امــــــ الحبيبه ــــــــي

[عبـدالحميـد]

السلام عليكم ورحمه الله وبركاته

هذي قصيده عن واحد متهور كان يسوق سيارته ومعه امه وقدر الله وصابهم حادث وتوفت الام على طول في الحادث
وكتب هذي القصيده الاليمه المحزنه:( :


يواسوني وانا الميت وحالي يجبر الدمعات



تسيل من الذي فيني ويبكي وهو يواسيني



وانا ابكي واتنهد وارسم بالحزن لوحات



يجبروني عشان امشي ورجلي ما تمشيني



قتلت رعايتي بيدي قتلت الحب والرحمات



حرمت النفس من حقها وانا ابكيها وتبكيني




وكنه حلم قدامي يقيدني من الصرخات



ابي اصحى ولكن مالقيت اللي يصحيني



فداك القلب يايمه ومهما قلت من كلمات



صغيره في كبر حقك بس اتمنى تعذريني



نهبت الفرحه من بيتي صحيح اني خسيس الذات



صحيح اني ولد طايش وكل ما أسمعه فيني



تجول عيونهم فيني تفصل مني قياسات



وتشيح وجوههم عني وكني غيرت ديني



يظنوا حزنهم اكبر وهم اصحاب هالمأساة



وانا اتحدى اذا فيهم ربع ما يحترق فيني



نقص قدري بعد موتك وغابت نشوة اللذات



وصار الهم عكازي اباكيه ويباكيني



عطيتيني بدون حساب ولا سمعتك تقولي هات



وانا اشرب حيل من دمك ودمك ما يكفيني



يايمه ارجعي كافي ابجلس معك لو لحظات



واقبل ايدك ورجلك وافرش لك رمش عيني



يايمه ما تحملهم يقولوا فات ما قد مات



تعالي غيري هالقول واطيعك باقي سنيني



واترك عادة التدخين وانفذ ما تبي بسكات



واصلي الفجر في المسجد قبل منتي تصحيني



يايمه ارجعي تكفين وطفي شمعة الآهات



ابيك انتي ولا غيرك على موتك تعزيني



وضميني وداويني مثل ما كانت الهقوات



ما ابي احدن يواسيني ابيك انتي تواسيني



دخيلك بس لا تبكي اذا شفتي بي الدمعات



انا مقوى ابكيك اذا انتي تبكيني


من ايميلي

تحياتي..

[ولاية]

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

قصيدة مؤلمة

شاكرة لك اخوي هذه النقلة الرائعة

ونترقب منك المزيد

اختك
ولاية

[المزيونه]

قصيده مؤؤؤثره جدا ..
مشكور اخوي عبد الحميد ..
يعطيك العافيه

تحياتي ..
المزيونه ,,

[زهرة الربيع]

ابيك انتي ولا غيرك على موتك تعزيني

قصيدة حزينة ومميزة ...
تسلم اخوي حميد على النقل
تحياتي

[عبـدالحميـد]

مشكورين خواتي على مروركم

تحياتي

[حور عين]

يجبروني عشان امشي ورجلي ما تمشيني
امي الحبيبه

مشكور حميد
على القصيده الرائعه والتي تبكي لها
العيون


ولا حرمنا من مواضيعك


سلام

[سحر]

الغالي :: عبدالحميد

نسجت معنا حروف قلبك السامى ..

ولحروفه رونقا خاص..

احساس اكثر من فياض ..

سلمتى لنا وسلم قلمك..

تتوجى قلبك وسحرك على من قرأ اسمك ..

تحايا ارق من الندى واعذب من الجورى لقلبك الغالى ..

سحوره..

[المكـــــــ اللؤلؤــــنون]

فداك القلب يايمه ومهما قلت من كلمات



صغيره في كبر حقك بس اتمنى تعذريني

يعطيك العاااااااااافيه ع الاختيار الرائع وعساك ع القوه

[ملكة الاحساس]

مشكور اخوي

عبد الحميد

على هذه القصيدة المؤثرة


اختك
ملكة الاحساس

[نجم الرياضيات]

عبدالحميد
الجنه تحت اقدام الامهات وشاء القدر هكذا يكون
قصيدة لها من التأثير ما يقشعر لها البدن وتتأثر بها الروح
أشكر لك هذا العطاء