ملتقى طلاب وطالبات جامعة الملك فيصل,جامعة الدمام - شعر باحلامنا حتى آخر المريخ نقدر نوصله

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : باحلامنا حتى آخر المريخ نقدر نوصله (https://vb.ckfu.org/showthread.php?t=786235)

باحلامنا حتى آخر المريخ نقدر نوصله

[align=center][table1="width:95%;background-image:url('http://store6.up-00.com/2017-02/148643258922521.jpg');"][cell="filter:;"][align=center]

http://g.udn.com.tw/upfiles/B_JJ/jjc...11938452_1.gif

تدرين يا حلوه متى العاشق يحس بمهزله؟
لا جاه شيٍ مثل شيٍ قام يحداني حدي

ما اقسى من دموع اليتيم إلا ذكر ضحكة هله
ولا يهدّ من الفراق إلا الفراق السرمدي

يا الورده اللي في شرايين الحشا متغلغله
يا روحي اللي لو تبرّت مني اختل جسدي

كوّنت لك عالم غرام ما دخله البلبله
إلا هديرٍ ينتهي بين الضلوع و يبتدي

حتى اقرب اصحابي من اللّوعه سهيت وقلتله
يا الاجودي كفّ العذل ما في العواذيل اجودي

انا اللي اسـتاهل عناقـيد العنب يـ مـدللّه
ليتك دريتي كيف عيني تذكرك في مرقدي

ياادنا من الغيم إن تغطرس واطول من السنبله
يا اقرب كثير من الحكي وابعد شوي من الجدي

إن جيت رحتي مقفيه وإن رحت جيتي مقبله ‍‍!
كم مت واليا قلتي ا♥ـبك " تـجـدّد مولـدي "

دنيـآاي انا لو تجتمع لذّاتها في مكـحـله
والله مشهر لاي عينين غير عينك مرودي

يا ذابحتني كل شي إلا الجفا مااتحمله
يا كبر كذبة عزتي لو قلت ابا ابعد وابعدي

قلبي لو اغديتيه في الصحرا بليا بوصله
ما تاخذين إلا وهو لأقصى ضلوعك مهتدي

وإن خاب ظني وآخر المشوار جا مثل اوله
بغمض عيوني وابحـلم واقـهر الحـظّ الرّدي

بـ احلامنا حتى آخـر المريـخ نقـدر نوصله
الله لو نطلع بساط الريح وايديك في يدي

تخيلي روضٍ من اقصاه اجمل الورد احمله
واهديه ليدين وظفاير شيخة الورد الندي

تخـيـلي نهرٍ بلا احـجارٍ اتمثـنى جـدوله
نبقى على جاله جلوس شوي وشوي نعدي

تخـيـلي بيتٍ دفـااه من المـواجـع والوله
ضحك وسواليف وسهر ومزوح وبساطٍ احمدي

تخـيـلي عشقٍ عجـزت استوعبه واتخـيـلّه !
كانه على هالحال ؟ ما عزالله ابشر بسعدي

يا سيدة عشقي و انا راعيه راعي الأوله
ما هي كثيره لو تقولين انت والله سيدي

ترى الله اللي حـط لك ذاك الغـلا والمنزله
والا الهوى لا ورث ابوي ولا ذخرته لولدي

♥ـبيبتي ما يقهر الرجال في مستقبله
الا الهوى اللي مرةٍ يقبل ومرآت يغـدي

حـتى الوفا لا زااد عند حـده يعـوّد مهـزله
يا ليتني خنتك ولا اللي قام يحداني حدي

http://g.udn.com.tw/upfiles/B_JJ/jjc...11938452_1.gif

[/align][/cell][/table1][/align]