|
رد: مِن مَـا جآآآز لي ~
لاتشتكي همّك على ضيّق البال وتزيد فوق الهمّ همّ وغبينه إشتك على اللي فزعته تبري الحال الواحد اللي كلّنا عابدينه وإلاّ الصديق اللي على الراس ينشال اللي يعدّك ثالث لوالدينه اللي إذا شاف الزمن فيك ميّال قام وشلع همّ الخفوق بيمينه ووقفّ كما ياقف على العزّ خيّال وإستلّ سيف(ن) بالمواقف عوينه وقال الخوي يفداه عمري مع المال لاشوف دمعة ضيق في موق عينه خوّيك اللي للثقّيلات حمّال اللي من جروحك توحّى أنينه إن كان تبغى تسند إسند على جبال وإلاّ جروح القلب تبقى دفينه كم صاحب(ن) عدّيته اقرب من الحال ووقت اللوازم شفت فركة يدينه يبغى العذر وإذا عجز فيه يحتال هذاك أتلى شي بيني وبينه غاب وترك للجرح فيّة ومقيال والقلب من جرحه يبيّح كنينه دنيا(ن) تجينا كل يوم(ن) على حال والعمر ماأسرع مانضيّع سنينه يبقى الامل باللي عليم(ن) بالاحوال سبحانه اللي كلّنا عابدينه |
رد: مِن مَـا جآآآز لي ~
على مفرق بدايات الجروح ودمعة المقهور عرفت ان الزمن لا شان وجهه ماتت آمالي أشوف الحزن ماخلا على وجه البسيطه نور اجر الصوت واغني على جرحي وترحالي اوسع خاطري وادري تضيق من الهموم صدور وعسى الله مايطول ضيقة الخاطر على بالي على كثر اتجاهات الوسيعه مالقيت اعبور اشوف الكون بعيون الجريح وغربته جالي على كثر المواجع والأسى ياحظي المعثور امني خاطري واضحك من همومي على حالي اخفي بعض مافيني وبعضي لاحكى معذور مادام العمر ماوقف على حزني ولا اطلالي انا ماألوم اغصان الشجر لا ودعت عصفور مادام العش ذكرى وش بقى للريح تغتالي على حر المشاعر وش بقى يا صدري المهجور نساك الود وعروقك جفاف(ن) مالها والي تمادى الليل بعيون السهر يالخاطر المكسور وانا مملك من الماضي سوى همي وغربالي مع ذاك الحنين اللي سرى في ظلمة الديجور شحب وجه الزمان اللي بغيت ولا تهيالي يطول الصمت ماحرك على بيض النوايا سطور و انا مهما تناسيت الزمن لابد يطرالي |
رد: مِن مَـا جآآآز لي ~
نالت على يدها مالم تنله يدي
نقشاً على معصمٍ أوهت به جلدي كأنهُ طُرْقُ نملٍ في أناملها أو روضةٌ رصعتها السُحْبُ بالبردِ وقوسُ حاجبها مِنْ كُلِّ ناحيةٍ وَنَبْلُ مُقْلَتِها ترمي به كبدي مدتْ مَوَاشِطها في كفها شَرَكاً تَصِيدُ قلبي بها مِنْ داخل الجسد إنسيّةٌ لو رأتها الشّمسُ ما طلعتْ من بعدِ رُؤيَتها يوماً على أحدِ سَألْتُها الوصل قالتْ :لا تَغُرَّ بِنا من رام مِنا وِصالاً مَاتَ بِالكمدِ فَكَم قَتِيلٍ لَنا بالحبِ ماتَ جَوَىً من الغرامِ ، ولم يُبْدِئ ولم يعدِ فقلتُ: استغفرُ الرّحمنَ مِنْ زَلَلٍ إنّ المحبَّ قليل الصّبر والجلدِ قد خَلفتني طرِيحاً وهي قائلةٌ تَأملوا كيف فِعْلُ الظّبيِ بالأسدِ قالتْ:لطيف خيالٍ زارني ومضى بالله صِفهُ ولا تنقص ولا تَزِدِ فقال:خَلَّفتُهُ لو مات مِنْ ظمَأٍ وقلتُ :قف عن ورود الماء لم يرِدِ قالتْ:صَدَقْتَ الوفا في الحبِّ شِيمتُهُ يا بَردَ ذاكَ الذي قالتْ على كبدي واسترجعتْ سألتْ عَني ، فقيل لها ما فيه من رمقٍ .. و دقتْ يداً بِيَدِ وأمطرتْ لُؤلؤاً من نرجسٍ وسقتْ ورداً ، وعضتْ على العِنابِ بِالبردِ وأنشدتْ بِلِسان الحالِ قائلةً مِنْ غيرِ كُرْهٍ ولا مَطْلٍ ولا مددِ واللهِ ما حزنتْ أختٌ لِفقدِ أخٍ حُزني عليه ولا أمٌ على ولدِ إن يحسدوني على موتي ، فَوَا أسفي حتّى على الموتِ لا أخلو مِنَ الحسدِ. |
رد: مِن مَـا جآآآز لي ~
إتصل بي و إسأل وسلم دآم عيني منک مقهوره هآجرني ليش مآترحم فرحتي ويآک مكسوره من شهر في الحب تتكلم وإنت جآهل علم دستوره والله إنک صرت مآ تفهم في معآني الحب و بحوره غصب لآخليک تتعلم تحترم هذآ القلب و شعوره |
رد: مِن مَـا جآآآز لي ~
علمته يشيل السيف ويسله في وجيه أغراب وأول ما قوى شيله رفع سيفه (وتحداني ) علمته الرماية زين ولا يتعب ولا يرتاب وأول ما( قوت) يمناه صوبني ورماني علمته نظم الشعر ولا يركض ورى الألقاب وأول ما كتب بيتين كتب عني (وهجاني ) علمته يعاف الغدر( ويوفي )بوعده الأحباب وأول ما فهم قصدي راح بعيد وخلاني تعبت أوفي مع( الخاين )تعبت اصدق مع (الكذاب )... تعبت ارجيه والجى له وهو ما يوم قد جاني تعبت ابني صروح الحلم على شانه شقى وإتعاب ولا مره شعر فيني ولا حس|( بأحزاني ) (غريبة|) كيف يتجرأ يسوي ما رفضه أجناب وهو اقرب من النظرة لعيني منها أجفاني أنا اللي عشت له ديره عزيزة ما لفاها أغراب وهو (كان) الوطن اللي نساني أوطاني سهرت الليل لعيونه رغم نومي علي غلاب مع هذا صبرت وقلت( من شانه )أنا أعاني عيوني تنثر الدمعة وظني للأسف قد خاب وقلبي مات في سجنه يوم الحب سجاني تموت أفراح هالدنيا وأنا كلي بقايا أسراب من هموما تعل القلب( تشمت فيني عدواني) هنا هم لا رأوا عيني تسهر في رجى الاقراب وبكايا عندهم يعني بقايا (عزف الحاني ) سبب حالي( خوي الدرب) شمت فيني الأغراب تركني بوحدتي أشقى بصده لي وهجراني زمن ما يعترف بالذنب ولا يستغفر التواب زمن لا جارت ظروفه تغربل كل أكواني أنا عمري غدى تاريخ تضمه دفتين كتاب على صدره كتب وافي وكان الحزن (عنواني ) اشرح فيه معاناتي عبره يا أولي الألباب (نهايتها ضياع العمر في تدريس صبياني ) هذي قصتي بأقسى مشاهد عشتها في عذاب (بطلها شخص علمته بعدها راح وخلاني) |
رد: مِن مَـا جآآآز لي ~
شيدت لک في دآخلي قصر وصروح وعيون تنبع من عذوبة جفونک وأخلصت لک بالود والقلب مفتوح ينطر على بآبك يخـــــيّل مزونک أظل أنآ ويآک والشوق مفضوح يرجي وصآلك كل مآشآف كونک تجرح خفوقي غيبتک مالک الروح والنفس تبقى يآولــيفي تصونک بكيت أنآ والقلب غآفي ومجروح ودموع عيني هيضت لک شجونک أضحيت أنآ والهم والصوت مبحوح والحيرة اللي أشغلت بي عيونک عزي لحآلي يرتجي لحظة البوح والفكر شآرد في تبآريح كونک يآ ليت تقرآ وش مسطّر على اللوح تعرف غلآک وضيق صدري بدونک |
رد: مِن مَـا جآآآز لي ~
دخيلك لا تشجّعني أسولف و أكسـر الكتمـان
تعبت من السّكوت اللّي تعود يسكـن بـ ذاتـي . |
رد: مِن مَـا جآآآز لي ~
لاشيء يجعلنـآ كبـآر .. كـ الألـــم .. ولاشيء ..! يجعلنـآ آكثر صمت { كـ خيبه الأمل .. |
رد: مِن مَـا جآآآز لي ~
...•••°°° أبي دنيآ مبآديهآ تحرم خونة الأصحـآب .. تلآقي الصدق والطيبه عنآوين لأرآضيهآ .. أبي نآس معآدنهآ نقآ وحب وعطآ منسآب .. تمد يدينهآ بالخير ولآ تقصر معآطيهآ .. .. .. |
رد: مِن مَـا جآآآز لي ~
هجرتك حتى قيل لا يعرف الهوى
وزرتك حتى قيل ليـس لـه صبـر تكاد يدي تندى إذا ما مسستها وتنبتُ في أطرافها الورَقُ الخُضْرُ فما هو إلا أن أراها بخلوةٍ فأبهتَ لا عُرْفٌ لديَّ ولا نُكــرُ عجبت لسعي الدّهر بيني وبينها فلمّا انقضى ما بيننا سكن الدَّهْــرُ |
| All times are GMT +3. الوقت الآن حسب توقيت السعودية: 11:31 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه