|
|
رد: الشعور اللي تجاهك غير حروف القوافي
لا بارك الله بالغياب وطواريه
ولا بارك الله بالزعل والتغلي |
رد: الشعور اللي تجاهك غير حروف القوافي
،'
كان هـ الفرقا قدرنا .. حكم ربي غـالب وش بناخذ من سنين العمر وش بنبقّي وكانها " ماضـاع حقٍ من وراه مطالب" والله انك ما تضيع.. ووالله انك حقي ،' |
رد: الشعور اللي تجاهك غير حروف القوافي
اتخيلك كيف كنتي بيوم لقيانا يوم الأماني من اللهفه تنادينا لو يبخل الحب ما تبخل عطايانا لو غابت الشمس تتبسم ليالينا اتأملك وادري انك عطر ذكرانا تسأل عن احلامنا واخر امانينا كان الهوا دربنا والشوق مسرانا كان الوفا عهدنا واصدق خطاوينا من علم الوقت يكتب ناوي يقرانا حتى الليالي تسولف عن اسامينا ابوعدك لو قست بالحيل دنيانا ما تبعدك والغرام اكبر معانينا كن الغلا بيننا مخلوق ويانا مثل الملامح تحسه باقين فينا لو للسحايب نصيبن من هدايانا هلت غيوم الوله من عشق اراضينا بطمنك لو فصول الحب تنسانا ما تجرحك والوفا يجمع ايادينا |
رد: الشعور اللي تجاهك غير حروف القوافي
أحبـك المـاء لـروحي يــوم يـظميـــها أعظــم سـؤال يواجـهنـي من أيامـــي وش صالحك من جروحي يوم تدميها يا منتهى الحب كله منتهى أحــــلامي غيـرك كـثيـر المـلا عندي ولا أبيـــها ما أشوف غير أنت بين الناس قدامي محبتـي كيـف ما تـدرك مـعانيـــــــــها يا نشـوة الحـب حبـك مصدر إلهامـــي ما يسعـد العيـن غيـر عيون غاليـــها أحـلف لك إني لشوفـك دايـمٍ ظامـــــي هايم مـطاف العيـون الشـوق يحييـها شوفـك علشان حبـك والغلا سامـــــي |
رد: الشعور اللي تجاهك غير حروف القوافي
أحسن بك النية وتفتح علي أبواب باب النكد يا عجل ما تفتح أبوابه إن جيت أبين لك على رغبتي بأسباب أخطيت في تقدير ظني مع أسبابه خليتني أخشاك ما كننا أحباب متعوس قلب ٍ ما توفق مع أحبابه وإليا بغيت أطلب حسبت ألف وألف حساب يرضيك من حبك معك يسقط حسابه إن قلت لك مرتاح والله أنا كذاب وإن كان روحي سرها البعد كذابه الشوق يدني ربع من طولوا غيّاب والشوق يذبح لي تباطوه غيّابه أقولها لك والنفس تحفظ لك الترحاب يسودها فكر ٍ عطاك كل ترحابه إني بحبك سيد الحب ولا ترتاب أسكنك يا حب ٍ هجد نفس مرتابه |
رد: الشعور اللي تجاهك غير حروف القوافي
وين انت يا أغلى العرب ناوي = تو القمــر ما سـرى تــــــوّه ما شـفت يا المـتـرف الــراوي = وشلون دنـــياي مـحـلـــوة ليـلـي بـدونك وش يـســاوي = جـيـت وحبيبــك صـفا جـوّه وإن خفـت من حـاســدٍ غـاوي = يـحرسـك مـولاي من ســوءه كـانك عـلى حـســرتي قــاوي = ما للـزمـن طـيــب ومـــروّه اختـرتـك لـدربـي مـخــــاوي = وماني مـوصـيـك بالأخـــوّه تـجــرح يا ممـلــوح وتـــداوي = فـديتــك اللي تبـي ســــوّه وإن صـرت بعـديـن ما تــاوي = خـلّـك حبيبـي عـلى القــوّه |
رد: الشعور اللي تجاهك غير حروف القوافي
،'
جعل ربي من غرامك يعافيني لين صدري عن هوى دارك آزره سعد يوم ٍ ما أنتظر فيه تاتيني وفي دكاك الصدر ما عاد لك جره ،' |
رد: الشعور اللي تجاهك غير حروف القوافي
،'
ازهد بـ قولك ولكن بـ السكوت أسرف هذا هو والله مناط الامر وسراجه عط نفسك القيمه اللي تقنعك وإعرف الناس ماهي بـ معطيتك ولا حاجه ،' |
رد: الشعور اللي تجاهك غير حروف القوافي
وحيده ما تبوح وصوتها مخنوق
تحس وما لقت لاحساسها صرفه خنقها دمعها والجرح كنّه طوق تهب انفاسها .. تتنهد الشرفه رغم كتمانها ، تهدى تثور تروق تغار ....وعينها بالحب معترفه تحرّت بالامل بعد الليال شروق عرفها كلّ صمت وصارت تعرفه |
رد: الشعور اللي تجاهك غير حروف القوافي
خايف عليّ من كلمة آحبّك وأبيك
ما خفت من بردٍ طوتني وحشته؟! ٓ حتى السراب احتاج ما مدّت يديك يوم العطش ضوّت بصدري نجمته. ٓ لو خاف ميعادك أنا ماآخاف اجيك مع انّي الجالس معك في غربته.. ٓ كم ليلةٍ مالت من إحساسي عليك وما خفت من ليلٍ بكتني وحدته.! |
| All times are GMT +3. الوقت الآن حسب توقيت السعودية: 08:44 PM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه