|
رد: الشعور اللي تجاهك غير حروف القوافي
من يحط إيديه في برد الكتاف !! ** لاينادي .. للمخاليق .. إفزعي !!
( المعرّي ) لو حكى نفس الكلام ** قلت : صادق !! يملك إحساس ووعي !! لاتذكــّــرني بدورات الزمان !! ** لا تحرّضني على .. عض إصبعي !! من عجز يشرب من الميّ القراح ** لايحمــّــلني خطاه المطبعي !! إن تعذّر درب .. ياكثر الدروب !! ** كل ماحاولت .. ماخاب السعي !! من هنا .. وهناك .. من كل الجهات ** مايحدّد غير ربــّــي موضعي !! من عرف معنى وجوده مايضيع !! ** ومن يهاب الشمس ماقال : إطلعي !! ومن يحط إيديه في برد الكتاف ** لاينادي .. : يامخاليق .. إفزعي !!! |
رد: الشعور اللي تجاهك غير حروف القوافي
. . توّ الخطاوي ياطوال المشاوير ** من صدّ عن شمس الضحى مانطحها !! والزلـّـة الليّ مالها أيّ تبرير ** ماترفع أصلاً هامة الليّ دمحها !! البيـّـنة ماهي بحاجة لتفســـير ** والخافية فحيحها في قدحها !! مايستر الـرجـّـال حشمة وتـقدير ** لا صار بطن " أم الكباير " فضحها !! ومن كان ماله بالليالي مغاتير ** لا يامن سباع الخلا لا نبحــْـها !! رح بلـّـغ اللي " باع " مبداه للغير ** قل " نخلةالوادي " تساقط بلـحــها !! وإن قال : خير الليّ حصل .. قل : حصل خير ** الأرض تعطي خيرهـا من فلـحـهـا !!! ياحيف ياولد .. الرجال المــشاهير ** يالليّ جدوده كل طيـّـب مدحـــها !! بيته عقب ماهــو مـلاذ الـمنـاعير ** صـار لــ " سـرابيتٍ " تفرّك سـبحـها !! من يوم طاح بماجنات الغــناديـر ** وأنا أدري " ثياب المراجل " شلحـــها !! حذّرت لكن .. مانفع فيه تحذيــر ** وبعض الأوادم تكره الليّ نصحها !!!! قليل دِبـْـرة " مابراســه " تـــدابـير ** للريح " بيبان المصايب " فتـحها !!! الغيث حوله وش يبي بقاعة البيـر ؟!! ** ماكـل دلوٍ .. تسقي اللي متــحها !! حمامته على هديل .. الـمـزامــير ** تلعب طرب حتى الحيا .. ماذبحها !! قامت تهـَـزّع .. بين عكـف المنــاقير ** مافيه مخلب ناشـها مـاجـرحـها !! أسرارها ريشٍ غدى له .. دعــاثير ** حتى العمى بين السوالف لمـحها !!!! نامت وحلـْـمت إنـّـها زوجة الـــزيـر ** ومحد مصدّق .. إن " سالـم " نكــحـها !! ناسٍ فرحها مـاللأحـزان .. به طـير ** وناسٍ من الأحزان تنسـى فــرحها !! دنيا .. ولا من ربحـْـها إلاّ .. المخـاسير ** ولاخـاسرٍ فيها سـوى .. من ربحــها !! . . |
رد: الشعور اللي تجاهك غير حروف القوافي
اتوق .. و اتوق لك و اتوق إلى متى و انت لي ذاخر !! مانيب قايل ذبحني الشوق أبي أشـوفـك !! مـن الآخر : ) |
رد: الشعور اللي تجاهك غير حروف القوافي
لليل أحبك مابقى فالسماء " نور " واليا ضواني الليل للصبح أحبك |
رد: الشعور اللي تجاهك غير حروف القوافي
تريد نترآهن علىٰ الشُوق ؟
تعال نتراهن انا وياك يالله ' أتحداك اذا انت قدّي مشتآق لاني مشتآق لك قد رحمة الله ! |
رد: الشعور اللي تجاهك غير حروف القوافي
هات قلبك يابعد عمر الشعوّر كل صبح بضحكتك ورد ومطر |
رد: الشعور اللي تجاهك غير حروف القوافي
ماقلت لك على مهل ؟
وان الهوى ماهو سهل ! بالحب أحتاجك تكون : اصحاب وإخوان وأهل :( |
رد: الشعور اللي تجاهك غير حروف القوافي
تجي نكسر حواجز صمتنا الليله أنا حنيت لأطراف الحكي وياك |
رد: الشعور اللي تجاهك غير حروف القوافي
ياللي لك بقلبي كثير !
وش يصير ؟ لو عاد فينا الوقت ! وصرت أنت المصير ؟ وش يصير ؟ دام العمر واحد ! نبي نفرح نبي نفرح كثير الّا على طاري الفرح ! كيف افرح ؟! والفرح حبل ، وغيابك السيف الشطير ! |
رد: الشعور اللي تجاهك غير حروف القوافي
تشتاق لي منت بكثر شوق مغليك تحبني ما شفت كثر ،،،،،،الوله لك لو شفتني مشغول و ماني حواليك انت الذي من بدهم ،،،،منـتـبه لك |
All times are GMT +3. الوقت الآن حسب توقيت السعودية: 06:50 AM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه