[ شعر ] : طرائف الشعر

[التعب منسي]

هذا عسكري أيام الأزمه على الجبهه .. :)

يقول :-


ولا ياهل الطايف متى تفتحون شهار = تجيكم كتيبتنا على راس قايدها

[دمعه الشوق]

هذا بيت يحكي معناة طلاب الجامعة

ياجامعه الدمام زدتي علي الغرابيل ..... متى اتخرج وافرح بيوم فرقاااااااك

[غيمْـة♥•]

اقدع عسى يقدع على راسك الذيب فــي خـايــعٍ مـابــه مـــن الـنــاس دوعـــي

مــتـــعـــطـــلٍ بـــالــــبــــر قـــبــــلــــي تــنـــاقـــيـــب مـــــن لــيــلــة الـجـمــعــه لـــيـــوم الــربــوعــي

ومــروك نــاسٍ غـايـب عنـهـم الطـيـب وخـلــوك وحـــدك فـــي مـكــانٍ يــروعــي
ثــــم جــــاك ذيــــبٍ مـاسـنـونــه بـتـركـيــب ذيــــبٍ ولـــــد ذيـــــبٍ وشـــــرس قـطــوعــي
ســوّى بــك ســواةٍ عـلـى غـيــر تـرتـيـب يـجــزع لــهــا قــلــب الـشـجــاع الـبـتـوعـي
مـرحــوم يـاعــودٍ كــســا راســــه الـشـيــب هــنــديــتــه تــــــــذرف عـــلـــيـــه الـــدمـــوعـــي

فكره جميله يآ أبو آلأفكـآأآر

[التعب منسي]

دمعه & غيمه

لاهنتوا ع المشاركه وننتظر المزيد منكم



البنك لولا لوحته ماعرفناه
من قل ماندخل على موظف البنك

ماغير نقراء لوحته ونتعداه
وان قيل هذا البنك قلت اتركه عنك

[التعب منسي]

ذبحني الشاهي ..وأنا قبل مذبوح
شاهي وقهوه ثم قهوه وشاهي

من يوم عني غبت يا طيب الروح
وأنا زبون اهل الشيَش والمقاهي

[التعب منسي]

غزل انجليزي

"آي سو " برقٍ على الطايف
"ميبي"على دارهم "ميبي"
وجدي على شوفة " الوايف"
"سمول"ماجابت البيبي

[التعب منسي]

حبيبتي مااااااعمرها شاااااافت الروج
ويوم اشتريته تحسبنّه حلاوه
رمز التخلف حبها ضحك وهروج
أشوف فيها ظلم عيش البداااااوه

[التعب منسي]

كانت زوجة الشاعر صلاح بن عاتق الاحمدي تعشق تربية الدجاج البلدي وكان لديها فريق من الدجاج يقوده ديك ينفرد بالسياده وحصل ان واجه هجوماً من القطط فلقي حتفه بعد معاناه مع الاصابه .. فحزنت زوجة الشاعر الاحمدي كثيراً..


وانشد يمازحها:




لاتكرهين اللي حصل يا ام فوزان=الراس سالم والفقيده دجاجه

لاهو ولد شيخٍ ولا ولد شيهان=ولاهو طريح الخيل وقت المواجه

ولاتجزعين..الحزن مايقضي الشان=والديك مات وفكّنا من لجاجه

[التعب منسي]

هذه قصيدة مداعبه مرأة كبيره في السن

لزوجها الكبير مداعبه طريفه.




العام تبغي لك من البيض ثنتين
أيضا وتبغي لك عليهن زياده
ومثلك إلى منه وصل عام سبعين
يروح مخه مثل مخ الجراده
لايقضي الحاجه ولا يوفي الدين
حتيش لو عطرت فرش الوساده
والله مالوم العود مار الكبر شين
العود جاته خلته من زناده
العود لا شيب لزمنا بحقين
رد الجميل وتحمد لله عباده
لابد يوم به فراق المحبين
أما خضر عوده دنا له حصاده

[التعب منسي]

هذا واحد دب يوصف طريقة اكل الرز ههههههههه


ياماحلا الرّز البخاري على الجوع=لاصار مع بيبسي على حزّة النوم
وإن كان مع شطّه , ترا الهرج ممنوع=اضرب بيمنى ,, ماتبي عرف وعلوم
خلك ذهينٍ واتبع الرز متبوع=من كل جرجير على الجوع مهضوم
واليا انتصف بطنك عطه نصّ قرطوع=خلّه يهضّم .. ماخلق بطن معصوم
ثم واصل الرحلة ترى الرز دلّــوع=لا ترحمه ياكود من كرشتك يوم
وان كان به تفاح مع موز موضوع=والبرتكان اشكال والوان ووسوم
شمّر ذراعك واضربه ضرب مسموع=لا تلتفت لو جاك من عاذلك لوم
وترى الجلي له ذوق من نوع عن نوع=لا تاكل الا راقي الذوق معلوم
واليا شبعت وصرت ماتشكي الجوع=برّأد شاهي عقبه الراس محكوم
وأسحب وساده وأترك الجسم مجضوع=ثم نم ترى عقب العشا يضبط النوم