ملتقى طلاب وطالبات جامعة الملك فيصل,جامعة الدمام - تجمع الشعور اللي تجاهك غير حروف القوافي

- ملتقى الفنون الأدبية (https://vb.ckfu.org/forumdisplay.php?f=150)

- - [ تجمع ] : الشعور اللي تجاهك غير حروف القوافي (https://vb.ckfu.org/showthread.php?t=813045)

رد: الشعور اللي تجاهك غير حروف القوافي

من علّق أحلامه على صدر الليال
‏ما نال من صدر الليال إلا .. الأرق

رد: الشعور اللي تجاهك غير حروف القوافي

‏كل حرف ينحني شوق لغرامك
‏وكل خطوه تسبق الخطوه اليك

‏بأرسمك صوره وابادلها سلامك
‏يمكن اقدر في خيالي احتويك

رد: الشعور اللي تجاهك غير حروف القوافي

،'

والله ان سدّي على هلّت العبره متين
بس .. لا فاضت عيوني تلقّيت الخلا
ٰ
اتهشّم والصدر ممتلي شوق وحنين
قلّ صبري للفرج .. بس ماقلّ الغلا

، '

رد: الشعور اللي تجاهك غير حروف القوافي

الاوادم : عابره .. و الزمن : شارع عبور
‏والحظيظ .. اللي يطوف الظنون و مرته
‏دام ربي : شايف اللي بما وسط الصدور
‏خل عنك اللي يشوف البشر من : نظرته

رد: الشعور اللي تجاهك غير حروف القوافي

لو تحاول ترضي الناس..لاجدوى
‏غايةٍ من دونها السبل مقطوعة
‏ م…¤
‏والمصيبة صار حتى الزعل عدوى
‏لا زعل واحد.. زعل معه مجموعة.

رد: الشعور اللي تجاهك غير حروف القوافي

ابعتذر

ابعتذر عن كل شي
إلا الهوى .. ما للهوى عندي عذر
ابعتذر عن كل شي
إلا الجراح .. ما للجراح إلا الصبر

إن ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم
ابعتذر ابعتذر كلي ندم
ابعتذر عن كل شي إلا الهوى
ما للهوى عندي عذر

اتصدقي ما اخترت أنا أحبك
ما احدٍ يحب اللي يبي
ياحبي المرّ … العذب
سكنتي جروحي غصب
ليت الهوى وانتي كذب
كان اعتذر لك عن هواي
ما أقول أنا كوني معاي
ان ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم
ابعتذر ابعتذر كلي ندم
ابعتذر عن كل شي إلا الهوى
ما للهوى عندي عذر

ابوعدك كان الطريق بيبعدك
بامشي الطريق
وكان الجحود بيسعدك
مالي رفيق
ابجمع أوراق السنين وأودعك
كان الفراق اللي تبين الله معك

ان ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم
ابعتذر ابعتذر كلي ندم
ابعتذر عن كل شي إلا الهوى
ما للهوى عندي عذر

بدر بن عبد المحسن

رد: الشعور اللي تجاهك غير حروف القوافي

‏سلّم على قلبك وصحه من النوم
‏وقلّه ترا بدري على الحب بدري

‏هو لو عرف يعشق مثل باقي القوم
‏يعشق مثل عشقي ويشتاق كثري..

رد: الشعور اللي تجاهك غير حروف القوافي

‏صباح الخير ياللي ماعليك اللوم
‏وألوم الشوق إذا بغيابك .. طول

‏ تردّ اليوم ..؟ ولاّ .. ماتردّ اليوم
‏انا كل يوم احبك ..اكثر من اول

رد: الشعور اللي تجاهك غير حروف القوافي

فالبعض لو أشعلت تِسع أصابع
‏من أجلهم سألوك: أين العاشر ؟'

رد: الشعور اللي تجاهك غير حروف القوافي

أقوى على كل البشر.. بس ويّاك
‏كل ما أحبّك نفسي تصير أضعَف