|
|
رد: الشعور اللي تجاهك غير حروف القوافي
هب نسناس الهوى اللي من مهبه كر جمر الشوق واحرقني لهيبه والبلا ان الجمر في قلبي مشبه وقلبي شب ب كل ضلعن يحتمي به ياهل العشق الحقيقي والمحبه لاحدن عندي يطري لي حبيبه خافو الله فيني وفي اللي احبه وادعو الله يا عسى ربي يجيبه وبشروني عنه قولوا لي ياربه ما نسى اللي ما نساه ومكتفي به والله أنه جرح قلبي وانه طبه ولجله اتهون الكليفه والصعيبه في غيابه كل يوم يزود حبه وكل يوم أصون حبه واعتني به والوفى له والغلا له والمحبه جعل يسقى يوم اشوفه والتقي به علموا اللي فالوصل ما خاف ربه المفارق موت وجروحه عطيبه اسالوا من فارق أغلى من يحبه وصار دمعه عادي ونفسه كئيبه وانت يالي من فراقك صرت أسبه شف عيوني شف محاجرها شحيبه انت قلبك مثل قلبي والا صبه لعنبو ذا القلب وش عادك تبيبه حس والا حن فاللي ما يشبه من وفاه وفي غلاه وكل طيبه وان نويت تروح عادي من احبه من احبه والله أني ماهتني به المشاعر ما تموت بدون سبه والخواطر ما تجبر بالغصيبه وكبرياء النفس ما بين الاحبه اول اسباب الجفاء واكبر مصيبه |
رد: الشعور اللي تجاهك غير حروف القوافي
الحب مثل النوم .. والوصل .. اآاحلام والشيين من الآحلام صـد المحبييـن نوم ٍ طويل ٍ عمره أشهـوور وأعـواام وأن قمت.. فَفْهمها فرااق وسهر عيـن وأنا رقدت وعمري أربع عشـر عـام وصحيت في شهر أربعه عام الآلفيـن نـوم ٍ طويل ٍ كلـه أحـلام وأوهـاام ونصيبي من أحلامـه الجانـب الشيـن صحّى الفرااق أقلوب في عكسه نيـام وغاب الفرح وأنا بعكسه الـى اللحيـن ياحزن كبدي حزن من ضاق ثـم حـام أخذت فروخه مـادرى ليـه ولويـن؟ بعد ما شاف العـش عيـدان وعظـام خاالي تفكر فووق ويسـاار ويميـن خلا عشاها فيه ومـن الوطـى شـاام زبن علـى روحـه وفـل الجناحيـن (وياوجد حالي وجد مـن نـام ثـم قـام على صياح أمـه وهـو دون رجليـن) عويـق وأمـه تنعتـه والنعـت سـام .وهو خابر أنه يقسـم الصـف صفيـن حبا وصاح بصيحـة ٍ تاصـل الشـام منهـا تقطّـع فـي خفوقـه شراييـن على وليـف ٍ قسـم أظنونـي أقسـام واقفى وأنا ما أعـرف طـرد المقفيـن راح وترك في صدري ووسووم وأعلام وصّـى علـي طيفـه وقفـى بقلبيـن ليتـه تعـذّر كـان مـاهـو بـمّـلام بعد ماشـااف الـدرب بيسيـر دربيـن أشوى عليه شوي..مـن عـض الإبهـام وأشوى علي شوي..من دمعـة البيـن تمشـي بنـا الأقـدام والمـوت قـدام وميعادنـا يمفـرق أثنـيـن بعـديـن ياعيـن لا تبكـيـن وعيـونـه تـنـام عادش الى ما خـاب ظنـي بترضيـن لـو الدمـوع أتفيـد فـادن الأيـتـام ولـو الكـلام يفيـد عـادت فلسطيـن (ولـو النبـاات يطّلعـه دمعـة هيـام؟.. شفتوا علـى وجهـي ورود وبساتيـن) (الحب سجن..وبُعد الأحبـاب الإعـدام وقلوبنـا السجّـان مـدري مساجـيـن) الحب نوم ٍ عمـره أشهـوور وأعـوام وأن قمت فَفْهمها فرااق وسهـر عيـن وأنا تراااي أنعست من مدة أياام لحدن يصحيني يالأقداار ..تكفيين. |
رد: الشعور اللي تجاهك غير حروف القوافي
صبآحي أنتَ والإسم يكفيَ عن التعبير
يَ بعد حي الصبآح .. و يَ بعد حيّي |
رد: الشعور اللي تجاهك غير حروف القوافي
تعال ، ما بين دقات الفؤاد ونشوة التفكير
ياواقع ازين من مدى فكري وتخميني |
رد: الشعور اللي تجاهك غير حروف القوافي
إن كنت باهت في حضورك غيب
ماهي بكل أيامنا غيمة ما فيه أحد ب الكون مابه عيب ترى الغياب أحيان له قيمة |
رد: الشعور اللي تجاهك غير حروف القوافي
عيني اللي ماعرفت فالبشر زين
غير زينك وانت كامل الصفات |
رد: الشعور اللي تجاهك غير حروف القوافي
مقدر على النسيان نسيانه صعب
وله ( فالقليل ) اشياء ( واجد ) باقيه |
رد: الشعور اللي تجاهك غير حروف القوافي
لك عين شفت الحيا فيها
وتموت الحي لا لدت متسلطنه كيف اداريها وان شالت القلب ماردت |
رد: الشعور اللي تجاهك غير حروف القوافي
والله أن المكابر بالمحبة .. غلط
ياعارفين المحبة علموه الأصول |
رد: الشعور اللي تجاهك غير حروف القوافي
الحب ماهو كذبه بـ منهاجه ! ولا هو بـ سكه مظلمه تسريها ! جامل قلوب الناس بـ أية حاجه ، إلا أحبك ..... لا تـجامل ياحلو فيها. |
| All times are GMT +3. الوقت الآن حسب توقيت السعودية: 06:29 AM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه