|
ملتقى الفنون الأدبية شعر,نثر,خواطر,قصص,روايات وجميع الفنون الادبية |
|
أدوات الموضوع |
#1
|
||||
|
||||
لابــد مـاســود اللـــيالي تـبـكـيـــك
لا تفرح إن الوقـت أسعدك واعطاك = لابــد مـاســود اللـــيالي تـبـكـيـــك دنــــــيا تقلـــب علــها مـــاتــولاك = تمسي عزيز وتصبح امن الصعاليك إلى اقبلت تخفي عيوبك عن اعداك = وإلى ادبرت تظهـر عيوبك لاهاليـك اغنم من اصروف الدهر كانه امـداك = قبل اللحد عن ظاهر الارض يخفيك وترى التشكي للمخاليق يشــــــنـاك = يحط من قدرك ويفـرح مــعــاديـك وكـثر التـشره يجعـل الناس تجفاك = ولا عــاد تلـقى بيـنهـم من يخاويك ولا تمادى في زعل من ترضــــاك = مادام جاء عاني على شأن يرضيك ولا تخــاوي من على ابوه بـــــداك = هذاك وان طال الزمان يغدر فـيـــك والـجـاهـل احـذر لاتجـادلـه يـبـلاك = في كـلـمة بين الـمخاليـق تعـمـيــك والهرجه العوجى لو أنه تنصــــاك = حـاول تجـاهـلهـا وخــله تـعـديـــك ولاتخـيـب هـقـوت اللي تـهـقـــواك = مادام جاء بين المخاليق ناصيـــــك واحـذر تـهـزا يـافـتـى بخلق مولاك = تـشـوفـها باقـرب قـريـبٍ يوالـيـــك ولاتفرح بزودٍ على الحق وان جاك = زودك ترى نقصٍ على حق ذوليـك وخل القناعه ميزةٍ من مزايـــــــاك = مـع الـقـناعـه كــل شـيٍ يـكـفـيـــك وان جت لك الدنيا على غير مشهاك = اصبر ترى بالصبر تدرك امانيـك ولا تأمـن الدنيــا تـرى الوقـت فتــاك = لاجا القـدر كثـر الحـذر ماينجيـــك احمد الناصر |
2013- 6- 7 | #2 |
مشرف سابق
|
رد: لابــد مـاســود اللـــيالي تـبـكـيـــك
صح السان الشاعر احمد الناصر
والله يرحمه نصائح من ذهب سلمت يمينك اخو ناو على اختيارك |
2013- 6- 7 | #3 |
صديقة علم إجتماع
|
رد: لابــد مـاســود اللـــيالي تـبـكـيـــك
معاني جميله بلغه بسيطه .. سلسه .. مفهومه ...
صراحه تجيني دائماً تنبيهات على قصائد نبطيه ما افهمها كثير تحتاج ترجمه .. |
2013- 6- 7 | #4 |
أكـاديـمـي فـعّـال
|
رد: لابــد مـاســود اللـــيالي تـبـكـيـــك
وكـثر التـشره يجعـل الناس تجفاك = ولا عــاد تلـقى بيـنهـم من يخاويك
ولا تمادى في زعل من ترضــــاك = مادام جاء عاني على شأن يرضيك جدا رائعة |
2013- 6- 7 | #5 |
أكـاديـمـي ألـمـاسـي
|
رد: لابــد مـاســود اللـــيالي تـبـكـيـــك
صح لسانك
جزاك الله كل خير |
2013- 6- 7 | #6 |
مشرف عام سابقاً
|
رد: لابــد مـاســود اللـــيالي تـبـكـيـــك
،،،
ابيات نقشة بماء الذهب للمبدع الكبير / احمد الناصر الجارح / شاعرنا مازال حي يرزق ولله الحمد لاهنت ابو يارا ... |
2013- 6- 7 | #7 | |||
مراقب الساحة العامة سابقاً
|
رد: لابــد مـاســود اللـــيالي تـبـكـيـــك
اقتباس:
صح بدنك اخوي والله يسكنه الجنة سلمت على المرور اقتباس:
ابد اذا فيه شي يحتاج ترجمة لا تشيلين همه شكرا على المرور اقتباس:
صح بدنك جميع يا رب |
|||
2013- 6- 7 | #8 | |
مشرف سابق
|
رد: لابــد مـاســود اللـــيالي تـبـكـيـــك
اقتباس:
اووو صحيح المعذره بس اخوي تراهم اثين احمد الناصر فيه احمد الناصر السكران , هذا الي انا اقصده من هجرة السكران بالزلفي والثاني اسمه احمد الناصر الشايع الله يعطيه طولة العمر في طاعته المعذره تشابه الاسماء |
|
2013- 6- 7 | #9 |
مراقبة عامة سابقاً
|
رد: لابــد مـاســود اللـــيالي تـبـكـيـــك
رااائع رااااائع ..
راقت لي جداا .. سلمت بو يارا عالنقل القيم .. |
2013- 6- 7 | #10 |
مميز بملتقى المواضيع العامه
|
رد: لابــد مـاســود اللـــيالي تـبـكـيـــك
صح لسان الشاعر واللي نقل لنا شعره
الله يعطيك العافيه رائع. |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|