[ شعر ] : .. ~~ أحبه وأعرف أن سلطة الحب جباره ~~ ..

[الــغـــدراء]

[align=center][table1="width:100%;background-color:silver;border:5px groove black;"][cell="filter:;"][align=center]

،،

سلامي وأنا من بين شوية وجراره ... على واحد(ن) مافيه بعده ولاقبله
ذكرته وأنا أبادل أيديني على الطاره ... بدار(ن) خلا والخاطر أضيق من الدبله
هاذي دار أبوه ودار جده وذي داره ... سقى الله ليالي عنتر العبسي وعبله
وجودي لو أني بين يمناه ويساره ... وجود بدوي (ن)حالوا القوم دون أبله
عليه العيون من أول الصيف مدراره ... سحاب ترايع مقدمه وأنتثر وبله
سهج كل روض وقام يزعج على جاره ... الين التوى غصن الخزامى على الربله
ضلوعي على ساعة مجيه ومسياره ... تغني له العرضه وتضرب له الطبله
وهو من سحاه يعود من نصف مشواره ... وأهل بيته تراقب مجيه وترقب له
يخافون تلتقطه من الجب سيــــــــاره ... على ماعطاه الله من الملح والقبله
وأنا ماني بواحد وقبل أسمه عبـاره ... يسكر منافذ نادي الخيل وأصطبله
أنا شاعر ماختار حظه ولا أختاره ... سوات البشر يكتب لغيره ويكتب له
أحبه وأعرف أن سلطة الحب جباره ... تجيه العرب صاحين وتروح منهبله
أبرجيه حتى يبلع الوادي أشجاره ... وتزيل الجبال وتشرق الشمس من قبله
على الوجه الأبيض والنقا لعنبوا الباره ... الاواهني من لف حبله على حبله
تصد النفوس اللي من الشين نفاره ... مثل صدة الطيب عن الكلمه الخبله

مدغم أبو شيبة

.

[/align][/cell][/table1][/align]

[2COOL]

تصد النفوس اللي من الشين نفاره

مثل صدة الطيب عن الكلمه الخبله

سـلمت يمينك أخوي الغـدراء

ولاهنت على هـ الإختيار

لك مع تقديري

[✶ جُمان ✶]

مدغم أبوشيبه
شاعر سبيع ..
أبدع بقصيدته وميزها بلهجته ..
ولعل هذا النهج ديمومة لكثير من الشعراء في وقتنا الحاضر
عل هذا مرجعه تأثير البيئة المحيطة والقبيلة ..
....صح لسان مدغم ..
ولاهنت أخوي أبوفهد على هذا الأختيار المميز ...

[امااااااني]

اختيار موفق سلمت يمينك

[Dr ʀeнαв]

_


رآئعة جداً مشرفنَا
انتقاء ممتاز وذائقة رآئعة
سلمت اناملك على النقل

[أسير نجد]

ابيات جميلة ورائعة جدا

الله يعطيك العافيه يامشرفنا الغالي

[عطرالحروف]

سلامي ... على واحد(ن) مافيه بعده ولاقبله


سلمت يمينك اخوي الغدرا على هيك طرح

[Dark Chocolate]

*,

ضلوعي على ساعة مجيه ومسياره ... تغني له العرضه وتضرب له الطبله
وهو من سحاه يعود من نصف مشواره ... وأهل بيته تراقب مجيه وترقب له

ابدعت في الاختيار كعادتك مشرفنا ..
لا هنت




*,

[مشعلي]

ضلوعي على ساعة مجيه ومسياره ... تغني له العرضه وتضرب له الطبله

ابو فهد يسلم ذوقك وصح لسان سمي الزعفران

قصيده جزله ومفرده جميله ومتفرده..

انتقاء ذوق راقي لا يجارى استاذي..

امتعتنا متعك الله بالعافيه ولا هنت..
تقديري