|
رد: الشعور اللي تجاهك غير حروف القوافي
مني خذاك النوم ،
والسور الاسمنتي قومي وكل القوم ، غيّاب .. لا بنتي ! صبح ومطر وغيوم ؟ ماباقي الاّ .. انتي Fire |
رد: الشعور اللي تجاهك غير حروف القوافي
ينتظرك الغصن قبل الطير
وأشعة الشمس تتّجهك ! وجهك يشابه صباح الخير قم صبح العالم بـ وجهك |
رد: الشعور اللي تجاهك غير حروف القوافي
حي الغـلا حي المحبه والاشـواق
حيـاگ يا قلبن بالاحـساس وافـي اهـلا هـلا ..اللي له القلب يشـتاق ومهمـا اقول وقلت ما هـو بكافـي غلاگ مثل الصبح فـ لحظة اشراق في داخلي يظهـر جميع الخوافـي |
رد: الشعور اللي تجاهك غير حروف القوافي
وإن غبت عني عسى ماني لأحد غيرك ..
وإن غابوا الناس أنت الناس بعيوني . |
رد: الشعور اللي تجاهك غير حروف القوافي
غلاك في قلبي تعدى حياتي
و شلون ما أحبك وأنا ميت فيك أنتِ معي تحتل روحي و ذاتي أتنفسك أهواك أعشقك و أغليك. |
رد: الشعور اللي تجاهك غير حروف القوافي
انــت اقرب قلب لو كنــت البعيـــد
وانــت اغلــى حلم واغلــى امنيــه وانـت اجمل بيت ب ابيات القصيد وانــت احلى شعــر واحلــى اغنيه |
رد: الشعور اللي تجاهك غير حروف القوافي
احبك مْن الله .. واحبك من زمان
لاتسألين : الحب ليه ؟ و من متى ؟ انا اذكره كان فمثل هذا المكان أواخر الصيف .. و بدايات الشتا |
رد: الشعور اللي تجاهك غير حروف القوافي
،'
مدّ حبل الوصل قبل ظروفنا تمنعنا و أترك التاريخ لا الهجري ولا الميلادي مانبي تاريخ متميّز لجل يجمعنا لا اجتمعنا نميّز التاريخ لو هو عادي ،' |
رد: الشعور اللي تجاهك غير حروف القوافي
لك علي اني ما أحطك على لسان الشموت
ولي عليك ان كان صدرك تضايق مرني مستعد أموت لجلك .. ولكن قبل أموت كان عندك شي يثبت غلاتي : ورني ! |
رد: الشعور اللي تجاهك غير حروف القوافي
الله يسعد لي صباحك وممساك
ياللي صباحاتي معك كلها خير ما يكتمل صبحي مع الناس لولاك لان انت صبحك غير ومواجهك غير |
رد: الشعور اللي تجاهك غير حروف القوافي
لك بالصدر مربى وبالعين مجلاس
وحبٍ نمى بين الضلوع النحايل وش عاد ابي بالناس واللي ورا الناس وانتي مليتيني جمال ، وجمايل |
رد: الشعور اللي تجاهك غير حروف القوافي
،'
إن كنت لك حلم .. يالله قوم حقّقني حِث الخطى في سبيل أحلامك وثابر وإن كنت عـادي وعابر .. لا تعلّـقني أنا أكبر .. مْن الغــرام العادي العـابر ،' |
رد: الشعور اللي تجاهك غير حروف القوافي
مَعك قلبي يفزّ وكل ليل يمر بالتَّسْويف
وأشوفك ليلةٍ تطرق غصون البال لفحتها . |
رد: الشعور اللي تجاهك غير حروف القوافي
يمرني من شعور الليل ما مرّك
وأكتب عن الوجد والميلاد واللهفة ظ° لله درّ الزمـان الغابر .. و درّك إن شح موعد لقانا .. مرّني صدفة |
رد: الشعور اللي تجاهك غير حروف القوافي
،'
فاقد الراحه و حزني ما تبدّد و الصبر ما عادت حباله وثيقه صاحبي لا جيت أبشكي و أتردّد التشكّي ماني بـ عارف طريقه ، أتضايق . و أتعزّز . و أتصدّد كنّي اللي ينطح الضيقه بـ ضيقه ،' |
رد: الشعور اللي تجاهك غير حروف القوافي
،'
أبرك صباح اللي يكون بحسّك معهْ اتّوالى ضحكتي و أفراحي يا اللي تحسّ إن الكلام يمسّك صبّح علي بالخير كانك صاحي ،' |
رد: الشعور اللي تجاهك غير حروف القوافي
" يا زين صبحك ينعش القلب والروح
يرسل على القلب نسايم رياحك يسري مع الشريان ويصحي البوح والخاطر ينطق اسعد الله صباحك " |
رد: الشعور اللي تجاهك غير حروف القوافي
،'
إستريح شويّ .. واسمعني ثواني بعدها مسموح .. قول اللي تقوله .. جيت لك.. والقلب ماهو بالمحاني شف قبل لاوصلك سابقني وصوله ،' |
رد: الشعور اللي تجاهك غير حروف القوافي
اقتباس:
طبطب على كتفي واخذني بالاحضان واسألني شلونك ولو كذب ، عادي ترى الكلام الحلو في بعض الاحيان يخلّي الاحلام .. بين الايادي انا بحاجة صوت هادي وتحنان سولف عن التحنان وبصوت هادي وساعدني ألقى فيك راحه وسلوان تراني بوادي .. وقلبي بوادي |
رد: الشعور اللي تجاهك غير حروف القوافي
تعال صوتك له صدى بين الاعماق
لـ من سمعته ... تجتمع غيمة الموق ان كنت مشتاقٍ ؛ فـ لا باس اشتاق لكن انا : محتاجك/ اكثر من الشوق |
رد: الشعور اللي تجاهك غير حروف القوافي
ليت من يدري بحبه وياثق من غلاه
لا سعى فـ جروح قلبي سعى فـ اعلاجها واحدً ربي من الزين والقبله عطاه يستلم عرش المحبه ويلبس تاجها مثل مايحتاج الانسان لـ الماء فـ الحياه الدروب اللي تودي عليه .. احتاجها ! |
رد: الشعور اللي تجاهك غير حروف القوافي
،'
ليتك مثل طيفك كثير .. المسايير و بك ترتوي حدب الضلوع اليباسي ما ينوصف حالي بكثر .. التّعابير و مالي بعد زولك جليس و ونيسي ،' |
رد: الشعور اللي تجاهك غير حروف القوافي
قُل للحروفِ إذا سكبتُ عبيرَها
من غير أحمدَ يستحقُّ مدائِحي ؟ صلى عليكَ اللهُ ما سارت بنا أرضٌ .. وثارَ الشوقُ بينَ جوانِحي |
رد: الشعور اللي تجاهك غير حروف القوافي
أحبّك ما بين أقواس ولا بدون أقواس
تراها كلمةٍ لا جات منّك .. لها رنّه أعيشك شعورٍ ما يوَصّف شِعر وإحساس تراني مثل من ودّه يوصّف لك الجنّه |
رد: الشعور اللي تجاهك غير حروف القوافي
،'
كثر ما كنت أخاف المفارق صرت أشُوفه خير مثل ما كنت أخاف البحر.. قبل أطلق شراعي غديت أودِّع المقفي ولا أღـب أسمع التبرير أشُوف إن التفاصيل الصغيرة .. مالها داعي فـ أنا ياللي تظن إني بدونك ما أحسن التدبير هجرتك و إشتعل نُور الحياة و زانت أوضاعي فلا شكراً على وقتك ولا إعذرني على التقصير أنا من يُوم فارقـتك .. تلاشـت مُعظم أوجاعي ،' |
رد: الشعور اللي تجاهك غير حروف القوافي
لو يوم احد في وحدتك نادى عليك
ثم التفت وشفت ما حولك احد هذا انا من كثر ما فكرت فيك ناديت لككك والكل منا في بلد |
رد: الشعور اللي تجاهك غير حروف القوافي
ولو تلمسين الغيم زادت رقته ..رقه
ولو تضحكين النور من مبسمك بّين ولو تزهمين الريح جات الريح منطلقه كن الهبايـب تباشر .. عـودك اللّيــن لا تطلبين القلب و انتي حل لك سرقه شوفي غرامك بـ وجهي فعله .. مّبـين مدري من الورد و لا العطر مّنخلقه بس الأكيد إن جمالك ما هو بـ هّين |
رد: الشعور اللي تجاهك غير حروف القوافي
،'
لا على عيني غشاوة .. ولا وجهي قناع مقتنع في حجم علمي وفي حجم جهلي البشر فيهم هوامش ومن سقط المتاع ما لهم تأثير واضح .. على مستقبلي والحياة .. ومجريات التلاقي.. والوداع خضت لي فيها تجارب و جيت بْما يلي يوم فضّلت انعزالي .. على كل اجتماع استرحت .. وصارت الراحة ألزم ماعلي ، ' |
رد: الشعور اللي تجاهك غير حروف القوافي
انا وانت جعل الله ما ياخذ حدٍ من حد
نعيش الحياة .. و ندري ان العمر فاني على الرغم من بعد المسافة وبعد الجد لكن ما لأحـد منّا غناةٍ .. من الثاني |
رد: الشعور اللي تجاهك غير حروف القوافي
زملوني عن غلاه وعن طيوفه
وعن هبوبه في ضلوعي لا استهبت واستروا قلبٍ تولته الحسوفه لين راجت في عروقه ثم شبّت الهوى ماله على العاشق مروفه شف لياليه القديمه ويش خبت . |
رد: الشعور اللي تجاهك غير حروف القوافي
،'
قصَر ربي وجوده .. في زوايا البال على وجه الثّرى ما عاد له !.. منزل يباغتك !.. الشّعور الصامت القتّال لو إنك عن جميع الناس في معزل أثر .. بعض الكلام ، اللي يبي ينقال مثل بعض الدموع ! اللي تبي تنزل ،' |
رد: الشعور اللي تجاهك غير حروف القوافي
مستغربه ان القمر طالع حلو !
ماتدري القمر طالع عشان يشوفها اخاف لا ينزل عليها من علو …! من لهفته وده يحب كتوفها.. |
رد: الشعور اللي تجاهك غير حروف القوافي
،'
تسامحت مع نفسي وهوّن عليّ دعاي خصوصاً دعاي اللي دعيته وأنا ساجد غمرني شعور من الرضا للزمان الجاي ولا صار عندي خوف من عضة الناجد اثر من عطاه الله .. نزاهة ضمير ورأي يغيب الغياب ، اللي يخلّيه .. متواجد ،' |
رد: الشعور اللي تجاهك غير حروف القوافي
،'
يا راسي العالي اللي تعشَق العالي لا تلتفت فالوجيه و في محاسنها إشادة الناس ماهيب أكبر آمالي أكبر آمالي يعجزون العرب عنها ،' |
رد: الشعور اللي تجاهك غير حروف القوافي
انت الغلا والعيد من قبل أعيّد
ماهو عشان العيد برسلگ اشواق سيّد وتبقى داخل الروح سيّد هذا محلّگ حافِظَه وسط الاعماق |
رد: الشعور اللي تجاهك غير حروف القوافي
مايشبهك حتى إنعكاس المرايات
يابو الجمال المدهش الغير عادي ً بالعيد وأنت توزّع الإبتسامات كنّك على العالم " توزّع عيادي " |
رد: الشعور اللي تجاهك غير حروف القوافي
لو صرت لي جنحان، أنا مـ أقدر أطير
ولو تـنـتـثـر لي حُب مـ أقدر أجمعك مـ أمداني أفرش لك من ضلوعي حرير ماكان في صدري مكانٍ يوسعك ! |
رد: الشعور اللي تجاهك غير حروف القوافي
اِرحل ولا تترك أثر؛
و اللي يبي وصلك يجيك حتى لو الدمع اِنتـثر امسح دموعك في يديك لو قلبك بليلة عثر طحت ومحد سمّى عليك يمكن غلاتك تندثر مو دايم العالم تبيك! |
رد: الشعور اللي تجاهك غير حروف القوافي
لا يا بعَد كل الغياب
ويا قبل كل الحضور والله ولا قبلك أبد ، والله ولا بعدك أبد في قربك وبُعدك إذا ودّك تعَرفين الشعور يطري لمن هو لك هوى ، ما قال من هو له عبَد إذا اقتربتي .. إنما الدنيا متاعٍ لِـ الغرور واذا ابتعدتي .. إنما الإنسان مخلوق بْـ كبَد |
رد: الشعور اللي تجاهك غير حروف القوافي
،'
تمر .. في بال ( القصايد ) واللحون إن ماا قدرت .. إنّك على بالي ، تمر الله يسامحني .. على بعض الظنون كنت أحسب إنّك مرحلة وأثرك عمر ،' |
رد: الشعور اللي تجاهك غير حروف القوافي
اسـتنّـزفيني كِـل ما قَـلّ الغرام
واستهلكيني حب واحساس ومصير وانتثريني عِـشـق يا كِـل المرام و لملمـيني شـوق يـا العشّـق الكبير و اجمعيني شـعر لا قـل الكلام فـدوتـك شِـعـري الاول و الاخـيـر .. |
رد: الشعور اللي تجاهك غير حروف القوافي
،'
بعض المواقف تجي كنها حياةً وموت احدً يكمّل .. و احد يرجع مع الـمفترق الصدق منـجاه لكن السكوت السكوت يبيّن اللي طمـن .. ويـبـيّن اللي فرق معاد للي مضى قيمة وحشمة وصوت اللي نجا قد نجا .. واللي غرق قد غرق ،' |
رد: الشعور اللي تجاهك غير حروف القوافي
،'
اطلب اللي شرّع ابوابه مهيب منغلقه في وجيه عباده اللي يرتجون افضاله انما الارزاق عند الله ويعطي خلقه لاهي بالقوه ولاهي بحيلة الحياله ،' |
رد: الشعور اللي تجاهك غير حروف القوافي
مرّني .. لا تاه دربك من زحام الحياة
الغلا اللي رحت منّه على حطة يدك . |
رد: الشعور اللي تجاهك غير حروف القوافي
مانشدت الشمس عن حزن الغياب
علّمتنـا الشمس نرضىء بالرحيـل . https://k.top4top.io/p_3046s3f010.jpeg الله يرحمه ويغفرله . |
رد: الشعور اللي تجاهك غير حروف القوافي
في أزمته الصحيه قال مخاطباً اخوه الامير سعود :
" لابدها ياسعود بتغيب شمسي ذي سنةٍ رب الخلايق فرضها و لعلها حريتي بعد حبسي و لعلي ألقى عند ربي عوضها" الله يرحمك يالبدر |
رد: الشعور اللي تجاهك غير حروف القوافي
تدري اني ابيك وادري انك تبيني
كلنا بحاجة بعضنا لاكن طبعنا غُرور تدري ودي اجيك وادري ودك تجيني ياما قصدنا بعضنا من بين السطور |
رد: الشعور اللي تجاهك غير حروف القوافي
ماغير وجهك هو الفارق ما بين الوجيه
أنا ماني بـ آسف .. اليا زاد فيك طمعي و إن كان به شي .. يحتاج اتأسف عليه ؟ آسف على عمري اللي راح منت بـ معي |
رد: الشعور اللي تجاهك غير حروف القوافي
استفزيني بفكرك ! قبل زينك
الجمال بلا ذكا ؟ يفقد بريقه كني بمنأى عن الدنيا بعينك ياخيال ٍ ماتوقعته حقيقه |
رد: الشعور اللي تجاهك غير حروف القوافي
أحتري جيّتك .. و أتعبني الأنتظار
وقفي دقة الساعة بـ صوت الكعب ذقت رغم الهزيمة لذة الانتصار أشهد ان الهوى ما هو بـ مزح و لعب بتغانم زماني معك ليل .. ونهار حتى لو حالتي حرجه وظرفي صعب وأتركي من يقول أن المحبة دمار وبشري من يدوّر راحته بـ التعب |
رد: الشعور اللي تجاهك غير حروف القوافي
،'
طال الكلام وكثرة الشوق تعذيب من وين ابلقى ضو يجلى ظلامي طال الكلام وعثرة العشق تهذيب بين الوله والخوف يسكن غرامي طال الهيام وقلة الوصل ترهيب كثر الشكاوي ماحملها كلامي طال المنام وكثرة النوم ترغيب يمكن تجي صدفه كذا في منامي ،' |
رد: الشعور اللي تجاهك غير حروف القوافي
من قال احبـك لا تصـدق كلامه
حتى تشوف من المواقف براهين جــرب تشــوفه فـالزعل والملامه يشري وجودك أو يبيعك على مين ؟ يابن الحلال خلونا نلقى احد يقول احبك عشان نشوفه بالزعل لو يبيعه في سوق الطيور |
رد: الشعور اللي تجاهك غير حروف القوافي
،'
لقيتك على مفرق طرق والظروف تسير حلالاه لو إني .. مقابلك من بدري سرحت بخيالي فيك وأسهبت فالتفكير وطلّعت كل اللي مخبّى ورى صدري ', |
رد: الشعور اللي تجاهك غير حروف القوافي
لو ان ربـي خـالق الصـدر شفاف
بقول طـالع خــافقي وانت تدري والله لو * اللي* بالاعماق* ينشاف ماتلمح الاصـورتك وسط صدري |
رد: الشعور اللي تجاهك غير حروف القوافي
تعال احبك واترك الناس عنّك
الناس ما تعطيك من قلبها شي وانا عطـيتك نبض قلبي لـ أنّك دم الوريد اللي بدونه مانا حي.... |
رد: الشعور اللي تجاهك غير حروف القوافي
،'
ما ودّي انّك تواخذني على إهمالي أنا شعوري غريب .. وحرّتي ، حرّة نفسيّة الشاعر .. اللي ما لها والي تزين وتشين فـ الساعة مية مرّة ،' |
رد: الشعور اللي تجاهك غير حروف القوافي
،'
مايصنع التاريخ من هاب الأخطار ولا رقا في قمة المجد تايــه ولا يعلم الانسان عن بعض الاقدار يمكن بعد خط النهايه بدايه ،' |
رد: الشعور اللي تجاهك غير حروف القوافي
،'
احياناً الحاجه تجيك بطول بال و قوّ حيل واحياناً الحاجه تجي من غير لا تشقى بها واللي حسبت حسابها حلوه ولكن مستحيل انها تكون احلى من اللي ماحسبت حسابها ،' |
رد: الشعور اللي تجاهك غير حروف القوافي
',
الاوادم تجتهد غير الحظيظ مبدّا جاملينا يا الليالي المقبلات و هدّي المعادن تختلف و الحظ جاب و ودّا و نكبة الطيّب تجي من حظّه المتردّي الذهب ، لو يدفنونه في الثرى ما صدّا و الحديد الصلب لو طال الزمان يصدّي ،' |
رد: الشعور اللي تجاهك غير حروف القوافي
باب الوصل دامك تشوفه و تبغيه
تقدر تحث خطاك صوبي وتآتي |
رد: الشعور اللي تجاهك غير حروف القوافي
،'
تجي قدّامك علوم .. ووراك علوم يا طيب اللي يقدّر قيمة أسلحته ح ـبيبي كل شي .. إلا العتب واللوم لا تترك له مجال يشوف مصلحته ،' |
رد: الشعور اللي تجاهك غير حروف القوافي
،'
بعض المشاكل حلّها بالفراسه لاشان وجه الوقت وامتس حبله يضيع فيها فيلسوف الدراسه ويحلها لك شايبٍ يتبع ابله ،' |
رد: الشعور اللي تجاهك غير حروف القوافي
،'
لي آيام سارح .. ما يشد انتباهي شي يمر الكلام المختلف .. كنّه ، العادي تحاصرني الدنيا واموري مثل ما هي الازعاج يملى مجرياتي .. وأنا ، هادي أحس إني أملك كل حاجة مابين يدي وأحس اني الخسران من كثرة عنادي وآحس بشعورٍ مضطرب بين شمس و في مع اللي مغرّبني .. وأنا آعيش ، فـ بلادي ،' |
رد: الشعور اللي تجاهك غير حروف القوافي
اقبلي يا طب قلبي وارتياعي
اقبلي عقب المسافات الطويله واحضنيني ي جميله من ضياعي الضياع الي ما خلا لي وسيله مرحبابك من ذراعي لذراعي جابك الله علم وانتي حلم ليله يا ثمر قلبي وشوقي واندفاعي يا غناتي فالسنين المستحيله مدعين الحب والشوق الصناعي كل ابوهم فدوتن لك يا جميله " |
رد: الشعور اللي تجاهك غير حروف القوافي
الحزن . . ما يصلح على وجهك ابد
تبسّمي واخذي من احساسك يقين حتى لو ان الله . . خلقنا فـي كبد الله خلق وجهك " يسر الناظرين" |
رد: الشعور اللي تجاهك غير حروف القوافي
"المحبّة أنت وأنت الغير عادي
من عرفتك والمشاعر مستقره يبتسم يومي ويطرب بك فؤادي راحتي برضاك حلّت كل مره هاك قلب وهاك عين وهاك غادي دلّة لدربك.. وخذ خيره وشره وش أبي بوجيه خلق الله وأنادي؟ ووجهك الله خالقه طيب ومسره" |
رد: الشعور اللي تجاهك غير حروف القوافي
أن سولفت في ثغرها لمعة بروق
وان سرحت في عيونها صمت غابة وليا ضحكت نوراً من الفجر مسروق وليا بكت تحــزن عليهــا الكآبة âپ§ |
رد: الشعور اللي تجاهك غير حروف القوافي
ودريت إني أحبـّك كثر رمشة كل عين
وإن كل الأرض عندي.. كلها سورك وبابك ودريت إني عشانك كل مافيني يلين وقمت أقبِّل راس حظٍ أكرمني وجابك" |
رد: الشعور اللي تجاهك غير حروف القوافي
تعالي نملي الدنيا خطاوي وآخذك وأعطيك
على كثر الليال المُظلمه ماغيّبت شمسي نجوب الارض بين الناس ويديني تجوب يديك عطيني احرميني عاتبيني إرفقي إقسي خذيني عيّشيني في طقوسك واشغليني فيك أنا ملّيت لي فوق السنه مشغول في نفسي |
رد: الشعور اللي تجاهك غير حروف القوافي
كل هذا الجمال أمام قلبٍ وحيد؟
ليه يامذهل العالم محد يذهلك تدري إن الشروق بجيّتك من بعيد؟ وتدري ان اجمل الاشجار شجرة هلك؟ ما تشوف الغصون وفارعات الجريد تنثني لك تقول انها تبايع ملك؟ إن كتب ربي اطيح بعيونك شهيد وين ابهرب وليه اهرب وليه اسألك؟ |
رد: الشعور اللي تجاهك غير حروف القوافي
تكشخي بالعيد ياشيخة الغيد
زيدي حلا كل ما تمر الثواني كل عيد ونتي غير واحلى من العيد وكل عيد ونتي شوفتك عيد ثاني |
رد: الشعور اللي تجاهك غير حروف القوافي
â*€â*€
أدري ان هجرك مراره وان وصلك حالي وادري ان قلبي عليك من الحزن متقطع يا مخليني . . على باب الظنون لـ " حالي " ما اصعب من فراقنا الا وصلنا المتقطع . |
رد: الشعور اللي تجاهك غير حروف القوافي
،'
أحس إني أملك كل حاجة مابين يدي وأحس اني الخسران من كثرة عنادي وآحس بشعورٍ مضطرب بين شمس و في مع اللي مغرّبني .. و أنا آعيش فـ بلادي ،' |
رد: الشعور اللي تجاهك غير حروف القوافي
سـرحـان ومقابل طيوفك وماضيك"
ومسوّي لـ ذكرى ” غلاك “ إعــاده رسايلك صوتك سوالفْك طاريك" كانـوا علــى الخفّاق مصـدر ســعاده |
رد: الشعور اللي تجاهك غير حروف القوافي
،'
اعتقيني من طواريه يا شهب السنين دام حلتي عن وصاله وعن علاقته سقت رجلي عن دروبه وأنا كلّي حنين لو خيالي كل ليله يروووح ف ساقته ليت مالي قلبٍ يحسّ و شعورٍ فطين كان روحي حرّ الأشواق ما قد ذاقته ،' |
رد: الشعور اللي تجاهك غير حروف القوافي
ان كان قلبك يحس وعينك تشوف
قلوبنا لو خذاها البعد متلاقيه ! رغم البطا والمشاكل كلها والظروف ( محبتك في ضميري باقيه باقيّه ) |
رد: الشعور اللي تجاهك غير حروف القوافي
في خاطري أقسى على الجرح وأجيك
وأقول لك اشتقت واشتقت واشتقت وأرمي بروحي بين حضنك وأياديك وأقول لك مليت من قسوة الصمت |
رد: الشعور اللي تجاهك غير حروف القوافي
،'
فمان الله .. عَسى ما يردّك لقلبي وَلَه وشعُور ليا هَبّ الحنين وجيت لك طيف .. وتغافلتك تجاهلتك ، وأنا ضايق شعور وخاطري مكسور تخيّل .. قدّ ماني بحاجة وصالك .. تجاهلتك ،' |
رد: الشعور اللي تجاهك غير حروف القوافي
،'
لا تخليك السنين تصير عادي في عيون اللي يقاسمك امنياته ونادني .. لو لا حياة لمن تنادي اسمي بـصوتك حياه بحد ذاته ،' |
رد: الشعور اللي تجاهك غير حروف القوافي
قلت أحبــك لايطول سكوتك
مشاعري لمحبتــك ... مملوكه والليله اللي .. كل ابوها صوتــك انشهد انها ..... الليله المبروكه |
رد: الشعور اللي تجاهك غير حروف القوافي
انتي اجمل من تفاصيل العمر
وانتي اجمل من يهالدنيا عبر مال عيني في هوى غيرك نظر و مال عيني في هوى غيرك شعر اليا حضرتي غاب عنا القمر حتى القمر في حسنك اصلا منبهر انتي قصيدة عشتها صوت وصور ياا اجمل قصيدة عاشت بوسط الخبر. |
رد: الشعور اللي تجاهك غير حروف القوافي
أشتري قُربك ولافكرت أبيعه
لو توّرد قلبي دروب المهالك بكل شي العوض ولا القطيعه إلا أنت الله لايعوّض بدالك |
رد: الشعور اللي تجاهك غير حروف القوافي
،'
مثل مالك في عيوني طيوفٍ ماتبات لك ورى صدري مدينة تشع أنوارها روحي اللي كانت تشوف فيك الأمنيات كل ما هبّ الهوى الصلف ثار غبارها لو تطيح أركانها الواقفة .. وقفة ثبات ما تطيح - الصورة العالقة فـ جدارها ،' |
رد: الشعور اللي تجاهك غير حروف القوافي
،'
ياوجد حالي لا طرت بعض الامور وجد اليتيم اليا تذكّر حلم ابيه ياللي خذاك الطيش واعماك الغرور الح ـب مثل الدين لا ( إكراه فيه ) ،' |
رد: الشعور اللي تجاهك غير حروف القوافي
،'
حتى لو إن شمس الهوى ماغابت مح ـبتك .. لاعاد تنشد عنها أهديتك أيامي شباب .. وشابت وأستسمحك .. بـ اللي بقالي منها ،' |
رد: الشعور اللي تجاهك غير حروف القوافي
والله إني في محبّتك إكتفيت
و السعاده في وصالك تستمر أنت ما تدري بـ شعوري لا حكيت ؟ كلمةٍ منّك . . تكفيني عمر :) |
رد: الشعور اللي تجاهك غير حروف القوافي
أحضن رضاك وأستعذب معاذيرك
كل موعد لعينك ما تأخرته مالي مْن الدروب إلا مشاويرك أنت مكتوب و أقداري مسخرته من عرفتك و قلبي زاهد بـغيرك مثل من يزهد بـدنياه لآخرته . |
| All times are GMT +3. الوقت الآن حسب توقيت السعودية: 11:41 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه