|
|
رد: الشعور اللي تجاهك غير حروف القوافي
،'
نكبر ، وتبقى قلوبنا مثل ماهي ماهمها جرد السنين وعددها ماعاد شمس العمر تشره على الفي ولا السنابل تكره اللي حصدها دام الضمير اللي تشيله معك حي ذي والله اللي فوقها طول يدها دنياك هذي ماتساوي ولا شي حاول توازن حلوها مع نكدها ،' |
رد: الشعور اللي تجاهك غير حروف القوافي
،'
واتذكّر في وجيه الناس من ناسي قلايل غايبٍ عذره معه .. و غايبٍ غايب بكيفه لكن الوجه الوحيد اللي عن الاشباه زايل ما يفزّز راكد الما في عيوني.. غير طيفه ،' |
رد: الشعور اللي تجاهك غير حروف القوافي
،'
ولا تحسب الناس هي اللي تحدّد مصير ترا مصير البشر .. فـ يدين خلّاقها لو يفرشون بـ حكاويهم لـ سمعك حرير الناس ما ينعرف وش داخل اعماقها احيان عاملهم بـ حكمة وخُلق وضمير واحيان عاملهم فـ ما تبدي اخلاقها ،' |
رد: الشعور اللي تجاهك غير حروف القوافي
،'
روّق وشوف شلون كلّ شيء يغريك ب تشوف كلّ لحظات الأيّام حلوة في يوم عطلة دوّر اللّي يسلّيك متّع حواسك لو بفنجال قهوه ،' |
رد: الشعور اللي تجاهك غير حروف القوافي
،'
لايموت الغـلا ويشـحّ حتى الكـلام بين قلبٍ رهيف.. وبين قلبٍ حجر وإن تهاونت بـ الفرقا عليك السّلام وحشـة الليل.." تقتلها صلاة الفجر ،' |
رد: الشعور اللي تجاهك غير حروف القوافي
،'
أضحك .. وخلّك لوجه الله متوّجه و المجتمع .. لا يضرّك كثرة ازعاجه أطلق سراح الزعل والضيق والصجّه و أرفع كفوف الرجا للخالق و ناجه خذ لك عن الحزن في جو الخلا سجّه حاجتك لله .. ومالك فـ البشر حاجه ،' |
رد: الشعور اللي تجاهك غير حروف القوافي
امْنين ما هنّفت شمس العصر للغروب
قعدت اصايد هبـوب النود وانسامها ويلي على اني ليا ضاقت وساع الدروب اسابق الشمس .. لين اغيب قدامها |
رد: الشعور اللي تجاهك غير حروف القوافي
،'
لي عزةٍ ترفض مقارنتي مع الغير و لي طموحٍ لفوق السحب يحملني ماني مثل غيري .. و غيري كثير نفسي رفيعه عن حاجةٍ ما تجمّلني ،' |
رد: الشعور اللي تجاهك غير حروف القوافي
،'
من غاب عن عينك مع الوقت بيعود لا تشتكي .. من دمعتينً بكتها .. دام الوفا بـ قلوب الأღـباب موجود ما فرّقت بعض الدروب .. إجمعتها بس البلا .. اللي ما بعد صدّه صدود من كان فوق الأرض و أمسى تحتها ،' |
رد: الشعور اللي تجاهك غير حروف القوافي
،'
رجعني لـ طبيعتي .. قدر الامكان فاقد معك شعوري الاعتيادي وارجوك لا تترك مساحة للاحزان بدخل مع احساسك بسجن انفرادي العاشق المملي حسافه وخذلان أدنى ما سيّل دمعه اللّاإرادي يرضيك وانت اغلى بشر واقرب انسان تسكني الغربه وأنا في بلادي ،' |
| All times are GMT +3. الوقت الآن حسب توقيت السعودية: 07:39 PM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه