|
|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
ودّك تحس بلوعة الموت وشلون ..؟ .................... خل من تحب يغيب .. ويعلن فراقه ؛ الموت ماهو شخص تنصاه وتمون .................... ويترك لك المطلوب .. حبّ وشفاقه ؛ الموت جوع يقطّع القلب بسنون .................... ويشدّك .. لجذع الألم ابـْ / وثاقه ؛ الموت اظنه سالفة دمع محزون .................... الموت .. بابٍ للحزن وألف طاقه ؛ أوقد يكون : انسان معدم و مديون .................... وله في عيال الناس حاجه وفاقه ؛ وممكن يكون : انسان ماعنده شجون .................... بينه وبين البعد .. حب و صداقة ؛ أو نهر من حسرة على سيله اطعون .................... تورق وتثمر ..لا غشاها اندفاقه ؛ استغفر الله كن هالموت مدفون .................... على طريقي وفي خطاي انفلاقه ؛ الموت .. هاويني ويغليني بجنون .................... وله من قديم الوقت .. فيني علاقة ؛ أقــــــــــول : الموت ماله شكل أو طعم أو لون ................... الموت غدر .. يفرّق اغلى رَفَاقَهْ |
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
" الضيقه " اللي تمر أحيان وتعدي ..
مرت على البال هالمره ولاعدت .. ثارت غضب في خفاي وبيحت سدي .. نخيتها تبتعد عني ولاردت !! وصديت عنها و لكن مانفع صدي .. الله ياقو باسي كل مااشتدت .. ماقول سود الليالي وقفتّ ضدي .. اقول صافي نوايا بيضها اسودت .. بوجيه وديتها ولا نفع ودي .. معها المشاريه لا جابت ولاودت .. وانا ورثت الوفاء والجود من جدي .. اجود وابني وفاء للجود لاهـدت .. واللي تحدى زماني جيت متحدي .. ماتنثني هامتي لو ضيقته ردت.. ياضيقة البال عدي خاطري عدي .. دام المشاريه ماجابت ولاودت |
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
يآ آللہ أنآ طآلبگ من خير ذآ آلسآعہ
عطفگ ولطفگ وعن تقصيرنآ ترضى وتشرح لنآ صدورنآ بـ آلذگر وآلطآعہ وآن ترحم آلميتين وتشفي آلمرضى" |
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
عند الكرامة أبيعك وأنت خابرني ماعمر أحد راح من كيفه وناديته إن كان قصدك هجر رح وأهجرني أبوي لاصدّ عني ... ماترجّيته |
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
يمطر لغيري من حنانك سحابك ويموت قلبي ظاميٍ بين أياديك رجيت عطفك بس طال الرّجا بك لين أنقطع باليأس كلّ الرجا فيك |
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
الجسد موجود والرّوح رحلت والزمن غدّار ... لكنّي صبور عيني اللّي من عنا الوقت دمعت حزنها ياأخوي .. شيّد له قصور |
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
بوجيه وديتها ولا نفع ودي ..
معها المشاريه لا جابت ولاودت .. |
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
تدري أن الجرح للمجروح دين وأنت جارحني وحقّك أجرحك وين تبعد وأنت في نفسك سجين وين تنسى وأنت ناسيني معك كيف تفرح وأنت تاركني حزين وجرحك مثل ظلّك ... يتبعك |
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
أبعرف يابحر ... وش اللّي بسّ سوّيته أنا لاعمري جرحت إنسان ولاعمري بكّيته أبسكت يابحر وأمشي وأخلّي ضيقتي فيني أبسكت وأبتعد عنّك .. وأدوّر من يواسيني تصدّق يابحر أنّي ... توقّعتك تشيل الهمّ لكنّي أنصدمت أنّك غرقت بدمعة من عيني |
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
أضحك وكأني ... رايق البال خالي والنّاس تحسدني وأنا أموت بسكات أقضي نهاري ... بالمزح والتسالي وأسهر بليلي ... في هموم ومعاناة |
| All times are GMT +3. الوقت الآن حسب توقيت السعودية: 12:42 AM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه