ملتقى طلاب وطالبات جامعة الملك فيصل,جامعة الدمام - اي واحد عنده معلومات عن جامعة الطب حياه الله يقلط

رد: اي واحد عنده معلومات عن جامعة الطب حياه الله يقلط

طيب يااخوات ويااخوان .. ماتدرون متى موعد القبول وكيف اعرف اني مقبولة..وبأي تخصص قبلوني ..؟!

هل يوجد استمارة ترشيح كباقي الجامعات وكيف اطبع الاستمارة..؟!

اعذروني كثرت اسئلتي عليكم .. يعطيكم العافية

رد: اي واحد عنده معلومات عن جامعة الطب حياه الله يقلط

حسب ماقريت بإعلآن صرح فيه د. الفردان
بآنو اول دفعه قبول بتكون ٢١ شعبان
وتآبعي موقع الجآمعه اول بآول
وكلما تنزل دفعه شيكي على قبولك
واذا طلع لك قبول عند الكليه اللي انقبلتي فيها
بتلقين رابط صوره للبريد الممتاز تودينها
وتسوين الفحص والمقآبله < لطلآب الكليات الصحيه فقط
وبس وبيعطونك رقم اكاديمي بورقه البريد الممتاز
وتجين تدآومين عندنا !:53:

رد: اي واحد عنده معلومات عن جامعة الطب حياه الله يقلط

و و و خوذي رآحتك بالاسئله احنا موجودين وبالخدمه خيتو

رد: اي واحد عنده معلومات عن جامعة الطب حياه الله يقلط

هلا اختي ملاذي...
مثل ماقال الاخ محمد بالنسبه لاستفسارك وسوري ع التأخير

وعندي لك رااابط ان شآآء الله راح يفيدك >>> :106:
http://forum.ud.edu.sa/showthread.ph...ـ-مواعيد-وشروط-..

وخووذي راحتك بالاسأله عآآدي
بس ابي دعواتك

وبالتوفــــــــــــيق:106:

رد: اي واحد عنده معلومات عن جامعة الطب حياه الله يقلط

اسمحي لي اشرح لك الفررق بين الاحساء والدمام

جامعة الملك فيصل كانت مسمى لكلا الجامعتين بالدمام والاحساء

وكل خريج كان يستلم شهادة مختومه بأسم جامعة الملك فيصل

لكن يوم تم الفصل

صارت الدمام منعزله بشهادتها

والاحساء نفس الشهاده

هنا خلقت مشكله

كلية الطب بالدمام صارلها تقريبا 36 سنه ،، عريقه جدن ومعروفه عالميا لكن بحكم تغير الاسم صارت تطلع على انها جامعة جديده ماخرجت ولا دفعه قبل " بالعربي اللي يتخرج طب من جامعة الدمام شهادته مو معروفة عالميا "

وكلية الطب بالأحساء اللي مامر عليها 8 سنوات تخررج دفعات بشهادة جامعة الملك فيصل اللي طبعن معروفه عالميا بكندا وامريكا

تبين الزبده ؟؟

شهادة كلية الحسا أقوى ، والدراسه فيها لينه

هذا مو كلامي

هذا كلام وكيل كلية الطب بالدمام ، قالي هالكلام يوم جيت اطلب تحويل للدمام