|
|
رد: الشعور اللي تجاهك غير حروف القوافي
سجل قصيد الغلا بإسمك وسجلني أول متابع لـ أحاسيسك ولمسـاتك لو تكـسر البيـت كمل لا تكلمني يكفيني أسمك مسجل بآخر أبياتك أسعد الله مساكم بالرضى والعافيه ومساء جميل على الجميع يارب. |
رد: الشعور اللي تجاهك غير حروف القوافي
الحب عرق(ن) في المعاليق مرساه وليانزف يصعب على الطب طبه البعد عــــوقه والوصل داه ودواه عزي لمن ضيع مع الوقت حبه |
رد: الشعور اللي تجاهك غير حروف القوافي
الشعر بيني وبين أمتابعينه كلام وبيني وبينك : شعور ونظرةٍ شامله كم بيت مر فمسامعهم مرور الكرام وهو فيه قصة حياة جروحنا كامله |
رد: الشعور اللي تجاهك غير حروف القوافي
تمتلكني بالغياب وبالحضور لا تشكك بالضمير المنفصل ولا تراقبني متى أخـر ظهور دامني في نـبـض قلبك متصـل |
رد: الشعور اللي تجاهك غير حروف القوافي
لو اللقـا يستـأذن الـوقت وألقـــــاك ماكان صدر الضيق يشكي ظروفي آسف على بُعدك وحزنـك وفرقــاك وآسف على ظنـي وصمتـي وخوفي |
رد: الشعور اللي تجاهك غير حروف القوافي
ان ما جبرك الغلا ما اقدر على جـــبـرك ياللي على ارض الوفـا ما شبرك بشبري تـــزعل وترجع وتـلقانـي عــــلـى خبـرك وانا انكسر لك واجـــــيـك ادوّر لــجبـري |
رد: الشعور اللي تجاهك غير حروف القوافي
ودي تشوف الهم وشلون سوّى في حال من حبّك على غير مصلوح جرحتني جرح جديدٍ تلوّى على خفوقٍ منك بالحيل مجروح سويت فيني شيٍ ما ينتسوّى وأقول يا سيد المماليح مسموح ليتك بزلاتك عليّ تروّى يوم إن حبي لك من الروح للروح إن كان حبل وصالنا ما تقوّى الله يعين عيون رحال على النوح لا يا بعد من جابوا آدم وحوّا خطاك مهما صار منسي ومسموح |
رد: الشعور اللي تجاهك غير حروف القوافي
الله لو ابوي يرجع لنا حي واستقبله كنه مسافر وراجع الله يا فقده طوى حالي طي عشرة عمر والفقد عشرة مواجع |
رد: الشعور اللي تجاهك غير حروف القوافي
لا تسامحني ولكن لا تضيق ما ابيك تضيق يا بسمة شفاتي افترقنا وانعدم فيني الشهيق واختنق واقوم والملم شتاتي كل ضحكه يم غيرك ماتليق ياغيابك كيف وداني لمماتي ضعت في بحر الحزن وانا غريق والبقا لله في باقي باقي حياتي خلني في دنيتي وسط الحريق كل طبٍ مايجمع لي رفاتي من غيابك صابني جرحن عميق والمفارق ريحها قاسي وعاتي صرت اكره عزلتي اغفى وافيق دالهن مابين حزني وامنياتي ودي ارحل بس ما ادل مادل الطريق ضاعت دروبي وانا عالق بذاتي |
رد: الشعور اللي تجاهك غير حروف القوافي
ما أملك ما أملك ما أملك
لو يمل طويق من نجد العذيه يوم كلك ساكنِ ف القلب كلك ومنهمر مع دمع ذي ودمع ذيّه فدوةِ لك ظلع جوفي فدوةِ لك ولو تبيني كلي بكفك هديّه |
| All times are GMT +3. الوقت الآن حسب توقيت السعودية: 12:57 PM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه