[ شعر ] : يَ شيخِيْ إبششِر لو تدِور آلدِوآليبَ .. بنتكِ إلآ منِه عِوى آلذيبَ [ ذيبهـ ]!

[قلبي مجنوونك]

يابـوي جعلـك للبقـا والمكاسيـب
عمري بدونك يالذرا ويش أبـي بـه





يابوي تسأل عـن شفـاك المراقيـب
طلعـة سواتـك للنّوايـف غريـبـه




ليه المرض مايعرف الزّين والعيـب ؟
مايـدري انـك للمخاليـق هيبـه !!




أبسألك وش به غزا وجهـك الشيـب
والقلـب لايـع والنواظـر شحيـبـه




وش بك تحاتي لانوى الموت تغريـب
تخشـى علينـا بالليّالـي الكئيـبـه




خذ دلّتك واركى على مسنـد الجيـب
وعطني شماغك بلثمه وأحتمـي بـه




ونروّح لأرض ٍ بها العشب والطيـب
وتسمع كـلام ٍ يالغـلا تحتفـي بـه




يابـوي بنتـك لاانحكـى بالتّجاريـب
كل ٍ يشـق لهيبـه الصّيـت جيبـه




يابوي ماني من سـوات المخاريـب
اللّـي تجيـب لعليَـة القـوم خيبـه




وماني من اللّي لامشت حفّها الرّيـب
أنـا مـن اللّـي مايدنّـس حليـبـه




مرفوع شاني عـن غـرام المكاتيـب
وأكبر من انّنـي أرتضـي بالحبيبـه




أنـا غرامـي لاابتـدوا بالتّراحـيـب
نفوس الأوادم فـي وجـودي رحيبـه




وان كان زينـي فتنـة ٍ للمصاويـب
أحـط وجهـي بالحريـق ولهيـبـه




زيني أبيعه وأشتري سمعـه الطّيـب
اسم ٍ ينومس بالصّـروح الـذ ّهيبـه




وان كان عندي ( بالحلا) شي ٍ اصعيب
عنـدي جـدود ٍ مارضـت بالغليبـه




دموع القبايـل فـي لقانـا مساكيـب
كـن المقابـر لاحضـرنـا قريـبـه




خضّبت لك كفّي من العـز تخضيـب
ورفعـت راسـي للنّجـوم الصّعيبـه




والله لأسـدّك بالفعـول المصالـيـب
والله لأشيلـك بالرخـا والمصيـبـه




طلع المعالـي ماانحكـم للشّواريـب
بنت ٍ وأناطح فـارس القـوم طيبـه




وياشيخي إبشـر لوتـدور الدّواليـب
بنتك إلا منّه عـوى الذّيـب ( ذيبـه)



ودي واحترامي ...
قلبي مجنوونكـ...

[ام نصيب]

والله مؤثره بقوه لاخلا ولاعدم ياقللللللللللللبي

[غيمْـة♥•]

وماني من اللّي لامشت حفّها الرّيـب
أنـا مـن اللّـي مايدنّـس حليـبـه




صح الله لسانك قلبوشه,,


قصيدتن زينه وتستاهل احلى تقييم

[عسولة الشرقيه]

يالببببببآ ,

والنعمـ بهيك بنآت



صح لسانك ي الغلا
ولسان قايلها

أختيآر رووووووعه


تسلمين ع الطرح


تقبلي مروري

أطيب تحيه

[محمد آل فهاد]

نصفق كلنا لهذه القصيده التي تستحق التقييم فعلا لانها تخص واحد من الذي امرنا رب العزه والجلال بالاحسان اليهما ولانها لاحد ابائنا اطال الله في عمره ومتعه بالصحه والعافيه فلك كل الحب والتقدير على هذا الطرح وهذا الاختيار دمتي بود