مايموت الحـب لـو تعلـن ذبولـه
ولاتحيل أشواق روحي عن مسـاره



منت فاهم ويش معنى اللـي تقولـه
ولنت عارف قيمة الحـب ووقـاره



ومنت قادر تلعـب أدوار البطولـه
وأنت دورك لايق بـدور الخسـاره



كانت الآمـال فـي يـدْك إمقتولـه
والغـلا ماوافـق المـوت بخيـاره



رحت أبني بك ظهر وأرخي حموله
ورحت ترمي الحب وتْهّدم عمـاره



شِق صمت الليل ,وبصرخه مهولـه
وإسرق الأحلام كـل تـاره وتـاره


منت في حاجة وصايـاي الخجولـه
دام بيتك ضيـم واطماعـك ديـاره



خنت عهد الحب وأزرت بك حلوله
وإحتفظت بباقـي أشواقـي طهـاره



ياحسافه هذاْ.. بـس اللـي أقولـه
والحسـايـف ماتدليـنـي مـنـاره



كنت أول من عـذق قلبـي يطولـه
وكنت آخر من رحـل عنـي وزاره



خذْت لك في داخله صوله وجولـه
وكل شي(ن) كان لك رهن الإشـاره



عادك اللي تقـدر تعـود وتطولـه؟
لاوربـي ماعـدل عنّـك قــراره



عشت وياك الهوى بأربـع فصولـه
والذرى ماصـد ..غربيـه وغبـاره



الهوى في داخلـي نـادر حصولـه
كيف توقف بين عمري واحتضاره!!!



شرهتي والله على القلـب وميولـه
وانت اصلاً ماعلى مثلـك خسـاره




برتحل والقلب لـو يعلـن عدولـه
مـادرت يمنـاه عـن مـدة يسـاره

/

معربة الجدين

أسري بِ ليلي وطيفك نوري الوضاح
وان ما مدى الليل شوقي فيك سرحته
حتى عذولي بحبـك لو يجـي : نصاح
أعاتبـه فيـك وان صالحك صالحتـه