ادخل و اكتب تجربتك و الصعوبات التي واجهتك في السنة التحضيرية
 

بسم الله الرحمن الرحيم

السلام عليكم ورحمة الله و بركاته

طلاب الكليات الصحية في جامعة الملك فيصل حبيت أطرح هذا الموضوع للفائدة و كل واحد يكتب ايش هي الصعوبات اللي واجهتكم في السنة التحضيرية .

س - ماهي المادة اللي حسيت بصعوبتها و عدم استعابها ؟؟؟

س - هل ارهقك الدوام الطويل و المحاضرات الطويلة ؟؟؟ و كيف تعودت على الدوام الطويل ؟؟؟

س - هل واجهتك صعوبة في توفير و شراء الكتب أم تعبت في الحصول عليها لأنها غير متوفرة ؟؟؟

س - هل صادفك موقف محرج أو مفرح أو .... اي موقف ؟؟؟؟؟

س- هل دخلك الخوف عندما عرفت انك مجبور باجتيار جميع المقررات و ان تحصل على معدل لا يقل عن 3 و الا تطرد ؟؟؟

س - كيف قدرت على تنظيم و قتك في المذاكرة مع الدوام الطويل و التعب ؟؟؟

س - هل قلت في نفسك في يوم من الأيام , ( أنا وش دخلني الطب أو ..... ,الطب صعب و ماني قده ) و هل شعرت باليأس ؟؟؟

س- كيف حال او اختبار لك هل كنت مرتبك و متوتر ؟؟؟

س - كيف كانت طريقة الاختبار الأول ؟؟

انا خليت الموضوع عبارة عن اسئلة افضل , و اذا في شي انا ما ذكرته و تبي تتكلم عنه قوله عشان نستفيد كلنا

بانتظار مشاركاتكم

رد: ادخل و اكتب تجربتك و الصعوبات التي واجهتك في السنة التحضيرية
 

كيماء عضوية و شوي احياء و بعض مواد الانجليزي :lllolll:



محد تعود عليه لكن الواحد مجبر وش يسوي هذا مستقبله :lllolll:

انا في كتاب ما قدرت اشتريه غير بالفصل الثاني من الدراسة = الفصل الثاني

الظروف تتقلب و ما هي بيد الشخص

لابد الواحد يحس بخوف و قلق لكن اذا زاد الامر عن الوضع الطبيعي فهالشيء راح ينقلب ضده و يخليه واقف عاجز


كانت المسائل مختلطة و مخربطة شوي , لان نضطر اول ما نرجع البيت ننام بعد التعب الي بالدوام و بعدين نجلس و نذاكر شوي و نرجع بالموت نجلس الصباح :lllolll:

لكن اذا تبقى نصيحتي , بإمكانك كون الان اجازة الامساك بورقة و قلم و تنظيم وقتك علشان ما تجي الدراسة الا و جدول الدراسة عندك

يعني مثال : النوم عند الساعه 12 ليلا و الجلوس من النوم 6 صباحا , و عند العودة نوم لمدة ساعتين .. الخ حسب ما يناسبك


كثير نقولها و لكن اذا جيت للأمر الواقع ووقفت وقفة صمت مع نفسك تقول لا هذا مستقبلي و لا يمكن أيأس , بالعكس الحياة كفاح و انا لازم انجح , و هانت كلها 7 سنوات , 6 , 5 4 الخ و صرنا دكاترة ان شاء الله :lllolll: نحفز انفسنا

الخوف سيطر علي بشكل كبير و هالشي ادى الى ........ , كان اول اختبار صدمة :lllolll:


كان اختبار ريدنق = قراءة و كانت الاستاذة جايبه لنا قطعة طويلة و علشها اسئلة ما عرفنا نحلها كونا مبتدئين و لكن ربنا عدانا على خير بالاختبارات الي بعدها و الحمد لله نجحنا

====================

ما في حد يدخل ع الموقع كثير من طلبة الطب و كلكم هنا مستجدين حاليا

يعني اتمنى ردي كان وافي و اتمنى اذا وجد شخص غيري ان يذكر تجربته لاستفادتكم

رد: ادخل و اكتب تجربتك و الصعوبات التي واجهتك في السنة التحضيرية
 

رد: ادخل و اكتب تجربتك و الصعوبات التي واجهتك في السنة التحضيرية
 

اورجوان
الله يعطيك العافية على النصايح و الرد الوافي ما شاء الله

البرنس
هلا بك علا مرورك
بس انت ليش تتكلم كذا انت مو كأنك رايح سنة ثانية ؟؟؟


بانتظار مشاركة الأعضاء الباقين حتى المستجدين , يا اعضاء كل واحد يقول اللي في خاطره لا يستحي :cheese: ههههههههه

رد: ادخل و اكتب تجربتك و الصعوبات التي واجهتك في السنة التحضيرية
 

رد: ادخل و اكتب تجربتك و الصعوبات التي واجهتك في السنة التحضيرية
 

>>> لســـــا أنا مستجدة و إن شاء الله العام الجديد هذا بكون
بسنة أولى التحضيرية ,,

بعدها بجي و برد عليــــــــــــــــــــــــك ,,,>>>تو النــــــــــآس >>ما عليه بسرعة تخلص

رد: ادخل و اكتب تجربتك و الصعوبات التي واجهتك في السنة التحضيرية
 

مســائكم سكر :119:

حياكم ربي اخوتي الصغار في ربوع الكليات الصحيه والله يعينكم ع الشقا >>اسكتي احسن

لا من جد مبروك ع القبول :mh001:

ترا الكل يحسدكم يا حلوين :cheese: وانتم حديث المجالس ياعماد المستقبل :783:

باسمي وباسم جميع اخوانكم الحلوين طلبة الكليات الصحيه نرحب بكم :o1: ونتمنى لكم اقامه مريحه >> ترا قعدتكم طويله :D

ومن هذا المنبرا نعلن انكم ترا كسرتوا خاطري وقررت اتبناكم >> تكفين يالحنونه :xrougi2::xrougi2:

وسوف نكون لكم باذن الباري خير اخوه واقدعهم :119:

وبحمدالله :praying: خلصتوا مرحلة القبول والتسجيل والقتال :c18: والتي انتهت بنجاح :mh001:

وبعد ماعملوا لك اهلك حفله مطنطنه :126: وانتعشت ميزاينة سعد الدين وشوكولاين و****ي :cheese:

وتستاهل ياشيخ العشيره يا دكتور المستقبل :119:



السنه اللي جايتكم مره حلوه وخفيفه :119: بس سبحان الله فيها ثقل :000: >> عندها انفصام شخصيه بعيدن عنكم :hhheeeart4:

طيب انا راح اجاوب على أسئلتك عشان ماقر كثير فوق راسكم لانو لو مسكت الطريق ماعاد ينفع معي حاجه توقفني :t1:

رد: ادخل و اكتب تجربتك و الصعوبات التي واجهتك في السنة التحضيرية
 

باك



بصراحه كل مواد السنه الاولى حلوين مره

بس الماده صعوبتها وعدمها يعتمد ع المذاكره والاجتهاد

الجامعه مو مثل المدرسه ابدا نعتمد فيها على الابله

لا

الجامعه تعتمد على الشخص ومدى اجتهاده ودراسته

يعني مصطلح الـ ( self studying ) مره مهم تتعرف عليه :think:

اكيد دكتور الماده مهم ويؤثر بس الخيط بيدك :41jg: والضربه لك


اذا كنت سهرانه يكون مرهق

بس الله يخلي الكوفي :lllolll:

عالعموم انت ماراح تكون مدوام لحالك :hahaha_2008: بيكون معك باقي شلة المقرودين زملائك

يعني مره تنبسطوا مع بعض وتدقوا السوالف :bgs6: وتجلسوا تحلموا بالغدا وماشابه :066:

ووقت المحاضره بالنسبه لـ سنه اول مو طويل وماتخنق ابدا بالعكس قصيره وتخلص بسرعه قبل وقتها

عالفكره في اليوم اللي يكون دوامك الى 3 ( وجه طفشان) حاول تستغل وقت الدوام

يعني مذاكره جماعيه او مذاكره فرديه في المكتبه :150: مره تستفيد منها

لما كنت بسنه اول كانت تتوفر عندي اوقات فراغ بين المحاضرات او اوقات بريك طويله فكنت استغلها واذاكر مع صحباتي

ونترجم محاضرات الاحياء وكذا او اروح المكتبه اذاكر محاضراتي :119: بصراحه كنا نستفيد جدا

وحتى بسنه ثانيه اوقات الفراغ مره ذهبيه (ورده لصديقاتي في المذاكره والحش )

وبعدين حنا لسه شباب ( مادري عنكم اذا شيبان بس انا توني ) يعني مافينا ظهر ولا روماتيزيوم عشان نتعب ونتفكك :oao:


بالنسبه لي كانت عن طريق الوراثه :cheese:

ياريت لو كنت تعرف احد قبلك تاخهم منه خصوصا انو ماراح تستفيد منهم بعدين يعني بس مخاسير ع الفاضي :eek:

خصوصا انو اسعار كتب الطب تعتبر نوعا مرتفعه


اووووووووه عد وخربط :cheese:

بس من جد ذكرى حلوه :D

هيا المواقف المحرجه بتكون بداية السنه لانك بتكون ضايع بالطوشه وانواع البراءه ولاتدري ايش الطبخه :hahaha_2008:

يعني باختصار " طالب في مهب الريح "

بس معليش وناسه بجد :bgs15:

والمواقف المفرحه والمضحكه والمبكيه مليانه الجامعه خصوصا انك بتقضي وقت مش بطال فيها :119:

عالعموم حياتك الجامعيه ومدى سعادتك فيها يعتمد عليكـ :119:

نصيحه :064:

حاولوا تبسطوا انفسكم

بس مع الاجتهاد اكيد :mh515:

ابدا ولا حتى كنت افكر بالموضوع

لازم تكون عندكم ثقه بانفسكم يا شطار :119:

بعدين لازم يكون طموحكم ارقى من 3 لازم تفكروا في التفوق والمعدلات العاليه

واهم حاجه تفكروا فيها انكم تستفيدوا من دراستكم

وعلى فكره الله يعطي الشخص على نيتو :

انا ماكنت افكر بغير التفوق العالي والحمدالله ربي اعطاني بفضله ثم بتعبي واجتهادي :119:

خلوا طموحكم اعلى واعلى

بس لاتطمعوا كثير :cheese:

انتم وصلتم لمقاعدكم بتفوقكم وراح تظلوا متفوقين لازم مو بكيفكم:017: >> عصبت


المهم ارجع لمتابعة الاسئله في الجزء الثاني واذا الله كتب الجزء الثالث >> باب الحاره موب احسن مني :cheese:

شكرا لحسن الاستماع >> واخيرا فكيتهم >> اسفه :Cry111:

رد: ادخل و اكتب تجربتك و الصعوبات التي واجهتك في السنة التحضيرية
 

بسم الله الرحمن الرحيم

السلام عليكم ورحمة الله و بركاته

طلاب الكليات الصحية في جامعة الملك فيصل حبيت أطرح هذا الموضوع للفائدة و كل واحد يكتب ايش هي الصعوبات اللي واجهتكم في السنة التحضيرية .

س - ماهي المادة اللي حسيت بصعوبتها و عدم استعابها ؟؟؟
بصراحة مافي مادة يعني حسيت انها صعبة وااجد..عادي يعني كل المواد مع المذاكرة بسهولة تقدر تستوعبها:066:


س - هل ارهقك الدوام الطويل و المحاضرات الطويلة ؟؟؟ و كيف تعودت على الدوام الطويل ؟؟؟
اي الدوام عن جد يرهق يعني ساعات نقعد في الجامعة للساعة 3.:000:..وايش نسوي بعد غصب عنا لازم نتعود..يعني مع الوقت صار الموضوع اعتيادي


س - هل واجهتك صعوبة في توفير و شراء الكتب أم تعبت في الحصول عليها لأنها غير متوفرة ؟؟؟
لا ماتعبت واجد يعني تقريبا كلهم كانو موجودين في جرير او العبيكان مدري العبيدان:mh19:




س - هل صادفك موقف محرج أو مفرح أو .... اي موقف ؟؟؟؟؟
اي ياكثرهم...بس خلينا مستورين والله يحب الستر:c8: :lllolll:
هههههههه ...مواقف ماتنسى وخصوصاً مع البايولوجي..



س- هل دخلك الخوف عندما عرفت انك مجبور باجتيار جميع المقررات و ان تحصل على معدل لا يقل عن 3 و الا تطرد ؟؟؟
لا...لأن اساسا انا اشوف ان القبول في كلية الطب اصعب من انك تعدي سنه اولى ...وترا بس اللي مايذاكرو هم اللي ممكن مايعدو(((يعني صحيح ان مو الكل يجيب معدل عالي)))بس المفروض الكل يعدي وترا 3 معدل نازل مررة واللي يجيبه او يجيب اقل منه ترا مايستحق الطب



س - كيف قدرت على تنظيم و قتك في المذاكرة مع الدوام الطويل و التعب ؟؟؟
عادي هو بشكل عام سنة اولى طب اسهل من الثانوية وترا مو شرط تذاكر كل يوم بس اهم شي تلاقي لك طريقة تناسبك في المذاكرة بحيث انك تغطي جميع المواد و اعيد واقول انها اسهل من الثانوية



س - هل قلت في نفسك في يوم من الأيام , ( أنا وش دخلني الطب أو ..... ,الطب صعب و ماني قده ) و هل شعرت باليأس ؟؟؟
لا ابدا ...بالعكس كنت اقول دايما اللي دخلو طب مب احسن مني ..وانا اقدر اكيد اني اعديه ان شاء الله..واهم شي اني اسوي اللي علي والباقي على الله



س- كيف حال او اختبار لك هل كنت مرتبك و متوتر ؟؟؟
اكيد كان فيه شوية توتر في البداية بس.... بعدين الأمور سارت بشكل طبيعي وتعودنا




س - كيف كانت طريقة الاختبار الأول ؟؟
اذكر انه كان اختبار انجلش(جرامر)وكان عادي ...بس يعني جو الجامعة جديد وكذا يعني فكان فيه شوية توتر

رد: ادخل و اكتب تجربتك و الصعوبات التي واجهتك في السنة التحضيرية
 

يعطيك العافيه

رد: ادخل و اكتب تجربتك و الصعوبات التي واجهتك في السنة التحضيرية
 

هلا بك يا Dr.7amad نورت الصفحة بردك
الحمد لله عجبك الموضوع

رد: ادخل و اكتب تجربتك و الصعوبات التي واجهتك في السنة التحضيرية
 

هلا بك أنوار العلم نورتي الصفحة
تقولين بعد سنة بتردين علي ههههههههههههههه , خلاص بعد سنة نجي كلنا و نرد على المستجدين بخبرتنا في السنة الأولى , مساكين المستجدين ما يعرفوا حاجة ههههههههههههههههههههههههه
نورتي الموضوع بردك

رد: ادخل و اكتب تجربتك و الصعوبات التي واجهتك في السنة التحضيرية
 

:bngo12:
هلا بك اختي نورتي الصفحة
اجل كسرنا خاطرك:lllolll: هههههههه يالله ماشي انتي كريمة و احنا نستاهل :cheese:
بس الحمد لله انتي من النوع اللي يشجع الواحد مو يخوفه كأنه داخلين على حرب مو الجامعة :bngo12:

رد: ادخل و اكتب تجربتك و الصعوبات التي واجهتك في السنة التحضيرية
 

ولكم باك:cheese:

ـ صحيح مثل ما قلتي صعوبة المادة و عدمها يعتمد على المذاكرة و الاجتهاد لأن اللي يذاكر يوميا اكيد راح تسهل عليه كل مادة :119: .
ـ الحمد لله ان عندي قدرة على التعليم الذاتي , لما كنت في ثانوي اغلب المدرسين ما يعرفون يشرحون :011: و انا اللى آكلها في الاخير ههههههههههههههه بس الحمد لله اذا رحت البيت أفهم الدرس بنفسي و آذاكره و الحمد لله اخذت درجات قوية :d5:.
ـ و أما على دكتور المادة و بيدة الخيط , فهاذي واقعية جدا , مثلا انا الطالب المسكين ممسك بالخيط بكل قوتي لكي لا اسقط و الدكتور يحاول اسقاطي اذا لم اجتهد >>> فلم هندي هههههههههههههه:cheese:



ـ ان شاء الله نتعود على الزملاء الجدد :c8: , مع اني ما اعرف احد منهم و لا واحد من اصدقائي معاي في نفس الكلية :bawling:

ـ ان شاء احاول استغل وقت الفراغ بين المحاضرات في المذاكرة , يعني لازم ناخذ الكتب معنا كل يوم الجامعة :017:

ـو الحين انا عندي سؤال :mh19:
س - لازم نكتب ورا الدكتور في كل المحاضرات ؟؟؟ :000:


ـ يا خسارة ما اعرف احد يدرس الا اوحد يقرب لي من بعيد ما اقدر آخذ منه الكتب :t1: , و الله شكلي راح اتعب مع ها الكتب :Cry111:


ههههههههههه انا اول يوم ما ادري ايش اسوي قلت باخذ معي ابوي يروح معي :hahaha_2008: ههههههههههههههههه

أنا من الان أفكر شلون راح يكون أول يوم جامعي :t1:
يا رب يسر علي أول الايام :s12:


ان شاء راح نبيض وجه أول سنة :lllolll:
مع انها في نظري اصعب صعب لانها سنة تحديد المصير :hahaha_2008: , يا تكمل يا تشيل قشك :cheese:
الله يعطيك العافية على مرورك و رد وافي :119:

رد: ادخل و اكتب تجربتك و الصعوبات التي واجهتك في السنة التحضيرية
 

:المشكلة مو في المذاكرة المشكلة في وقت المذاكرة , يعني انا مجبور اني أذاكر في الليل و انا من النوع اللي يقفل مخه في الليل:hahaha_2008:هههههههههههههه و ما اعرف اذاكره , الله يكون في العون :119: .

بقولك سالفتي و بتضحكون علي هههههههه , انا قلت يوم دخلت الجامعة خلاص راح ارتاح و بس دوام ساعتين أو ثلاث بالكثير :hahaha_2008: هههههههههههههههه , ما اشوف الا بعدين يقولون لي الدوام الى الساعة ثلاث العصر :lllolll:


ان شاء الله حتا انا ما اعتب فيهم , لأن الكتب مشكلة , اذا ما توفرت كيف نذاكر ؟؟؟:o3:


هههههههه انا من الان و انا اجهز نفسي حق الاحراج و اسئلتي اللي ما تخلص :hahaha_2008:


يعني فيه احد اول سنة طب يقدر ياخذ 4,5 :o3:
و ان شاء الله نعدي ها السنة على خير

ممكن تكون اول سنة اسهل من ثانوي لأن الدروس راح تكون مكرره مثل دروس الكيمياء و الفيزياء :d5:


حتا انا اقول يسوي اللي على و الباقي على الله :praying:

الله يعين بس على الاختبارات , بس كيف تكون طريقة الاختبار مثلا اختيار متعدد أو سؤال و جواب :lllolll:

مشكوره اختي على مشاركتك و تعقيبك و افادتنا بخبرتك :119:

رد: ادخل و اكتب تجربتك و الصعوبات التي واجهتك في السنة التحضيرية
 

الله يعافيك اخوي
و ان شاء الله عجبك الموضوع :119:

رد: ادخل و اكتب تجربتك و الصعوبات التي واجهتك في السنة التحضيرية
 

يعني فيه احد اول سنة طب يقدر ياخذ 4,5 :o3:
و ان شاء الله نعدي ها السنة على خير

اي طبعاً ممكن وممكن حتى تجيب اعلى من 4.5 شدعوه..بالعكس اصلا سهل انك تحصل على معدل عالي سنه اولى

ممكن تكون اول سنة اسهل من ثانوي لأن الدروس راح تكون مكرره مثل دروس الكيمياء و الفيزياء :d5:
ا
ي صح حتى انها مختصرة اكثر








الله يعين بس على الاختبارات , بس كيف تكون طريقة الاختبار مثلا اختيار متعدد أو سؤال و جواب :lllolll:


على حسب المادة يعني البايولوجي اختيار من متعدد والفيزيا مسائل وصح وخطأ واختياري والكيميا صح وخطأ واختياري ومسائل اذا فيه واكمال معادلات والانجلش حسب المادة والاسلاميك على كيفهم

رد: ادخل و اكتب تجربتك و الصعوبات التي واجهتك في السنة التحضيرية
 

[QUOTE=صيدلي المستقبل;184704]بسم الله الرحمن الرحيم

- ماهي المادة اللي حسيت بصعوبتها و عدم استعابها ؟؟؟

الحمد لله مافيه شي سنه اولى بس سنه ثانيه شوي الكيمياء العضويه (biochmistry)

س - هل ارهقك الدوام الطويل و المحاضرات الطويلة ؟؟؟ و كيف تعودت على الدوام الطويل ؟؟؟
والله اول شي بس بعدين تعودنا عليه وبالعكس صرنا نداوم بزيادة الى صلاة المغرب اما كيف تعودت على الدوام فا مايبيلها شي دلة قهوة عقب صلاة الفجر ومايحتاج تدوام الى بكرة لو تبي


س - هل واجهتك صعوبة في توفير و شراء الكتب أم تعبت في الحصول عليها لأنها غير متوفرة ؟؟؟
لا الحمد لله البحرين قريبه اللي موموجود بالسعوديه مشوار ساعه او ساعتين والكتاب عندك

س - هل صادفك موقف محرج أو مفرح أو .... اي موقف ؟؟؟؟؟
اووووووووووووه عد واغلط خاصة بالعيادات حقتنا بكلية طب الاسنان

س- هل دخلك الخوف عندما عرفت انك مجبور باجتيار جميع المقررات و ان تحصل على معدل لا يقل عن 3 و الا تطرد ؟؟؟
ممكن شوي بس الى ماكسبنا الثقه وركزنا بالدراسه ومشت الحمد لله

س - كيف قدرت على تنظيم و قتك في المذاكرة مع الدوام الطويل و التعب ؟؟؟
والله مااقدر اكذب عليكم مذاكرة يوميه مافيه ابد من اسبوع الى اسبوع ممكن لانه الدوام من الساعه 8 الى الساعه 6 المغرب وارجع البيت مالك امل افتح شي انام واصحى للدوام اليوم الثاني

س - هل قلت في نفسك في يوم من الأيام , ( أنا وش دخلني الطب أو ..... ,الطب صعب و ماني قده ) و هل شعرت باليأس ؟؟؟
اليأس مرة وحده لا بس ممكن اتضايق شوي بعض ايام وبعدين نرجع للواقع ونفكر انه مستقبلنا ولازم نتحمل

س- كيف حال او اختبار لك هل كنت مرتبك و متوتر ؟؟؟
اكيد قبل الاختبار لازم بس اثناء وبعد الاختبار الحمد لله ترتاح وتنبسط

س - كيف كانت طريقة الاختبار الأول ؟؟
اختيارات متعددة ( msq)

رد: ادخل و اكتب تجربتك و الصعوبات التي واجهتك في السنة التحضيرية
 

يعطيك العافيه افدتنا وأزلت بعضا من الخوف مني يعطيك العافيه وأتمنى انك تتحفنا بأشياء أخرى ترى أنها تفيدنا من وجهة نظرك في السنه الأولى

رد: ادخل و اكتب تجربتك و الصعوبات التي واجهتك في السنة التحضيرية
 

حياك الله اخوي عبد المجيد واذا محتاج اي شي لايردك الا لسانك ترا حاضرين وبالشوفه باللي نقدر عليه

رد: ادخل و اكتب تجربتك و الصعوبات التي واجهتك في السنة التحضيرية
 

هههههههههههههههههههههه:hahaha_2008:
والله ماعرفنا لكم:017:
بعضكم يخوف والبعض يريح حقيقة:lllolll:
وانا بصراحه دخلت الطب وانا ماحب شي اسمه بيلوجي اكرهه مو بس ماحبه:017:
فشلون بفلح وانتوا تحرصون عليه كثير:Cry111:
الله يكون بالعون بس
ومشكوورين والله على مجهودكم يا اطباء المستقبل
تحياتي
دكتوره المستقبل >>>>>متفائله البنيه خخخخخخخ\\
حنين الامل

رد: ادخل و اكتب تجربتك و الصعوبات التي واجهتك في السنة التحضيرية
 

:lllolll:

الموضوع باختصار يا أختي

اجتهدتي و ذاكرتي = نجاح

اهملتي = تراكم الدروس = فشل و رسوب لا سمح الله

رد: ادخل و اكتب تجربتك و الصعوبات التي واجهتك في السنة التحضيرية
 

هاااي

انا مستجده ان شاء الله بعد سنه اجاوب ع الاسأله ^_^

بعضكم بريح وبعضكم يخوف الواحد

انا وما بعد اشوف شي اقول (( شنو الي خلاني اسجل طب من الاساس ))
لاني وحده خواافه الابره اخاف منها

ممكن يكون طموحي الطب بس الاساس كان عناد وتحدي

رد: ادخل و اكتب تجربتك و الصعوبات التي واجهتك في السنة التحضيرية
 

في ناس كثير

ما كان طموحهم طب و دخلوا و مع مرور الايام حبوه و ابدعوا فيه

فلا تحطين في بالك فكرة الفشل بل النجاح

:119:

و اذا ع الابره فأهلي يقلون اني وانا صغيره من اشوف نقطة دم اخاف كثيــــــــر

بس سبحان الله !

شفتي الزمن :lllolll:

رد: ادخل و اكتب تجربتك و الصعوبات التي واجهتك في السنة التحضيرية
 

أنــا اعظم منكــم

مرتين يغمى علي لما شفت دم ما يتجاوز دائرة قطرها نصف سنتيمتر :hahaha_2008: ولا وفي الثانوية بعد.. مع انى ماذكر كنت خايفة يوم شفته بس فجأة جتنى دوخه و طحت

بس سجلت طب عناد لنفسي وغصب طيب ابي اشووف الدم بدون خوف

رد: ادخل و اكتب تجربتك و الصعوبات التي واجهتك في السنة التحضيرية
 

:lllolll:

انتي راح تشوفين جثث :lllolll: ناس ميته :hahaha_2008: مو بس دم :064:

لكن صدقيني الكل حس انه بيخاف و لكن لما شفناهم عادي حسيناهم ألعاب استغفر الله !

الي ما فيه راس

و الي موجود فيه نصف جسمه فقط

اللهم كافينا الشر :cheese:

رد: ادخل و اكتب تجربتك و الصعوبات التي واجهتك في السنة التحضيرية
 

انا كثير متأزمه من هالسالفه

ماتحمل اشوف عمليه وشق ماقدر اطالع اصلا :011:

ارجوان

علميني شلون قدرتي تتغلبين على هالمشكله؟؟

:Cry111:

رد: ادخل و اكتب تجربتك و الصعوبات التي واجهتك في السنة التحضيرية
 

هذا الله يسلمك تعوذنا من ابليس

و قبل ما ندخل كنا نقط نكت :lllolll:

و بعدين دخلنا


:000:


و شفنا الجثة مسكرة بأخو الكفن يعني مش قماش :hahaha_2008: لا :lllolll: غطى بلاستيك

و شوي شوي الا و تنفتح

بس طبعاً ما يفتحونها لك كلها مرة وحده

لانهم يدرون بيوقف قلب الي يطالعون

لكن يفتحون الجزئية الي راح يشرحون عليها

و شوي شوي <<<<<< رجعت على شوي شوي :lllolll:

تتعودون

اصلا من البداية و من اول نظرة راح تحبونهم :hahaha_2008: قصدي تحسون ان الوضع طبيعي اللهم بتشعرون ببعض القرف من الريحة :cheese: و انكم تلمسونها

لكن لا تخافين الاغلب ما يلمسها يعني يطالع من بعيد لبعيد

و شوي شوي :lllolll:

تدخلين وسطها على ما تدورين الي تبغين تشوفينه :hahaha_2008:

take it easy

كل شي حلو

لا تخافين اذا حبيتي انا ادخلك عليهم و اعرفك على اسمائهم :hahaha_2008: <<< اذا اتيحت لنا الفرصة بالدخول

رد: ادخل و اكتب تجربتك و الصعوبات التي واجهتك في السنة التحضيرية
 

واو يخرعوووووووووووووون

رد: ادخل و اكتب تجربتك و الصعوبات التي واجهتك في السنة التحضيرية
 

طيب بأي سنة نطالع أخواننا الموتى

رد: ادخل و اكتب تجربتك و الصعوبات التي واجهتك في السنة التحضيرية
 

لا تخافين أختي

أنتي بتشوفين كل جزء لوحده و احيان بس يجيبون لك جثة كاملة و ما يفتحونها بعد كلها , فقط الجزئية الي راح يشرح الدكتور عليها

:hahaha_2008:

:lllolll:

هم أخواننا قِطَع الموتى , يعني يد , رجل , نص رجال , :hahaha_2008:


الجثث في سنة ثانية طب

يعني لاحقين انتو

درسو سنة و بتتعودون ع الوضع

لانكم بتشرحون أرنب و يمكن ضفدع بسنة أولى

موفقين

رد: ادخل و اكتب تجربتك و الصعوبات التي واجهتك في السنة التحضيرية
 

حبيبتي ارجوان انا ماتكلم عن الجثث والميتين

اتكلم عن الأحياء >>> :lllolll:

يعني تقدرين انك تستعملين الشفره وتشقين الجلد وتسوين عمليه ؟؟؟

:011:

رد: ادخل و اكتب تجربتك و الصعوبات التي واجهتك في السنة التحضيرية
 

أختي

حنا مسكنا موس و مقص و شقينا بطن و لكن بطن أرنب :lllolll: و مرة قصينا نصف جسم الضفدع <<<<<<< متطلبات

في البداية لازم الواحد يخاف " شوي " لكن بعدين و مع الباقين تشوفينه يتحمس و يبقي يجرب و يدفع الي قدامه بعد بس علشان يجرب نفسه

يعني اتذكر و انا في سنة أولى كنت متحمسة كثير و كل البنات كانو يقولون ما نبقى و قرف و مدري ايش و انا اقول كيفكم انا بجرب في النهاية و لما قالت لنا الدكتورة يلا جربوا , البنات حذفوني ورى و شرحوا الارنب كان ازعل :011: :hahaha_2008:

رد: ادخل و اكتب تجربتك و الصعوبات التي واجهتك في السنة التحضيرية
 

ايه ياللي مسوين انكم تخافون من الجثث والله بكرة انشاء الله اشوفكم بالمشرحه تقطعون الشرايين والاعصاب اللي ماتبونها تجي في الاختبار العملي >>>>>>>>>>>>>>>>مسويها الاخ وااااااجد:

واشوف الواحد ماسك المخ وقاعد يشرح عليه لزملاءه والوضع عاااااااااااادي لا وبعض ناس يجيبون الشاهي معهم ويقعدون يتقهوون قدام الجثث واذكركم انشاء الله