|
رد: الشعور اللي تجاهك غير حروف القوافي
ماعرفت البعد لين أني شربت مر بعدك في خفوق محتريك ماحسبت البعد لكني حسبت فوق خمسين ألف خفقه تحتريك لو أقول أنك وحشتني ماصدقت ماوحشتني بس (أنا ميت عليك) |
رد: الشعور اللي تجاهك غير حروف القوافي
يا هاجسي وش صار في حال دنياك أصبحت وحدك بين شوق الأماني راح الفرح والهم يا هاجسي جاك وأنا الشقا بالحيل والله كساني دنيا غريبة ما بها شيء يخفاك دنيا غريبة ما بها من أماني |
رد: الشعور اللي تجاهك غير حروف القوافي
مسا السعاده والهنـا والمسـرات مسا المحبـه والفـرح والاغانـي مسا يهز الوجد في كـل الاوقـات مسا يزلـزل مابقـا فـي كيانـي هلا هلا ياكاسـي الليـل شمعـات تعـال ولّـع بالضلـوع المحانـي وشلون غيرت الزمن والمسافـات خليـت ساعـات الليالـي ثوانـي مديت لي حبل الرجا بعـد مامـات ماكان ظني يبتسـم لـي زمانـي حطيت لي في درب الاشواق وقفات اشعلت في جوفي حريـق الامانـي صرفت لك من غالي الدمع دفعـات جاتك هديـه ياعريـب المجانـي خذ مابقي عندي شكاوي وشرهات خذهـا ولايـدري بهـا مودمانـي نبي يروح الليل فرحـه وبسمـات نبـي نغنـي ليـل دانـه لادانـي ارسل مزون الحب وقفه وسجـات لين انها تروي ظمـا كـل عانـي يافرحـة ايامـي كفانـي متاهـات تعبت ادور فـي حياتـي موانـي مركب غرامي ينتظرك انت بالذات والله مايركب معك شخـص ثانـي كان الهوى غلطه فزدني خطيـات مانـي بقايـل ياحبيبـي كفـانـي لاتنتهـي تـوي لقيـت البدايـات يوم القدر في كف حبـك رمانـي |
رد: الشعور اللي تجاهك غير حروف القوافي
يمرني طيفك مع الحلم عابر ويازين حلم تالي الليل خاواك صدري غدى لجروح بعدك مقابر والله من جرحٍ شهق يوم فرقاك |
رد: الشعور اللي تجاهك غير حروف القوافي
إبتعد : كل ما حسّيت .. بإنك قريب
مين يستاهلك ؟ .. ومْشاعرك : خبّها وكون صاحب جميع الناس إلا حبيب " الأحاسيس " .. ما يحتاج تلعب بّها ولا تعاتب زمانك .. كان مالك نصيب " والمقادير " .. مهما صار .. لا تْسبّها ولا تحبّ وتعلّق .. من تحبّ : وتغيب هذي .. الحاجه اللي .. ماحد يْحبّها ! |
رد: الشعور اللي تجاهك غير حروف القوافي
'
الجفا مثل الشتاء برد وصقيع والـمواصل للقلوب أحلى دفـا إن شـراك الـخِل أبـداً لا تبـيـع الـمحبة عـهد ... والدنيا وفــا |
رد: الشعور اللي تجاهك غير حروف القوافي
،'
من يفهمك ياكاتم السر والبوح لاصار في قلبك تعيش امنياتك يفهمك من وده معك يسكن الروح ويربط حياته في الهوى مع حياتك ،' |
رد: الشعور اللي تجاهك غير حروف القوافي
اجيك وانا الشاعر اللي علق احلامه وجاك
لو قلت لي لاتنهمر بجيك كلي منهمر . متعاطيٍ حبك ومدمن بك ومهلكني هلاك ومروعٍ قلبي وقاتلني ودامرني دمر . وتبيني ابين غلاك ؟ الله لا يبين غلااك تامر عليّ وعيونك الثنتين تامرني امر |
رد: الشعور اللي تجاهك غير حروف القوافي
،'
دايم على الخاطر تجي مثل الأمطار كنك تعرف اني.. من الشوق ظامي أنا فرشت القلب لك.. ورد و أزهار وأنت بغلاتك أخذت كل اهتمامي ،' |
رد: الشعور اللي تجاهك غير حروف القوافي
يمر الوله وأسايره لـِ اخر المشوار
ولا احاتي اليّا طال وياه ترحالي على البال لك سجة ولك سيّره وتذكار أضيعك بالواقع والاقيك في بالي . |
All times are GMT +3. الوقت الآن حسب توقيت السعودية: 03:44 AM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه