|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
#1
|
||||
|
||||
شهر العسل
التذاكر .. و الحقائب ..و الأماني
و الخفوق الليّ في صدري .. تملكينه كلّهم وقفوا ..يعدّووون الثواني في قرار العمْر ما أظن ..تجهلينه خايف أكتب بيت واحد في .. ثواني و أشغل العالم و أحرّك لي ..مدينة مدري جيتي .. للسفر ..قلبك دعاني ولاّ كان القصْد قلبي .. توادعينه هاتي ايدك .. حسّي .. بنبض المحاني ايدك اتهدّي الصدِر ..من تلمسينه هاتي ايدك .. قبْل ما العالم .. تراني خلِّنا انهاجر لروما .. او اثينا خلنا انسافر ما دام العمْر .. فاني لأنّ صار الحب ذنب ٍ في المدينة ! بالمطار تبغين و لاّ ..بالمواني أفضل انّا نمتطي .. ظهْر السفينة العمر يبدا هنا له .. جوّ ثاني و السفر ويّاك نسّاني .. الغبينة لو أعيش ألفين مرّه .. ما كفاني شاعرك عايش معاك أجمل سنينه بالشعِر جيتك أذوّبك بلساني وأسرق البسمات من وجْه الحزينه اضحكي خليّ ابتساماتك .. أغاني في وجودي معْك سوّي اللي تبينه الاسبريسو معْك من عقلي ..خذاني لو بغيتي تسحرينه ..تسحرينه نشرة الأخبار تسأل عن مكاني قالوا شاعر خاطف ٍ ..بنت ٍ رهينة الصحف تكذب كثِر ما هي تعاني ليتُهم كتبوا جِمَع شمْل الثنينه ! اتكسّب من خبر .. ما به معاني من كلام الناس يا عمري شعلينا ! إخذي رجْل ٌ من الزمان الأولّاني لي عِشَق ما يقهر… ايكابد حنينه ويش ذبني و الزمن ما هو زماني ؟ ما يجوز البعْد بين قلبي و ضنينه ليت حظيّ مثل شعري ما عصاني و ليت قلبي كثر شعري تعشقينه ! ويش اسوّي يوم ربّي ابتلاني في محبّة ريم تمنحني السكينة تسأليني ليش أسرح .. في مكاني كلّ ما طاح المطر من غيمتينه المطر له ذكرى و احساس و اغاني و السوالف عطْر ما بيني و بينه و الرذاذ الليّ تساقط .. كالأماني فوق خدّه كيف يلمس .. رمْش عينه غاضت عيوني و لا ادري وش بلاني كيف اغار منِ المطر في رمشتينه ! و يوم شفت المزن يتساقط عشاني انتهزت الفرصة لجل ألمس يدينه لا تلومي غيرتي عاشق أناني كالطفل يولع بضمّة ..والدينه يا غريمتي حطّي نفسك .. في مكاني عاشق ٍ يجلس مع أجمل.. ثمينة ! ايتقوّس خصْرها ..الخيزراني من دلعها قالت انا خصري.. وينه؟ لا مشى ما كنّ في الدنيا غواني في بساتين الحسِن محلات تينه ! قالت إختار اّما زيني… او حناني وش تفضّل ؟ قلت اختار.. الثنينه ! الوجه بدْر ٍ كحور ٍ .. في الجناني و الصدر غصْن ٍ ثِمَر رمّانتينه خدّها أنعم ... من حريير الغواني خوخَها المصبوب ساح ف وجنتينه ريقها جرعة شهَد ..بالزعفراني في رئة شاعر لسانج اكسجينه العمر أروَع هنا له .. طعْم ثاني والسفر ويّاج نسّاني .. الغبينة شاعر ٍ ضحّى بإخلاص و تفاني يا بعد روحه و شعره و معجبينه ليه اهاجر معْك و أرحل بالمواني ؟ ليه اهاجر معك لروما ..و أثينا ليه اهاجر معْك و أرحل بالمواني ؟ لأنّ صار الحب عيب ٍ في المدينة ! في بلادي الحب يمضي.. كالأماني و الحبيب آخرتها …ما اتزوّجينه !! |
2017- 10- 16 | #2 |
أكـاديـمـي مـشـارك
|
رد: شهر العسل
الله الله Cold قصيدة في منتهى الجمآل ترسم للعشق مسآرآ آخر ..! |
2017- 10- 17 | #3 |
مُتميز في قسم الخيمة الرمضانية
|
رد: شهر العسل
المطر له ذكرى و احساس و اغاني
و السوالف عطْر ما بيني و بينه تصوير رائع و جميل .. الله يعطيك العافية cold .. |
2017- 10- 17 | #4 |
المراقبة العامة
|
رد: شهر العسل
مدري جيتي .. للسفر ..قلبك دعاني
ولاّ كان القصْد قلبي .. توادعينه هاتي ايدك .. حسّي .. بنبض المحاني ايدك اتهدّي الصدِر ..من تلمسينه جميلة سلمت يداكِ cold لكِ عزيزتي و مانسيت أش قلتِ |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
[ مذاكرة جماعية ] : { تجمع مذاكرة مادة التذوق الادبي } | المتلالئه | المستوى الثاني - كلية الأداب | 225 | 2016- 5- 5 09:08 PM |
[ كويز ] : حل واجب { التذوق الادبي } .. | المتلالئه | المستوى الثاني - كلية الأداب | 2 | 2016- 5- 5 02:01 AM |
[ مذاكرة جماعية ] : اسئلة وملخصات مادة التذوق الادبي | فتى الطائف | المستوى الثاني - كلية الأداب | 1 | 2016- 3- 30 11:11 AM |
[ الواجبات ] : الواجب الثالث للنقد الادبي | noor alsharq | E7 | 2 | 2016- 3- 28 07:34 PM |