ياحبـي اللـي بيـن بيـض الغنـاديـر .. لك في عروش القلـب قـدر وقيمـه
ان كـان صـدك ماخـذك عنـي لغيـر .. روّح ولـو ان الخسايـر وخيـمـه
وان كانهـا عنـي خـذتـك المقـاديـر .. فالعفـو عنـد المقـدره فيـه شيمـه
يامرحبـا والـحـب كـلـه معـاذيـر .. تشفـع لـك ايـام الغـرام القديمـه
يـوم الهـوى لازارنـي منـك أعصيـر .. أضم في صدري من اجلـك نسيمـه
واليوم اصبـر خاطـر الوجـد تصبيـر .. واقول صدك عقب وصلـك جريمـه
ولاجـاك منـي ياهـوى البـال تقصيـر .. مواقـفـي ويــاك والله عظيـمـه
صخرت لك مشاعـر الشـوق تصخيـر .. وامطرتـك بحبـن تقـفـاه ديـمـه
وظللتـك بجفنـي وصـارت مسافـيـر .. يـوم الغـلا بيـن النديـم ونديـمـه
واليـوم ماتنـفـع كثـيـر المحـاذيـر .. تفاغمـت بيـن النفـوس الحشيمـه
عسى سنينـك روض عشـب ونواويـر .. محـد لنفسـه يرتضـي بالهزيـمـه
امـا تخاوينـي علـى الشـر والخـيـر .. والا السلامـه منـك راس الغنيمـه

المشاركة الأصلية كتبت بواسطة شبيــه آلــريح ، (المشاركة 9184951) شاعر معصب جدا:8::8: لاصار خلـّـك مستحقّ المسبـّـة ** سِبـّـه ترى العشـّـاق غيرك .. يسِبـّـون ! لا ابوه لا ابو الحبّ من قلب سَبـّـه ** لا ابو الغرام اللّي يحدّك على الهون ! يالعن أبو قلبٍ غشيـمٍ يحبـّـه ** ملعون ! والقلب اللّي يغليه .. ملعون ! أقول من هبـّـاك .. ياخبل هبـّـه ** الدون .. مايسلك معاهم .. سوى الدون !! عِزّ الجفا .. وَلاَ .. هوان المحبـّـة ** ماخوذ .. من يصبر على الذلّ .. مغبون ! إظهر قواة الباس .. والضعف خبـّـه ** ترى الضعيف ضعيف .. لا طعم لا لون ! الراس محدٍ يقطعه .. غير ربـّـه ** أقول عِزّ النفس .. ما أقول لك هون !! خلـّـه يولـّـي .. لايذلـّـك بحبـّـه ** إبعد .. وتلقاهم على البعد يَدنون ! ولاّ أنت لو ترقد .. وبالعين شبـّـة ** أبرك من اللّي .. يجرحونك ويَسلون ! ياجاهل إفهم .. خذ من العلم لُبـّـه ** إصبر وتنسى .. والعذارى يِنسـّـون !! الرجل عقله .. دايما قبل قلبه ** ماهو عَمَى بالقلب .. ومفتـّـح عيون !!!! لا قدّموا حبـّـة .. تقدّمت حبـّـة ** وإن وخـّـرَوا وخـَّـرْت .. والعزّ مضمون !! ترى غلا هالوقت .. هبـّـة وهبـّـة ** إغنم هبوب الريح .. لا تقلب سكون ! لا ساعدك حظـّـك .. تغانم مهبـّـه ** لاترتهي .. إيجيك يوم .. ويصدّون ! قبْل يذبـّـك .. ناب الأرداف .. ذبـّــه ** ترى حلاة الرجل .. طاعن ومطعون !! كم عاشقٍ خلـّـوه .. من غير سِبـّـة ** يَصفق بكفٍ كفْ .. مايدري إشلون ! ماله جِدى ياكود .. دمعٍ يكبـّـه ** عليه سيف الهجر و الصدّ .. مسنون ! هذا ... من أوّل يوم .. لو دلّ دربـه ** مادشّ في دنيا المجانين .. مجنون ! لكن تِبَع قلبه .. وقلبه لَعَب به ** واليوم يبغى عون .. ماحصـّـل العون !! رَوِّض فؤادك .. يا إبن الأجواد .. ربـّـه ** البيض مايصلح لهن كود .. فرعون !! ولاّ ضعيف النفـس .. دايم مسبـّـة ** ودّك مساكين البشر .. مايحبـّـون !!