|
الملتقى..... والشعر .... والشوق
مساء الخير
مصافحه اتمنى ان تحوز على رضائكم
هلا يالملتقى وانته وانا والليل صرنا اخوان........نقضيها سهر حتى الفجر والنور مابانــي
هلا يالملتقى وانته رفيق الدرب مهما كان.......ولك عندي من العشق الكبير بوسط وجداني
لواني صرت لك مثل السجين وصرتلي سجان........هلا يامرحبا بالسجن واللي صار سجانــي
لأنك اول ايام الخيال وهمسة التحنان.......ولأنك اجمل ايام السنين وعمري الثانــــي
ولأنك من شذى عطر الورود وروعة البستان.....ولأنك صدفةٍ تروي ضما من كان ضمياني
سألتك كان تذكرني وتذكرلي زمانٍ كان......وتذكر من مشى حبه بدمي وسط شريانـــــي
دخل بالقلب واومالي بكفه واغلق البيبان.....ونسف كل الحطام اللي بوسط القلب واحياني
ولكن للأسف لحضه ومرت والزمن خوان......طعني لحضة غيابي بطعنه فوق حرمانــي
وانا هالحين بك تايه بعد فات الأوان وحان......زمان الصمت في الليل الطويل اللي تحداني
احس بخطوتي تثقل وبحروفي عمى الوان.......واحس بلهفتي له يابعد كلي وخلانـــــــــــي
فديته كثرماله من جمال ورمشه الفتان......سقط بالقلب من لمحة عيونه في واعيانــــــي
طلبتك كان جابتك الخطا للملتقى ولهان.......وقريت حروف من يكتب قصيده فيك ولهاني
وطلبتك كان ضايقك الكلام وشفتني غلطان.......قبل لاتنسكب دمعه حزينه فوق الأوجانـي
تراني مانويت ابعد ولكن الزمن خوان......طعني لحضة غيابي بطعنه فوق حرمانــي
تحياتي
|