صار عاجز والتفت في عياله،
.
دنيا غريبه والبشر صاروا أغراب،
أغراب ... لأن الناس كلٍ بحاله!؟!.

من أول الطيّب ترزّه بالأنشاب
واليوم لا ... اللي يرزّه رياله

وشلون أردى الناس يصبح له أنياب
يا وقت ليه الظلم وين العداله

ويا صاحبي اللي بك الظن ما خاب
لا يضيق صدرك وأنت راعي الشكاله

بكره تزين وتنفتح كل الأبواب
ما فيه بقلوب الرجال أستحاله

مشكلتك أنك رايح لشخص كذّاب
ليته تعذّر يوم جته الرساله

يركض ويدفع للمظاهر والألقاب
وعلى بني عمه قليلٍ وصاله

أقسم قسم بالله يا بعض الأقراب
يا قربهم كنه على الكبد عاله

وأقسم قسم بالله يا بعض الأجناب
تحرجهم من زود الكرم والجماله

جنّب أبو ما أقدر وأبو أكتب كتاب
وأزهّم أبو لا شاش طوّح عقاله

رح للكريم اللي يحّسب لك حساب
يا من نهض لك ثم ردت سهاله

اللي ليّا غابوا أهل العذر ما غاب
والله يبارك في حلاله وماله

ولازم تمّيز بين نشمي ونصاب
من قبل لا تكتب لأي واحد رساله

بعض البشر يفرح على جية أصحاب
والبعض لا شاف الخوي ضاق باله

رد: الشعور اللي تجاهك غير حروف القوافي
 

يا عيونها و الليل .. حبر و قصيد و شمع
و أجمل معاني الشوق .. حرفٍ كتبه الدمع
يا أهل الهوى يا ليت .. كل القصايد بيت
و كل المعاني بيت ..

و اللي يحب بصدق .. تنزف جروحه صدق
مابه قصيدة عشق
لا معنى .. لا صورة .. بتوصف لشعوره

رد: الشعور اللي تجاهك غير حروف القوافي
 

رد: الشعور اللي تجاهك غير حروف القوافي
 

الله الله كلها والله درر

ولكن هذه الأبيات ربما لامست جرح

لا شفت لك دمعة رجل شوف الاسباب،
لا تقول عيب ولا تشمت بحاله،
.
وده يخبيها وخآنتْه الاهداب،
وتفجرت من يوم شيٍ طراله،
.
ما طاح دمعٍ كنه الوبل سكّاب،
إلا من اللي داخل الصدر شاله،
.
رجال تبكي دم من فقد الأحباب،
ورجال تبكيها حياة الرزاله،
.

رد: الشعور اللي تجاهك غير حروف القوافي
 

‏فـ نفوسنا رغبه ، وفـ وجيهنا دمّ
‏لو تبسط الحاجه ... لنا راحتيّـها

‏إن وافقـت بـ العز ، قلنا لها تمّ
‏وإن كان فيها ضعفنّا ... ما نبيّـها

رد: الشعور اللي تجاهك غير حروف القوافي