رد: الشعور اللي تجاهك غير حروف القوافي
 

شوف حالي كان لك خاطر تشوف
وهاك فرحي دامك الليله معي

من يقول انساك مامر الظروف
جاهلاً مادرا بإنك مناي ومطمعي

رد: الشعور اللي تجاهك غير حروف القوافي
 

،'

رعاه الله اللي ما لقى له من يراعيه
وحيد .. وتولّتْه المصايب على بابه

ياسود الليالي .. بيض الله وجهك فيه
عرف من خلالك قيمة أعداه وأصحابه

،'

رد: الشعور اللي تجاهك غير حروف القوافي
 

،'

يوم أمهّد طموحاتي .. وأكفّن همومي
أنا واحد يزيد إصراره .. ليا تهقوى

حتى لو ضقت بغيابك
وطاحت عزومي
كلها ضيقه
ودمعة ندم
وأرجع.. أقوى

،'

رد: الشعور اللي تجاهك غير حروف القوافي
 

،'

لا تشغل الخاطر ترى العبد مكفول
عادات ربّي في عباده جميله

حكمة عزيزٍ جاعل الغيب مجهول
و الله جعل في كل قلبٍ دليله

،'

رد: الشعور اللي تجاهك غير حروف القوافي
 

خل حبل السّانيه بين النحر والغارب
لا تقفّاها على السّاقه ولا تنطحها

خلّها لا سَلمَت الّلحيه وسَلْم الشّارب
منت باللي تكتب السّيّه ولا تمسحها

خَل اهل مارب تجرّب حظها في مارب
لين تقنع من خسايرها ومن مربحها

وان لقيت جحَارة الدّيبَان والعقارب
لا تقُوم ( تدَوّر العِيدَان ) وتفتحها

دام ماالله كلّفك بالمنسدح والهارب
مر عُوج الناس واتركها على مَسدَحها

لو يرُوح النوخذه والا يرُوح القارب
غلطةٍ ماهيب لك من قال لك صحّحها

الأوادم شرّها من خيرها متقارب
من خلقنا الله وحنا ذمّها وامدحها

والزمان مشمّرٍ كمّه وكَفه ضارب
عالَمٍ تحتال فيه .. وعالَمٍ يذبحها

رد: الشعور اللي تجاهك غير حروف القوافي
 

رد: الشعور اللي تجاهك غير حروف القوافي
 

‏توارد غرامه وأنتحى خاطري ويّاه
‏وذكراه في بالي وطاريه في قلبي

رد: الشعور اللي تجاهك غير حروف القوافي
 

خليتهم من طيب ذات

ووكلت امري في يديك

ما بين حلم و أمنيات

يا رب ، والباقي عليك

رد: الشعور اللي تجاهك غير حروف القوافي
 

تموت بخاطري بعض السوالف والظروف سيوف
وأنا في خاطري لك شيء ما يطري على بالك !

رد: الشعور اللي تجاهك غير حروف القوافي
 

‏إذا تحبني كثر ما عبّر لسانك ؟
‏أنا أحبك كثر ماخانني التعبير