|
|
رد: الشعور اللي تجاهك غير حروف القوافي
انت سكنتي بين جفني و ( الاحــداق )
يا كيف صرتي العين من دون ( مدري )! ... انت خطفتي بــ الغــلا كــل (الاشواق) وانت سرقتي القلب من وسط صدري |
رد: الشعور اللي تجاهك غير حروف القوافي
القلب بعدك ضايـعٍ في متاهات
و رياح وصلّك مبطيه ما تهبّه حبك مكارم بدو و الشوق فزعات واللّي يحبك .. لا تردّى بـ حُبه انا معك من ضحكتك للمسرّات امّا الحزن ، خلّه و انا اعرف طبّه الله خلق بين الاصابع فراغات ما تمتلي .. الّا مع من تحبّه “ |
رد: الشعور اللي تجاهك غير حروف القوافي
ما سألتك،
عن مدى خوفك وعن عمق ارتحالي لمّا أكتب شِعر خالي .. من حضورك شيء أشبَه مايكون بغلطة الشّاعر ونَصّه شيء لا هو ناقص ولا هو مثالي ما سألتك، عن مكاتيبي الجديدة والقديمة شيّ فارغ وشيّ أشبّه به بـ : غيمة يامطر عمري ويا زهري ونديمه إنت كل الشِّعر، والفكرة، وبالي ! |
رد: الشعور اللي تجاهك غير حروف القوافي
اقربي مني مهو وقت القصايد
الحياه اللي بليّا وصل مُرّه وادفنيني في مداهيل القلايد في مكانٍ ماحدٍ غيري يمرّه ! |
رد: الشعور اللي تجاهك غير حروف القوافي
،'
كان ما تقـدر على جسـر المواصل ترقـا ابتعد و اختار من بين الحلول أبسطها لا تجي بالوسط مابين الوصل و الفرقا هذي اللي تعـتبر.. شـرّ الأمور أوسـطها ،' |
رد: الشعور اللي تجاهك غير حروف القوافي
أنا عالمك واصحابك وانا الأحباب
وانا اللي دون عمرك ما أبي عمري تعال سولف عنّك .. بدون اسباب لو إن البرد .. غيّر صوتك الخمري لـ ضحكاتك وله في قلبي المرتاب تمادى بالشعور اللي سكن صدري أنا ادري أحبك فوق الاستيعاب لكنْ شكثر احبّك؟ إيه ما ادري . |
رد: الشعور اللي تجاهك غير حروف القوافي
تـعـال انـاويـاك نـفــتـح مـساحـه
ومايدخله ياحبيبي بـس انـاوانت تبي الحقيقه ياالـغـلاوالصـراحـه خذني معك ياحبيبي وين ماكـنت |
رد: الشعور اللي تجاهك غير حروف القوافي
لهفتي* تشبه* شعور* الأبرياء
في ملامح طفل يخفي غلطته جيتك ب عفويتي ماهي ريااء حبك اصدق شي نفسي سوّته |
رد: الشعور اللي تجاهك غير حروف القوافي
حملت الشوق
في قلب الغرام وجيت لك مشتاق وانا لي خافق يحمل عظيم الشوق ويجي لك على نسمة غلاك الي بليل العاطفة تنساق اسابق لهفتي طاير عشان اسامرك ليلك |
رد: الشعور اللي تجاهك غير حروف القوافي
أنا لـ الحين ،
أضم الصورة و أرمي ورا ظهر السنين رضاي و اجي كلّي .. من الذكرى سوالف كم غفت بـ شفاي " هلا وينك " ، " متى ترجع " تعبت أفتح لك .. أبوابي و تخطيني .. تمرّ و ما تمرّ فيني و اضيع بـ وجهك النسّاي . |
| All times are GMT +3. الوقت الآن حسب توقيت السعودية: 07:36 AM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه