|
|
رد: الشعور اللي تجاهك غير حروف القوافي
غيرتي عيبي فانا كلـي إعيـوب ولو طيبتي زادت ترى مـو خطيـه عليك من بين الملا جد مـا تـوب أغار حيـل وغيرتـي مـو بيديـه حتى من النسمه إلا هبـت إهبـوب أغار لـو تلمسـك روحـه وجيـه واغارمن ظل(ن) يماشيك بـدروب أسبق خيالك قبـل لا يجيـك ضيـه واغار من أطراف يـدك ويـا دوب تلمس خدودك جـن عقلـي عليـه كلك على بعضك ترى بجد في صوب وكل الملا في صوب يا أحلى البريه عينك أبي لا صارت بعيني إتـذوب وقلبـك إذا بيمـوت فيمـوت فيـه إنت الأمل لا صار هالحظ مسلـوب وانت الوفا لا خـان هالوقـت بيـه لو قلت أحبك مـا تكفينـي اقلـوب يبيلي ميـة قلـب وعنـدي شويـه انـا إذا حبيـت حبيـت بسـلـوب ومن زود حبي جبت قلبـي هديـه هذي عيوبي بختصرهـا بعـذروب إني أحبـك مـوت وللحـب بقيـه يا تقبل إعيوبي وتقبلنـي محبـوب ولا ترى غيرك مـن النـاس مابيـه |
رد: الشعور اللي تجاهك غير حروف القوافي
ليه اعبر لك عـن احساس الغًلا وانت شايف في عيوني ابيك فـي حضورك خـافقي يردد هلا وفي غيابك خافقي يسال عليك |
رد: الشعور اللي تجاهك غير حروف القوافي
الضيق زايل وأعـذب الحب يبقى والجرح أحبه منْك من كثر مَغليك ! دامك غرست حبّك بقلبي .. بتبقى غالي ولو قصّرت في حق مِغليك |
رد: الشعور اللي تجاهك غير حروف القوافي
لولا الغلا مانشدتك وين هاألغيبه ولو انت ماتهمني ماقلت لك وينك لكن مساء الخير والإحساس والطيبه لاعاد تبطي عسى روحي فدا عينك |
رد: الشعور اللي تجاهك غير حروف القوافي
يعني شسوي لك على شآن تدري إني أعزك حيل و أعشقك في زود ، يعني أسوي لك أشآعه لـ صدري وتشوف زولك بين إلأضلآع موجود |
رد: الشعور اللي تجاهك غير حروف القوافي
قلبي على خبرك حبيبي، ولآ زآل ينبض غلآ في غيبتك، ويتدآرك ، مـ أخترت أحبك يوم حبيت بأهبآل ولـ أخترت وصلك جيتني بـ أختيآرك |
رد: الشعور اللي تجاهك غير حروف القوافي
هبت هبوب الفراق وناحت الورقا وليل الجفا طق باب القلب واختصه خلا عيوني من دموع الحزن غرقا وخلا علومي علوم وقصتي قصه والقلب طيرٍ رقا في نايف المرقا ما كل من جا يقص جناحه يقصه إلا الهنوف العيوف الجادل الطرقا اللي تشوف الغضب فيني وتمتصه ينزل لها من غلاها عنده ويرقا ويفرد جناحه لها ويضيع الرصه حبيبتي لا ضحك وجه السما الزرقا أشوف وجهك شبيه الغيم في نصه من عبرة الخاطر اللي تنزل وترقا الليل مرسى مشاعر والعتب غصه أسبوع وانتي سواليفك عن الفرقا حنا بنترك بعض ولا وش القصة |
رد: الشعور اللي تجاهك غير حروف القوافي
ما راح يعرف قيمة اللي فـ يدّه ، إلا ليا من صار .. في يد غيره |
رد: الشعور اللي تجاهك غير حروف القوافي
لا غــاب عن عينك حبيب ٍ تـــوده ... ..فأحسب نجوم الليل وأمرح خلاوي هذا وأنا لي عنه ياناس مـــــــده .. ..والقلب من جور المحبه شقاوي عن جيتي يمكن عذولـه يــــــرده ... ..وإلا بهجري ناعم العـود نــاوي مسكين قلب ٍ عود الحـــب ضـــده .. ...ماهو على خفق ٍ بفرقاه قـــاوي هجري تعدى مع هوى البال حده .. ..وبعده على قلبي كثير الــبــلاوي حبل الوصل يرخيه وإلا يــشــــده ... ..أنا على درب المحبه رجاااااوي |
رد: الشعور اللي تجاهك غير حروف القوافي
اقتباس:
:d5::d5::d5: |
| All times are GMT +3. الوقت الآن حسب توقيت السعودية: 08:41 AM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه