ملتقى طلاب وطالبات جامعة الملك فيصل,جامعة الدمام - تجمع الشعور اللي تجاهك غير حروف القوافي

- ملتقى الفنون الأدبية (https://vb.ckfu.org/forumdisplay.php?f=150)

- - [ تجمع ] : الشعور اللي تجاهك غير حروف القوافي (https://vb.ckfu.org/showthread.php?t=813045)

رد: الشعور اللي تجاهك غير حروف القوافي

بشروا راعي الصبر حلمه قريب
لو يطول الوقت لايفقد ... رجاه

رد: الشعور اللي تجاهك غير حروف القوافي

الحزن مافاد به تطنيش

لو فرحتي " كفها " باخل

مهما أقنعونا عشان نعيش

حنا ترى "نموت" من داخل

رد: الشعور اللي تجاهك غير حروف القوافي

أقفيت من عزتي وأقبلت من شوقي
وأجيك متذكــرك لو منت ناسيني
أن طولت غيبتي ماطالت طروقي
وأن كانها طولت فلا تخليني
لاماك ياصاحبي من أبسط حقوقي
شفني على ديرتك ربي معنيني
ياللي خذيت الدلع والملح والذوقي
من كلمتك لاحكيت ونظرة العين
ياساكن القلب والشريان وعروقي
ما بين عرقي وقلبي وشراييني
ياجرحي وضحكتي ياطبي وعوقي
متملك من يسار القلب ويمين
أحن وأشتاق لك وأجيك وأتوقي
وأجيك كنك من الآشواق تدعيني
لو دوني ومن دونك ناس ما يدانونك
ذولا كيد عذالي ياخلي يعذلونك
في العذال لاتهتم في أولهم وفي آخرهم
عود عندي ما علي
لاماك ياصاحبي من أبسط حقوقي
شفني على ديرتك ربي معنيني
ياديرة حبها من حب مخلوقي
لو تعرفين الغلا ما كان لمتيني
جعل الغيث يسقيها دار ساكن فيها
من يطري على بالي قبل يحل طاريها
ياجعلي فدى كبده لاقبله ولا بعده
بين الخد يحلالي ولف ما نسى وعده
غرون ليا من مشى بشويش وأرفوقي
ودك تسمي على ممشاه والزيني
والديره اللي على الآمتان مطروقي
الى أنتثر قلت جنح الليل ممسيني
غطا سلاسيله عنق حول شبريني
غلاه في داخلي ماهو بمسبوقي
بعض العرب داخلي ماهو بيعنيني
هو الأول وآخر فيه أهيم وأفاخر
بحروفي وموالي ما أذخر للغلا ذاخر
من حبه وحبي له لاجتني مراسيله
أرفع صوتي العالي وأغني به الشيله

رد: الشعور اللي تجاهك غير حروف القوافي

النوم ماينطاق والفكر مشغول
وأزريت أحصل سلوتي وإنشراحي

مدري وش أسوي ولادري ويش أقول
أشكي وأعاني من جميع النواحي

رد: الشعور اللي تجاهك غير حروف القوافي

أنا وين وضحكت المبسوط وين
أنا صرت بوضع ماني فاهمه
راحو الغالين مرواح السنين
اللي كانت بالفراق مساهمه
ياحبيبة قلب شاعرها الحزين
آه لو ظروفنا متراهمه
كنت أناظر الفراق بنص
لين داهمنا الفراق مداهمه
أسمعيني زين كانك تسمعين
يا سبب جرحي ويا مراهمه
قفلي باب الحزن والشك زين
مانبيه عيوننا متفاهمه
لافقدتيني وبكاك الحنين
أبعدي عنك الظنون الواهمه
وكفكفي دمعك ترا دمعك ثمين
كل شي إلا دموعك فاهمه

رد: الشعور اللي تجاهك غير حروف القوافي

‏"مليون مره" قلت لك :لا تكلمت
اترك عيوني تحتضن صمت عينك

انـا بعد ( اخـر لقا ) منــك : آمنت
ان العيون ادفا حضن من يدينك

رد: الشعور اللي تجاهك غير حروف القوافي

العمر : موحش .. من غيابك ، وداكن
‏وصاحبْك : يتمنّى .. ترجّع : سنينه !
‏'
‏وإن كان شفته بعض الأحيان ساكن
‏ترى الضجيج : بـ داخله .. من حنينه
‏'
‏أنا أفتقدت : أحباب عمر .. وأماكن !
‏غريب ، والذكرى .. بـ صدري : مدينه
‏'
‏رغم إنّها .. " ذكرى جميلة " .. ولكن :
‏على كثر .. ماهي جميلة .. " حزينة "

رد: الشعور اللي تجاهك غير حروف القوافي

أكتب قصايد حب وأقول ماأحب
هذا مجرد شعر عادي وتعبير

هذا وهو تعبير كم ذوّب القلب
ياويل قلبي لو أحب شيصير :)

رد: الشعور اللي تجاهك غير حروف القوافي

من بعد ما كان رايي للحيارى دليل
جيت بتفاصيلك العذبه وحيّرتني !

رد: الشعور اللي تجاهك غير حروف القوافي

الهواء فضاح حتى لو خفيته ؛؛
‏كم معذب بالهواء قلبه وجيعي ؛؛