|
|
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
خل العذر يا موجع الليـل بالنـاي = ليلك عجـل والسالفـه سرمديـه اطول من الضيقات وابعد من بكـاي = وأشد من صد الخوي عـن خويـه ياما ذكرت الوقت والوقت نسـاي = وياما قتلت الـروح والـروح حيـه وأنا بطبعـي لا تثاقلـت شكـواي = على صدر غيـري بقـت داخليـه تكبر وتكبر مثلها ضحكـة شفـاي = ويـردد اللـي مـادرى ياهنـيـه وأنت إن شقيت بغلطتك هاتها جاي = اغلط بكيفك واتـرك العـذر ليـه أنا اللي آسف واعتذر عن سوايـاي = آسف على غلطتك وآسـف عليّـه الذنب ذنبـي والخطايـا خطايـاي = ولا انت ماجا منك ذنـب وخطيـه ذنبي وعذري بالهوى طيـب مبـداي = ضحيت لأجلك لين صرت الضحيـه تدري وش ابغى تقول لي قبل فرقاي؟ = تدري وش ابغى تقول عن طيب نيّه؟ ودي تقول.. أو عاد تدري وش الراي = تسكت مدام السالفـه سرمديـه !! |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
راحت ولا خلت من أيامها شيء
إلا بقايا من الصور عذبتني لاشفتها تذرف عيوني من الدمع وأقول : هذا اللي كسر عظم متني |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
اللي يشوف أحوال غيره من الناس
يرضى بمكتوبه وما قدّر الله مادمت في صحه وفي خير لاباس محدٍ بها الدنيا مخلّد محله |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
شكراً :29: .. - توديع الأحباب مثل الموت له سكره =أدمى جروحي وشق الصـدر منيـا والقلب طير ضلوع الآدمي وكـره =لا شاقه الطلـع لا سلّـم ولا حيّـا مصير الأحزان تنسانـي وتفتكـره =ما كل الأيام بيض وسمحـة محيـا قل غيرها ما أنت لا مجبر ولا مكره=لا صار ماهي غلا ما أبي لك حميا لوفي يدي شي ما قلت الوعد بكره =حزمت لك حدب الضلوع وقلت لك : هيا لو كل غالي يجي دايم على ذكـره =ما صرت أشوفك هناااك وحبك هنيا ! يا ليتني لابغيت اكره قدرت اكـره=ما كان قلبي ليا جيت أكرهك عيـا ! ما دامك معيف رح لكن على فكـره = ما قلت لي ليه دمعك سال منيا ؟! |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
.
. وحتى يوم .. ناظرني بطرفه = أحسّ الأرض .. صارت لي .. لحالي ! وقال الليل : هذا النور طفـّـه = ترى خِلـّـك فضح كلّ الليالي ! حبيبي قوّته في الحب ضَعفه = سَلَبنِي قوّتي وآقول : غالي ! رقيق الشوق في لطفه وعطفه = على عشقه يسابقني .. خَيَالي !! . |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
بين الضما والياس والجدي وسهيل ..................... وحزن يزلزلني ولاهوب زايل اجيك عندي لك كلام ومراسيل ..................... وارجع اقول اليوم منيب قايل ماودي اجرح راحتك بالتعاليل ..................... ولاودي اشغلك بعتاب الرسايل لكني احبك ومشتاق لك حيييل ..................... واشفق على شوفك لو الموت حايل |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
مآ بين شوقي والعتب حُب مخنوق وبين العتب والحُب فيني كرآمہ ~ وعند الكرآمہ أرخص بكل مخلوق مألتفت لرضآهہ ولا لغرآمہ ؛” |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
الـحَـيـا يِـجـبر خوآطرنـاعلــى كَـتم الگــلآم والـحَـيـا يـجـعل مشاعرنـا تصون و مـاتِـخـــون والسّمـالآ ماتضيق أن گــان يغـشــاھـا غَـمــام والصَدريبقى رحب لويمتلي ضيق وشجون همسه ... اشكر من قيمني :16: |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
مافيه واحد من لسان آلبشر سالم وإللي يبي يدور الزله .. يحصلها بدال ماتاخذ إثم وتعذرب العالم طالع عذاريبك الواجد .. وعدلها |
رد: الــشعــور الــيً تجــآهـكـَ حيــرً حــروف القــوافي.."مسـآحتكمً الشعرية"
تخطي عليّ وأستسمحك وآترجاك ** ضعفي هواك وفطنتك ما تخونك !
المشكلة إنّي .. كلّ ماجيت بنساك ** فكّرت نفسي كيف ترتاح دونك ؟!! وماظنّ لاهذا ولا ذا ولا ذاك ** واللّي سمعت بذكره .. يعوّضونك ! تدري إنّي أعشق فيك .. شامل سجاياك ** زِينَك وشِينك في قساك وليونك ! وإنّي متيـّـم في محاسن محاياك ** وتعرف عليّ .. إشلون سلطة عيونك !! تامر عليّ .. من موقها الموت هذاك ** وأطاوع أمرَه قبل ترمش جفونك !! |
| All times are GMT +3. الوقت الآن حسب توقيت السعودية: 10:36 AM. |
|
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه