رد: اللي مقبولين في الطب حياكم خلونا نستفيد من بعض!!
 

أخوي

اول شيء انت الاحساء ولا الدمام ؟؟

أنا خبري بالاحساء فقط

لذالك بقول لك الي عندي

:119:

درجاتك ينزلون على نظام البنر في ( نهاية السنة ) لأن نظام الطب ( سنوي ) => ينزلونها بعد ما تكون من 100

أما اذا بقيت درجات الفصلي و الكويزات , فتروح للدكتور بعد كم يوم من الاختبار و تقول له صححت الورق ؟؟ و هو بكل برود يا يقول لك اي يا لا .. عاد اذا قال لك لا , فانتظر لين يصحح و يعطيك الدرجة

و غالبا دكاترة الاحياء مجتهدين <<<< خبري من جهة البنات!

يعني بيعطونكم اياهم مبكر ان شاءالله

=======

موفق

رد: اللي مقبولين في الطب حياكم خلونا نستفيد من بعض!!
 

تسلمين على الرد :119: بس أنا في كلية الدمام :000:

وأنا إن شاء الله راح أسأل دكاترة الأحياء أشوف إيش الطبخة

رد: اللي مقبولين في الطب حياكم خلونا نستفيد من بعض!!
 

السلام

كيفكم

بس حبيت أسأل

في تسجيل الترم الثاني لو لا ..؟

رد: اللي مقبولين في الطب حياكم خلونا نستفيد من بعض!!
 

وعليكم السلااام

الحمد لله بخيييير

خذي راحتك

التسجيل بس برسوم وبس

رد: اللي مقبولين في الطب حياكم خلونا نستفيد من بعض!!
 

وش تقصد اخوي بالتسجيل في الترم الثاني ؟؟

اذا كان قصدك تسجيل المواد على نظام البنر فهو سنوي , اللهم مواد الدين الي هي فصليه و تسجلها كل فصل مع مادة الصحة و التربية البدنية

اما اذا كان قصدك تسجيل لدخول الطب فما اظن ان فيه

لان الطب نظامه سنوي و اذا بياخذون حد فياخذون مع السنة الجديدة

و تقريبا ما يقبولون غير خريجي نفس السنة

رد: اللي مقبولين في الطب حياكم خلونا نستفيد من بعض!!
 

الله يخليكم قولوا لي الحين لما نذاكر هل التعب اللي صار ا من المدرسة :cheese:والتعب مو هين لان النظام المدرسي من اختبارات وغيرها غير فصار علينا ضغط هو المطلوب في الطب:000: ولاتقولون انه المدرسه غير والطب غير :t1: احنا نعرف الختلافات الله يخليكم ويوفقكم نصحوني لوجه الله

رد: اللي مقبولين في الطب حياكم خلونا نستفيد من بعض!!
 

أختي ..

كل ما تقدمتي في السنوات الدراسية => تزيد صعوبة المواد و الآن باعتبار انك خلصتي ايام المدرسة و انتقلتي الى مرحلة أرقى فتأكدي ان الصعوبة لابد تزيد .

الطب يحتاج شيء واحد فقط و مش بس هو , إنما جميع انواع العلوم

الشيء هو

( المثابرة على الاجتهاد )

:mh19:

تكمن صعوبة سنة أولى في تعلم اللغة الانجليزية و انكم تحتاجون وقت للترجمة و وقت لتركيب الجملة الي ترجمتوها و فهم و حفظ و مراجعه الخ !!

و لكن تأكدي اختي مع الايام تتعودين على هذا الشيء

يعني انا لما كنت في سنة أولى حسيت ان الدنيا ضايقة فيني و ان الامور صعبة الى اقصى حد

لكن لما جيت سنة ثانية :Cry111: الامور :mh19: ما ابقي اوصفها لك علشان ما تخافين :lllolll:

============

يحتاج الموضوع تعب

و لكن تعبي و خل عينك على الهدف = انك تصيرين دكتورة

موفقة عزيزتي

رد: اللي مقبولين في الطب حياكم خلونا نستفيد من بعض!!
 

شكرا الله يوفقك ويرزقك جنات الفردوس:d5:

رد: اللي مقبولين في الطب حياكم خلونا نستفيد من بعض!!
 

رد: اللي مقبولين في الطب حياكم خلونا نستفيد من بعض!!
 

يؤؤؤ وهذا للحين حي

طلعت حركات الدفاارة أكيد يذاكر

ويخرب عليك :hahaha_2008:

أرجواان

حبيبتي الله يعطيك العااافية

الجميع

بالتوفيق إن شاء الله والله يسهل عليكم